hósdagur 13. oktober 2005síða 3

Oddamenninir fyri tey bæði oljufeløgini BP og Anadarko fegn- ast um avtaluna, sum loksins er undirskriv- að um at flyta tveir brunnar frá lands- synningshorninum á landgrunninum long- ur inn á landgrunnin og har bora ein rætti- liga kostnaðarmiklan brunn gjøgnum basalt, nakað, sum ikki er roynt her áður. Shell er eisini partur av nýggja samtakin- um OLJULEITING Jan Müller jan@sosialurin.fo Týsdagurin tann 11. oktob- er kann koma at gerast ein minniligur dagur í føroysk- ari oljusøgu. Henda dag varð ein heldur óvanlig av- tala gjørd millum føroysk- ar myndugleikar og trý stór altjóða oljufeløg. Bretska BP og hálendska Shell, sum hava bundið seg til at bora tveir brunnar aftrat á landgrunninum, skrivaðu henda dag undir avtalu við amerikanska oljufelagið Anadarko um at flyta hesar báðar brunnarnar frá teirra 6 ára loyvi nær markinum til 9 ára loyvið hjá Ana darko, sum liggur longur inni á landgrunninum – og leggja teir saman til ein brunn, ið skal broast gjøg- num basalt. Orsøkin til at flyta um- røddu brunnar er at finna meira hóskandi støð at bora eftir olju og gassi á Føroya- leiðini, nú fýra brunnar í landssynningshorninum av landgrunninum stutt frá bretska markinum, ikki góvu tey úrslit man annars hevði vónað. BP, sum er fyristøðufelag, hevur gjørt vart við, at tað ikki metir egnað støð vera at bora eftir olju í hesum økinum. Út frá tí sannroynd er so sprottið hugskotið um at flyta brunnarnar longur inn á landgrunnin. Nú er so gjørd ein á- hugaverd avtala, sum før- oyskir myndugleikar fegn- ast um, tí hon setir gongd á aftur oljuleitingina og tað áhugaverda er, at hetta verður í einum nýggjum øki, har eingin hevur borað áður, nevniliga inni á basaltinum. Føroyskir myndugleikar hava annars leingi sæð fram til, at okkurt oljufelag fór at bora gjøgnum basalt- ið, soleiðis at vitan fekst um løgini undir basaltinum. Henda avtalan er so tann fyrsta av sínum slag. Og kann man siga, at hon er rættiliga kolveltandi. Ein annar møguleiki kundi verið, at BP/Shell gjørdu av als ikki at bora og heldur rindaðu føroyska lands- kassanum tað virði, sum tveir brunnar hava, eina staðni millum 300 og 500 mió. kr. Tað hevði verið sera óheppið fyri víðari leitingina, tí tá misti tú møguleikan at bora fleiri brunnar. John A. Edge, altjóða samráðingarleiðari hjá Anadarko kom úr Houston til Føroya fyri at seta navn sítt undir hesa avtalu. Hann er sera fegin um avtaluna, tí hon gevur ætlanunum hjá felagnum kjøt og blóð. Fe- lagið hevur annars í mong ár gjørt ymsar kanningar á sínum loyvi á landgrunnin- um uttan tó at gera endaliga greitt, hvat tað ætlaði at gera her í framtíðini. Nú kemur so avtalan við BP og Shell sum eitt kærkomið høvið at koma eitt týðandi stig víðari. – Bæði vit í Anadarko og eisini BP og Shell eru sera bjartskygd um henda brunnin og rokna vit við at bora hann í seinasta lagi 2007. Anadarko, sum hevur eitt 9 ára loyvi, skuldi av røttum gera av, um tað vildi halda fram við sínum virk- semi í Føroyum um hetta mundið. Nú komu so BP og Shell og bóðu um loyvi at bora teirra brunn inni á loyvinum hjá Anadarko, og harvið verður felagið eisini beinleiðis partur av einum brunni. John Edge dylur ikki fyri, at teir eru sera fegnir um at skula sam- starva við BP og Shell, tí hetta eru feløg á høgum tøkniligum støði, og tí kemur tað væl við hjá Anadarko at koma í sam- starv við tey. Men ikki nóg mikið við tí. Anadarko er tí teirri heldur løgnu støðu, at fe- lagið, sum jú enn ikki hevði bundið seg til at bora nakran brunn, nú bráddliga verður partur av tveimum brunnum. Felagið er nevni- liga eisini medeigari av einum øðrum 9 ára loyvi, sum Statoil er fyristøðufe- lag fyri. John Edge sigur, at samráðingarnar eru ikki lidnar um at flyta tveir aðrar brunnar úr landssynn- ingshorninum til hetta 9 ára loyvið, ið liggur uppaftur longur inni á landgrunnin- um, men hann roknar við, at tær enda við, at ein brunnur verður boraður har í komandi ári. Tað eru olju- feløgini Statoil og Amerada Hess og teirra samstarvs- partnarar, ið á sama hátt sum BP og Shell eisini ynskja at flyta síni tvey boriforpliktilsi frá tí so- nevnda "Gullhonrinum" til eitt 9 ára loyvi longur inni á landgrunninum. – Vit fegnast sjálvandi um at vera komnir í hesa støðu og tað undirbyggir so eisini á okkara stóra arbeiði seinastu árini at skilja undirgrundina betur á, her serstakliga økini við ba- salti. Vit eru sera spentir um framtíðina og vóna at vera eitt av oljufeløgunum, sum fara at havt fast fóta- festi á føroyska landgrunn- inum í mong mong ár. Eisini umboðið fyri BP, Graham R. Day, sum var við til at undirskriva brunn- avtaluna á Oljufyristingini týsdagin, er fegin um, at tað eftir drúgvar samráðingar og kanningar loksins hevur eydnast at koma so langt. – Eg vil takka øllum, sum hava verið við til at gera hetta møguligt, okkara partnarar og føroysku olju- myndugleikarnar. Vit fara nú at gera okkara heima- arbeiði til fulnar, soleiðis at talan verður um eina trygga verkætlan, har allir partar skulu kenna seg tryggar við arbeiðið. Nr. 195 - 13. oktober 2005 3 William Heinesen leggur navn til komandi oljukeldu OLJULEITING Jan Müller jan@sosialurin.fo Tá farið verður at leita eftir olju og gassi er siðvenja, at oljufeløg seta nøvn á síni prospektir tvs. støð í undirgrundini, har møguleikar eru at finna olju og somuleiðis veruligar olju/gass keldur. Noreg byrjaði við at nýta norrønu gudalæruna við nøvnum sum Gullfax, Snøvit, Ormen Lange, Troll osfr. Bretar hava nýtt fjallanøvn sum Schiehallion og Foinaven, fuglanøvn sum Cormorant og Bitten og hava so eisini brúkt teirra vælkenda høvund Walter Scott í olju- navnahøpi. Í Føroyum hava oljufeløgini higartil nýtt nøvn sum Marjun, Svínoy og Brugdan, tvs. persónsnøvn, oyggjanøvn og fiskanøvn. Í sambandi við at avtala týsdagin varð gjørd millum tey trý oljufeløgini BP, Shell og Anadarko og før- oyskar myndugleikar um at bora ein brunn inn á land- grunninum í 2007, hava somu feløg eisini samtykt, at ein møgulig olju- ella gasskelda, sum verður funnin undir basaltinum, skal kallast upp eftir mæta føroyska mentamanninum William Heinesen, sála. Eisini verður her hugsað um mæta jarðfrøðingin William Smith. Sum skilst er hetta er eisini eitt signal um, at vinnan og mentanin kunnu hava stórt virði av at samstarva. Bæði BP og Anadarko fegnast um brunnavtalu Umboð fyri oljufeløgini skrivað undir nýggju avtaluna Mynd Jan Müller Sigurð í Jákupsstovu tekur ímóti føroyska umboðsmanninum hjá BP, Hjarnar Djurhuus Mynd Jan Müller Johan Mortensen, umboðsmaður fyri Anadarko í Føroyum her saman við Steve Linnard frá Anadarko og Graham Day frá BP Mynd Jan Müller