mánadagur 28. november 2005síða 27

Nr. 228 - 28. november 2005 27 Lýsing um matrikulering av trøðni á Drátti, matr. nr. 400 í Hvalba Til tess at matrikul og tingbók kunnu verða rættað er neyðugt við eigindómsdómi. Í hesum sambandi hevur Matrikulstovan vent sær til Vinnumálaráðið, sum í skrivi dagf. 27. apríl 2000 hevur givið Matrikulstovuni loyvi til nýmatrikulering av matr. nr. 400 í Hvalba sambært grein 38 í løgtingslóg nr. 64 frá 11. desember 1962. Boðað verður tí til fundar í gamla skúla í Hvalba hósdagin 1. desember 2005 kl. 13.30 at viðgera málið um ognarrættin til trøðna. Tá eigindómsskráin er fullfíggjað, verður matrikulin sendur Innlendismálaráðnum, ið við almennari stevning leggur sak við Føroya rætt móti øllum og einum, ið hava mótmæli móti tí gjørda matrikli, og at teir í honum lýstu eigarar verða skrivaðir í tingbókina sum eigarar av óheftum eigindómi. Rættarmálið verður havt í rætti allar vanligar tingdagar, frá tí degi stevningin fyrstu ferð er lýst, og til stevnufreistin er farin. Bygdaráðið í Hvalba skal velja tveir mans at hjálpa Matrikulstovuni at greiða eigindómsviðurskiftini. Matrikulstovan, tann 14. november 2005 Øssur Á Midjord, matrikulstjóri