hósdagur 10. november 2005síða 3

Leygardagin letur Reyni Service upp í nýggjum, stásiligum bygningi í Klaksvík BILASØLA Eirikur Lindenskov eirikur@sosialurin.fo Nýggi bygningurin hjá Reyni Service í Klaksvík er 700 fermetrar til víddar, og har er pláss fyri fimm, seks bilum í framsýningarhøli- num, ið eru sera ljós og snotulig. – Á verkstaðnum er som- uleiðis pláss fyri eini seks bilum, og verkstaðurin hev- ur alt tað nýggjasta innan biltøkni, sum krevst í dag fyri at kunna klára allar mekaniskar og tøkniligar uppgávur, sigur Eivind av Reyni, stjóri hjá Reyni Ser- vice. Í bygninginum í Klaksvík verður eisini høvi at fáa bil- in »TidyCar« viðgjørdan. Í sambandi við, at flutt verður í nýggju hølini, verður móttøka í hølunum leygardagin kl 14, har Mo- nika Stauss og Dánial Eyst- urstein spæla. Eisini verða røður og sangur á skránni, og øll eru vælkomin, sigur Eivind av Reyni. Mánadagin byrja so ar- beiðsdagurin í nýggju hølu- num, og tá verða eisini spennandi tilboð upp á nýggjar og brúktar bilar, eins og tilboð frá TidyCar og verkstaðnumm, sigur Eivind av Reyni. Í síðstu viku keypti Eivind av Reyni alt virksemið frá P/F Meinhardt Arge, sum umboðar bilmerkini Opel, Nissan, Peugeot og Saab. Nýggja bilasølan hevur fingið heitið P/F Auto Service. Men verða hesi merki eisini at fáa í nýggju hølunum í Klaksvík. – Nú kom hetta so brádliga í lag. Hølini í Klaksvík eru bygd sum Toyota høli, men vit fara at veita bilmerkjunum hjá Auto Service alla tænastuna á nýggja verkstaðnum, sigur Eivind av Reyni. Hann sigur eisini, at um onkur kundi í Norðoyggjum vil síggja onkran av bilunum hjá Auto Service, so senda teir bilin norður uttan trupulleikar. Enn er ógreitt, hvussu verður í framtíðini, men tað verður so í øllum førum eitt samstarv millum Auto Service og Reyni Service í Klaksvík, sigur Eivind av Reyni. Øll starvsfólkini í gomlu deildini hjá Reyni Service í Klaksvík, sum hevur hildið til í leigaðum hølum, fara at halda fram í nýggja bygninginum. Men Eivind av Reyni væntar, at virksemið fer at økjast og væntar, at brúk verður fyri einum ella tveimum monnum afturat – serliga havandi í huga útlitini, nú Norðoyatunnilin letur upp og samstarvið við Auto Service. Nr. 216 - 10. november 2005 3 Jólagávublaðið frá Nettorginum er at fáa í øllum handlum FK Lættari, hugaligari, høgligari... Keypið/bíleggið jólagávurnar í FK nú! Gjørt verður vart við, at prísbroytingar kunnu vera á nøkrum av vørunum í blaðnum www.fk.fo Nútímans bilhús í Klingrugarði í Klaksvík Nýgtgi bygningurin hjá suto Reyni Service í Klaksvík. Pláss verður fyri eini seks bilum í framsýningarhølunum, verkstaðið er útgørt við nýggjastu tøkni Mynd: Vilmund Jacobsen