hósdagur 13. oktober 2005síða 2

2 Nr. 195 - 13. oktober 2005 Leiting eftir kolvetn- um í føroyskum øki hevur í dag tikið eitt týdningarmikið stig víðari í strembanini at finna kolvetni í rakstrarverdum nøgdum sigur Oljufyrisitingin, nú avtala er gjørd um at bora inni á basaltin- um TÍÐINDASKRIV Bjarni Djurholm, lands- stýrismaður í vinnumálum, og loyvishavararnir í loyvi 004 og loyvi 007, hava í dag gjørt avtalu um, at fe- løgini í seinasta lagi í 2007 fara at bora ein leitibrunn á loyvi 007. Oljufeløgini BP Amoco Exploration (Faroes) Limit- ed ("BP") og Shell U.K. Limited ("Shell") vendu sær fyrr í ár til føroysku oljumyndugleikarnar at kanna møguleikarnar fyri at eftirverandi skyldurnar at bora tveir leitibrunnarnir í loyvi 004, kundu lúkast við at bora ein brunn long- ur inni á landgrunninum, har tjúkt lag er av basalti. Feløgini meta, at tey úr- slit, tey hava fingið frá bor- ingini, ið gjørd varð í 2001, á Svínoy leitimiðinum í loyvi 004 og tær kanning- arnar, ið síðani eru gjørdar, talaðu fyri, at tað eru betri møguleikar at finna kol- vetni í rakstrarverdum nøgdum á øðrum økjum, enn í økinum fyri leitiloyvi 004. Hesum eru føroysku oljumyndugleikarnir samd- ir í, og fegnast tí um at leitingin nú veruliga tekur dik á seg á basaltøkinum. Samstundis má ásannast, at avgerðin um at veita 9 ára loyvini sum part av fyrsta loyvisumfar, nú hevur ein avgerandi leiklut fyri at avtalan í dag kundi gerast veruleiki. BP og Shell hava gjørt semju við Anadarko Faroes Company ("Anadarko"), ið er einasti loyvishavari á loyvi 007, um at bora ein leitibrunn á hesum økinum. BP og Shell gerast partar av loyvi 007, og verður BP fyristøðufelag í loyvinum. Samstundis sleppa BP og Shell loyvi 004. Bjarni Djurholm, lands- stýrismaður í vinnumálum, er væl nøgdur við hesa nýggju gongd í arbeiðinum at finna kolvetni í rakstrar- verdum nøgdum á føroysk- um øki. Bjarni Djurholm sigur: "Oljuleiting í Føroyum hevur nú góð 4 ár á baki síðan fyrsti borurin varð settur í. Royndirnar higartil hava víst, at kolvetni finnst á føroyskum øki og síggja vit nú at leitingin flytur seg longur inn á landgrunnin at kanna leitimið undir basalt- inum. Tann brunnurin, sum í dag er avtalaður, hevur fyrst og fremst til endamáls at leita eftir kolvetnum, men eisini at staðfesta jarð- frøðiligu viðurskiftini undir basaltinum til frama fyri framhaldandi leitivirk- semi." "Vit hava eisini staðfest, at føroyskar fyritøkur, ið hava fingið møguleikan at veita oljuvinnuni tænastur í samband við leitivirksemi, til fulnar hava prógvað, at tær eru førar fyri at átaka sær uppgávurnar." "Tað er tí mín vón at fe- løgini, sum nú taka stig til at bora gjøgnum basaltið, hepnast við hesi stóru av- bjóðing til gagns fyri sam- felagið alt." Gjøgnumbrot í oljuleiting: Slóðbrótandi avtala um at bora á basaltinum Kortið vísir loyvisøkini frá 1. útbjóðing á landgrunninum tvs. bæði 6 og 9 ára loyvi. Nú verða so tveir brunnar fluttir frá øki 004 og lagdir saman at bora í øki 007. Pílurin vísir staðið, har borurin verður settur í um hálvtannað ár. Kort Oljufyrisitingin Eftir undirskrivingina av avtaluni: Mike Smith frá Shell, John A. Edge frá Anadarko, Sigurð í Jákupsstovu, stjóri á Oljufyristingini, Bjarni Djurholm, landssstýrismaður og Graham R. Day frá BP Mynd Jan Müller