hósdagur 24. november 2005síða 3

Nr. 226 - 24. november 2005 3 Mikudagin 23. no­vember fingu vit á Sosialinum høvi at gera samrøður við lyklafólk í Jólagøtuni. Vit vóru og vitjaðu í Jólabýnum, og har er tað at jólakalendarin – Jólagøtan, hjá SVF hevur sínar upptøkur Jólagøtan Barbara Tausen Jólakalendarin í ár er úti á Reyni, og hann eitur Jóla­ gøtan. Lív, sum er vertur í sendingini, gongur hvørt kvøld ein túr í Jólagøtuni og har hendir nógv forvitnisligt. Framvið gøtuni eru sølubúðir við góðgæti, listahandverki, djórum og mongum øðrum. Lív vitjar sølubúðirnar, og í teimum er altíð okkurt at frætta. Tá hon er svong og køld, fær hon okkurt at eta og at hita seg við. Nógv fólk búgva við Jólagøtuna, og tað er ikki hissini søgur tey siga frá, men tey eru eisini nokk so undarlig, so kanska er tað mesta bara tvætl, hvør veit? Jólini eru í hondum, og Lív fær eisini jólagávur, men hetta eru ikki heilt van­ ligar jólagávur, tí tað eru skúla­­næmingar úr øllum land­­inum, sum hava gjørt tær. Nógv børn spæla og stutt­­leika sær í jóla­gøtuni, og onkur teirra dugur eisini at spæla uppá ljóðføri. Hetta og meira verður at síggja í ársins jólakalendara, sum verður vístur í sjón­varp­ inum hvørt kvøld klokkan 18.00 frá 1. – 24. desember. Hetta er í sjálvum sær ein søga, hetta er størsta sjón­ varpsframleiðsla á árinum. Tað hoyrir eisini til søguna, at Jólagøtan úti á Reyni verð­ ur latin Býráðnum, tá upp­ tøkurnar eru lidnar, og so verður jólahýrur allan jóla­ mánaðin, eisini úti á Reyni. Tey, ið eru við, eru Lív Reinert Kjeld, sum er vertur, Eir í Ólavsstovu og Páll Dan­ ielsen, sum hava skrivað jóla­­kalendaran, umframt at tey eisini sjálv spæla við og stjórna, Herluf Sørensen, sum er framleiðari, og Heðin Mortensen, borgarstjóri í Tórs­havnar kommuna, sum yvir­tekur Jólagøtuna, tá upp­ tøkurnar eru lidnar. Langir dagar Umframt at Lív er vertur, gongur hon eisini á lærara­ skúla. Hon fer í skúla klokk­ an 8.00 á morgni, skúla­ dag­urin endar so um 15.00 – 16.00 tíðina, síðani fer hon beina leið niðan í Jólagøtuna klokkan 16.00. Hetta kann vera eitt sindur strævið og tíðarkrevjandi, men hon sig­ ur við einum smíli, at kortini gongur alt væl, og tá er tað rættiliga stuttligt at vera við. Lív var eisini vertur í fjør, og varð aftur biðin í ár. Spurd, hvussu hon er komin inn í hetta at vera vertur sig­ ur hon, at ein drongur sum hon gekk í flokki við hevði sæð lýsingina um nýggj­an vert, og hevði bið­ið hana søkt. Hon hugdi at lýsingini og søkti, hon slapp so við, og tað er hon rættiliga glað fyri. Lív sigur, at henni dám­ar sera væl at arbeiða í sjónvarpinum, tað er stutt­ ligt og avbjóðandi. Tá Lív møtir børnum í býnum, hoyr­ir hon ofta navnið hjá sær koma upp, og tað kemur eisini fyri at tey koma yvir og heilsa upp á hana. Hetta heldur Lív vera sera stuttligt og heilsar teimum aftur við stórum smíli. Endiliga kom lív í Fyrr búðu rættuliga nógv smá­­børn úti á Reyni, men tey síðstu árini hevur tað ver­­ið sera tómt at búgva her úti, sigur ein mamma. Endiliga er lív komið í, nú ganga børn her allan dagin. Hendan mamman tendraði ljós í vindeyguni, og bakaði wienarbreyð til Jólagøtuna eitt kvøldið. Hetta halda tey í Jóla­gøtuni vera sera stutt­­ligt og eru glað fyri at jóla­gøtan er so væl mót­tikin av øllum, og ikki minst fyri øllum teim­um sum búgva runt um Jólagøtuna. Børnini elska tað Tá vit mikudagin komu nið­ an til Jólagøtuna á Reyni, møttu vit fleiri børnum, ið runnu runt í jólagøtuni. Tey leitaðu eftur kalendaratølum, spældu og hugnaðu sær óført. Børnini eru sera villig til at hjálpa til og hugna um Jólagøtuna, siga tey, ið skipa fyri hesum. Sjálv hildu vit, at tað var sera stuttligt at síggja hesi børnini fáa so stóra gleði av hesari Jólagøtuni, og vænta at børnini kring Før­oya land vera sera glað fyri hesa sending. Aftaná upptøkurnar til Jóla­kalendaran kunna familj­ ur og onnur koma niðan í Jólagøtuna á Reyni at spáka sær ein túr gjøgnum gøtuna, har verður møguleiki at fáa kakao, jólakøkur og mangt annað. Har verður rætti­ligur jóla­stemningur í. Hetta verð­ ur hvørt vikuskifti í de­semb­ er. Jólagøtan á Reyni Jólagøtan úti á Reyni Mynd: Barbara Tausen