hósdagur 17. november 2005síða 6

6 Nr. 221 - 17. november 2005 Menningarstovan og Kaupthing hava í felag tikið stig til at skipa fyri eini kunningarferð til Íslands fyri føroyskum fyritøk­ um. Vit skulu gera nyttu av einum heimamarknaði, sum er blivin sjey ferðir størri, enn hann var, siga stigtakararnir Vinnuátak Terji Nielsen terji@sosialurin.fo Fyrr í ár skrivaðu Føroyar og Ísland undir frí­handils­ sáttmála, sum gera hesi bæði lond til ein og sama marknað. Í eini roynd at varpa ljós á teir møguleikar, sum hetta gevur føroyskum fyritøkum, skipa Kaupthing og Menningarstovan fyri ein kunningarferð til Ís­lands í komandi mánað fyri føroyskum fyritøkum. Endamálið við ferðini er at geva føroyskum fyritøkum betri innlit í íslendska markn­aðin, soleiðis at okk­ urt ítøkiligt kanska kann spyrj­ast burtur úr nýggja møguleikanum. Tómrúm í íslendska marknaðinum Teir báðir, Peter Holm, stjóri í Kaupthing, og Kjart­ an Kristiansen, stjóri á Menn­ingarstovuni, siga, at tað er pláss fyri føroyskum fyritøkum á íslendska markn­ aðinum. - Tað hevur verið fyri tað mesta bert verið tosað um vansar við nýggja frí­ handilssáttmálanum millum Føroyar og Ísland, men fakta er tað, at nýggi sáttmálin hevur við sær, at føroyski heima­marknaðurin er sjey ferð­ir størri, enn hann var frammanundan, sigur Peter Holm. - Vit hava sæð, hvussu ísl­ endskar fyritøkur seinnu árini í sera stóran mun hava gjørt vart við seg utt­an fyri Ísland og lagt seg eftir til dømis danska marknaðinum. Hetta hevur havt við sær, at tað er eitt slag av einum tómrúmi á íslendska marknaðinum, og tað er hetta, ið vit skulu gera nyttu av, sigur Kjartan Kristiansen. Peter Holm leggur afturat, at íslendingar eru ógvuliga opnir fyri føroyingum, og at av tí at íslendski markn­ aðurin ikki er serliga stórur lutfalsliga, so er tað ikki so trupult at gerast sjónligur á marknaðinum. Stórur áhugi Tað var Peter Holm sjálvur, ið fekk hugskotið til kunn­ ing­arferðina, og hann setti seg síðani í samband við Kjartan Kristansen á Menningarstovuni at vita, um teir í felag kundu skipa fyri ferðini. - Vit fáa mangan fyri­ spurn­ingar um bæði eitt og annað átak, sum vit kunnu skipa fyri, og sum vit skulu taka støðu til. Tá ið Peter ringdi og greiddi frá sínum hugskoti, var eg beinan veg­ in greiður yvir, at hetta var ein upplagdur møguleiki hjá føroyskum fyritøkum at vinna seg fram á einum nýggjum marknaði, sigur Kjartan Kristiansen. Bæði Kaupthing og Menn­ ingarstovan hava ringt runt til ymsar fyritøkur í landinum, og undirtøkan tykist verða stór, siga teir báðir. - Tað er stórur áhugi fyri ferðini, og enn havi eg so ikki upplivað nakra fyritøku, sum hevur meldað út, at hon ikki kemur við til Íslands, sigur Peter Holm. Hann sig­ur tó, at um føroysku fyri­tøkurnar ætla sær inn á føroyska marknaðin, so er alneyðugt, at tær gera tað ordiligt. At Kaupthing soleiðis tek­ ur stig til eina slíka ferð er ikki av tilvild, og Peter Holm sigur eisini, at teir gera tað ikki bara til stuttleikar. - Vit síggja stórar møgu­ leikar á íslendska markn­að­ inum, og tí vilja vit fe­g­in spæla við, um onkur før­ oysk fyritøka ætlar sær inn á marknaðinum. Men tað krev­ur, at tað verður gjørt ordiligt, og vit ivast ikki í, at tað ber væl til, um vit hava eitt nóg gott produkt, sigur Peter Holm. Kunningarferðin til Ís­lands verður í døgunum 5.-7. desember, og væntandi verða eini 50 fólk umboðandi føroyskar fyritøkur við á ferð­ini. Á ferðini verður kunn­að um einstakar íslendskar fyritøkur, og greitt verður eisini frá, hvussu tú roknskaparliga og løgfrøðisliga fótar tær í Íslandi. Í morgin letur Farodane Casa upp í nýggja bygninginum hjá Thomas Dam á Hálsi. Við hesum verður øll møbladeildin hjá Farodane flutt úr Brekkutúni oman á Háls Nýggjur handil Terji Nielsen terji@sosialurin.fo Nýggi møblahandilin er í tveim­um hæddum, og til­ sam­ans er talan um góðar 500 fermetrar við øllum møguligum bæði til privat og vinnulív. Leingi leitað eftir hølum Tað er Heini Weihe, ið skal reka Farodane Casa. Hann átti sjálvur fyritøkuna Ergo Design, sum 1. februar í ár legði saman við Farodane. Ergo Design legði dent á at selja úrvalsinnbúgv og sonevndar designaramøblar, og hesir verða nú at fáa í Farodane Casa. Heini Weihe sigur, at líka síðani samanleggingina fyrr í ár hava teir leitað eft­ir hóskandi hølum til møbla­ deildina hjá Farodane, og nú verður so flutt. - Vit leggja okkum eftir góðskuinnbúgv, og vit hava nakað bæði til privata heimið og til vinnulívsfyritøkuna, sigur hann. Heini greiðir frá, at í veg­ hæddini verða fram­sýn­­ing av innbúgvi til privat, meðan tað í erva fyrst og fremst er talan um skrivstovuinnbúgv. Farodane Casa umboðar eisini kenda merkið Stokke, ið ger dygdarinnbúgv til smá­ børn, so sum høgar stólar, pusliborð og barnasengur, ið eru sera vælumtóktar. Fýra fólk fara at starvast í nýggja handlinum, og ha­rafturat verða fýra mon­ tørar knýttir at virkseminum hjá Farodane Casa. Móttøka verður í nýggja handlinum í morgin frá klokkan trý til fimm. Gera nyttu av størri marknaði Peter Holm, stjóri í Kaupthing, v.m. og Kjartan Kristiansen, stjóri á Menningarstovuni h.m. halda, at tað er ein upplagdur møguleiki hjá føroyskum fyritøkum at gera nyttu av, at heimamarknaðurin er blivin sjey ferðir størri, nú fríhandilssáttmáli er gjørdur við íslendingar. Tí skipa teir fyri kunningarferð til Íslands fyri føroyskum fyritøkum í næsta mánað Mynd: Jens Kr. Vang Nýggjan møblahandil Heini Weihe rekur nýggja handilin Farodane Casa, sum í morgin letur upp á Smyrilsvegi í Havn í nýggja bygninginum hjá Thomas Dam. Her tekur hann sær av løttum í einum av snotiligu softunum, ið verða at fáa í nýggja handlinum Mynd: Jens Kr. Vang