hósdagur 24. november 2005síða 4

4 Nr. 226 - 24. november 2005 Tórshavnar komm­ una er farin í holt við at umvæla gongu­ gøtuna í miðbýnum í Havn Gongugøtan tíðindaskriv Í fyrstu syftu verður bøtt um gøtuna, soleiðis at hon verður betur at ganga á fram til jóla. Tíðliga í komandi ári verður farið undir at steinseta gongugøtuna av nýggjum. Nú eru nøkur ár liðin síðani gongugøtan varð steinsett. Gøtan hevur verið nógv brúkt. Undirlagið hevur givið seg í fleiri støðum, soleiðis at steinar eru vorðnir skeivir og leysir, og tað er sjónligt at gøtan trongir til ábøtur. Undan Ólavsøku varð bøtt nakað um gøtuna, og nú und­ an jólum verða steinar tiknir burtur, og asfalt verður koyrt í, so gøtan gerst javnari at ganga og koyra á. Aftaná nýggjár verður far­­ið í holt við eina meir um­­fat­­andi renovering av gøt­­­uni. Allir steinarnir verða tá tiknir upp, og und­ ir­­lagið verður umvælt. Nýggja gongugøtan verður steinsett við brúgvasteinum, eins og gjørt er á krossinum Sverrisgøta/Tórsgøta. Byrjað verður við strekkinum frá bý­ráðssalinum til stand­ myndina við Glade Hjørn. Seinni verður restin av strekk­­inum niðan til breiða gonguteigin við Steinatún umvælt. Meðan arbeiðið stendur uppá verður ferðslan tarnað, men gangandi verður sum vanligt. Undirlagið á Gongugøtuni hevur givið seg í fleiri støðum, soleiðis at steinar er vorðnir skeivir og leysir Løgin list Í Føroyum varð nógv kjak­ ast um sømiliga list og ó­sømi­­liga list, tá Gríma fram­­­førdu Ginu­søgur. Sein­ astu vik­­ur­nar hev­ur kjak­­ið um sam­­kynd ver­ið merkt av hug­burði, ið tyk­ist held­ur gam­al­dags. Í Ís­landi er frí­ sinn­ið eitt heilt annað. Unga íslendska listakvinnan Hallgerður Hallgrímsdóttir er lesandi við listaskúla Íslands, og arbeiðir við eini verkætlan um seks við álvum. Á heimasíðuni ”Sex with humans is boring” á http:// elftruths.blogspot.com, roynir unga listakvinnan at savna søgur frá fólki, ið hava havt kynsligt samband við álvum. Verkætlanin verð­ur til eina bók um evn­ið. Men um­fatar eisini eina mark­naðar­før­ings­her­ ferð við klistrimerkjum og plakatum, ið skulu reka fólk inn á heimasíðuna. Bók­in kemur út í Íslandi í desember, hetta er í tøkum tíma til jólasøluna. nud Slepp tínum innara sangara leysum Fríggjakvøldið fáa tey, sum halda Singstar til Play­ station 2 vera heimsins besta telduspæl, og tey sum altíð enda á Sams Bar, tá tey eru í Keypmannahavn, møguleika at útliva sínar villastu karaoke fantasiir saman við Showmonnum. REX hevur fyrr roynt hetta tiltak og tað hevur verið væl­ eydnað, Showmenn spæla undir fyri teimum, ið hava hug at koma á pall­in at royna seg. Hetta er ein møgu­leiki at sleppa á pallin við nøkrum av Før­ oya bestu tónleikarum. MEGA karaoke náttin við Showmonnum er leygar­nátt­ina millum eitt og hálvgum trý. Aldursmarkið hetta kvøld­ ið er 20 ár. Leygarkvøldið er 25 ára aldurmark og tá spæla sjálvandi eisini Show­ menn  nud Ein annarleiðis Troubadurur í Café Natúr Avstralski trubadururin Rob Luca spælur á Café Natúr frá hóskvøldinum til sunnukvøldið. Vanliga verður hugsað um ein mann og ein gittar, tá trubadurar vitja Café Natúr, men so er ikki á hesum sinni. Rob Luca spælir ljómborð og hevur rútmuboks. Hetta kundi boða frá ein­ um longum og festligum vikuskifti í Café Natúr. Mikukvøldið verður triðja umfar av pub quizini í Café Natúr, hvørt mikukvøld verður kappast um heiður og øl, umframt møguleikan fyri at kappast um ein VIP túr í býin.   Føroyskt jóla­­bryggj á toppinum Tað er næstan vorðið ein vani, men stoltleikin í Klaks­vík man kortini vera hin sami hvørjaferð. Tá áhugafelagið, Vestjysk Ølkultur, fyri stuttum hevði sína árligu blindsmakking av jólabryggi, var Føroya Bjór millum luttakandi sløg­ ini. Og aftur í ár var tað ølið úr Klaksvík, sum fekk besta skoðsmálið. Av teimum átta merkj­un­ um í floki 1 og 2 fekk jóla­ bryggið hjá Føroya Bjór flestu atkvøðurnar, og einki er at ivast í, at limirnir í øl­klubbanum av álvara hava tikið føroyska ølið til sín. Á heimasíðu teirra renna vitjandi seg soleiðis beint í eina lýsing, har felagið bjóðar seg til at bíleggja føroyskt øl til teirra, sum vilja royna hetta. Og hóast prísirnir eru nakað hægri enn tað, sum danir eru vanir við, so man tað ganga so hampuliga væl við søluni kortini. Heimasíðan hjá felag­ num er annars www. vko.dk, á henni ber til at síggja úrslitið av seinastu royndarsmakkingini, eins og øl-tíðindi av ymsum slag eru at lesa. -mørk Dansur hvørt hós­kvøld í Glitni Í Glitni hava tey seinastu mánaðarnar havt unplugged tónleik nærum hvørt hós­ kvøld, men frá í morgin verðu konseptið broytt. Glitnir bjóðar nú ókeypis almennan dans hvørt hós­ kvøld frá kl. 21.00 Hetta verður nú roynt fram til jóla, og verður tikið væl undir við tiltakinum er lítið at ivast í at hildið verður fram. Tað verður húsaorkestrið sum fer á pallin. Húsa­or­ kestrið er manna við Georg Eystan Á og Sólvu Ford. Tey eru kend kring alt landið fyri sín lætta dansi­tónleiki. -nud Gongugøtan verður umvæld