hósdagur 29. september 2005síða 38

Nr. 185 • hósdagur • 29. september 2005 • 79. árg. Á altjóða bilafram- sýningin í Frankfurt, ið er í hesum døgum, presentarar Skoda toppmodellið í Octavia røðini, Octavia RS, við 200 hk og koyrir frá 0-100 km/t upp á 7,3 sek BILAR Magnus Gunnarsson maggi@sosialurin.fo Tann Skoda Octavia, sum kom á marknaðin í 1996, var fyrsti nýggi Skoda eftir at VW-konsernin hevði yvirtikið kekkisku bil- verksmiðjuna. Í fjør kom so Octavia í aðru generatión, og nú verður toppmodellið Octavia RS presenterað á altjóða bilaframsýningini í Frankfurt, sum er í hesum døgum. Skoda Octavia verður gjørdur sum hatchback við 5 hurðum og sum Combi, sum er stationcar útgávan, og tað eru hesir, sum nú eisini koma sum RS. Octavia RS hevur 2.0 litur TFSI bensinmotor við 200 hk og einum snúnings- momenti sum 280 Nm. Toppferðin er 240 km/t, og bilurin koyrir frá 0-100 km/t upp á 7,3 sek. Bilurin er sportsligur bæði innan og uttan við t.d. spoilarum aftan og framm- an, síðupanelum og alu- felgum. Octavia RS verður frumsýndur við nýggja litinum "Race blue", men koma seinni í hesum litum: gult, reytt, svart og silvur. Seinni kemur eisini ein 2.0 litur TDI PD diesel útgáva við 170 hk. Octavia RS kemur á marknaðin síðst í hesum árinum. Octavia RS er ein sportsligur bilur við t.d. spoilarum aftan og framan, síðupanelum og alufelgum Skoda Octavia RS við 200 hk Tað er ikki nakað nýtt, at kvinnur eru nógv minni innbland- aðar í fersluóhapp enn menn. Ein svensk kanning staðfestir eisini, at um menn koyrdu bil eins og kvinnur, vildu helvt- ina færri mannligir bilførarar doyð í ferðsluni FERðSLUTRYGD Magnus Gunnarsson maggi@sosialurin.fo Um menn koyrdu bil sum kvinnur, vildu helvtina færri menn doyð í ferðslu- vanlukkum. Tað staðfesti svenski granskarin Kata- rina Bokstrøm á einum ferðsluskeiði, sum var fyri- skipað av NTF í Svøríki. NTF er nakað tað sama sum Ráðið fyri ferðslu- trygd hjá okkum. Hóast útrokningar taka hædd fyri, at menn koyra meira enn kvinnur, er tað ein sannroynd, at dupult so nógvir mannligir bilførarar doyggja í ferðsluni. Ein frágreiðing er at menn m.a. koyra skjótari, standa fyri tí mestu rús- drekkakoyringini og gloyma ofta at spenna trygdarbeltið. Katarina Bokstrøm stað- festir út frá teirra kanning- um, at talið á mannfólki, ið lata lív í ferðsluni, vildi fallið við yvir 30 prosent- um, um teir yvirhildu há- marksferðina, ikki koyrdu ávirkaðir og spentu síni trygdarbeltir, skriva Sve- riges Television á teirra heimasíðu. Kvinnur betri bilførarar Skoda Octavia RS er toppmodellið í Octavia- røðini. Bilurin hevur 200 hk motor og koyrir frá 0-100 km/t upp á 7,3 sek Ein svensk kanning staðfestir, at um menn koyrdu bil eins og kvinnur, vildu helvtina færri mannligir bilførarar doyð í ferðsluni Modellmynd: Lisa Lamhauge Myndamaður: Jens Kristian Vang