hósdagur 29. desember 2005síða 5

2005 Nr. 251 - 30. desember 2005  [ Mars ] Besta skerpi­ kjøtið funnið 480 gestir á Hotel För­ oy­um vóru dómarar í fyrstu kappingini nakr­ an­tíð um, hvat er besta skerpi­kjøt í Føroyum - fyri ikki at siga allari verð­ini. Tá fólkið hevði sagt sítt, stóð Páll Dals­ garð úr Skálavík sum vinnari við undirtøku frá fjórðu­ hvørj­ari atkvøðu. - Hetta hevði eg slett ikki væntað og hetta er ein stórur heiður. Ikki er sørt, at tað eis­ini forpliktar, segði Skála­ víks­bóndin. SISU flytir til Klaksvíkar Eitt av fremstu vøru­ merkj­unum hjá Rest­ orff’s Bryggjarí flytir til Klaks­víkar, har Føroya Bjór framyvir skal fram­ leiða og selja tað. Talan er um sodavatnið SISU, sum Restorff’s hev­ur sloppið sær av við saman við øðrum soda­vatnsmerkjum. Res­ torff’s heldur ikki, at tað loysir seg at framleiða soda­vatn í Føroyum. - Vit halda avgjørt, at hetta er ein framleiðsla sum loysir seg, sigur Ein­ ar Waag, stjóri á Føroya Bjór. Skaðfróir føroyingar Fíggjarligt svik hevur við sær, at íløgubankin Phoe­nix má lata aftur. Nógv­ir føroyskir íleggj­ar­ ar missa pening í krakki­ num, og metingar vilja verða við, at talan er um ein­ar 100 milliónir, sum før­oyingar missa. – Eg má bara siga, at tað er ótrúligt, hvussu skaða­fró fólk kunnu vera, tá tað gongst øðrum illa, sigur ónevndur vinnu­lívsmaður, sum sig­ur seg hava mist mun­andi upphæddir í Phoenix-krakkinum. Stjórin takkar fyri seg Óli Hammer leggur frá sær sum stjóri fyri Smyril Line. Hann hev­ ur í 22 ár verið stjóri, og hann var eisini ein av stovnarunum av fel­agnum. Nú Smyril Line verður endurreist fíggj­arliga, hevur Óli Hamm­er valt at takka fyri seg. – Stundin er komin at lata yngri kreftir sleppa fram­at. Eg havi verið stjóri í Smyril Line í meira enn 22 spennandi ár, og nú er tíð at fara, sigur Óli Hammer. Menninir hjá VÍF vinna føroyameistaraheitið í hondbólti. SÍ vinnur meistaradeildina hjá monnum í flogbólti, og hjá kvinnum vinnur Mjølnir. Um vit Føroyum ikki megna at orða nakrar visónir og strategiir og føra tær út verki, so fer tann dugnaligi føroyingurin aðrastaðni. Vit missa teir góðu heilarnar, tí hesir kunnu uttan trupulleikar fara aðrastaðni at arbeiða, har umstøðurnar eru betri. – Reidar Nónfjall, stjóri á Føroya Handilsskúla« » Tað eru kanska tey, ið undra seg yvir at nakar skal kunna búgva her í Nesvík. Men her er fínt at búgva, skal eg siga tær. Onkutíð er tað gott nokk eitt sindur einsligt, men ikki einsligari enn hjá so nógvum øðrum fólkum. – Árni Davidsen, einasti íbúgvin í Nesvík« » Eitt amerikanskt pri­vatflogfar, sum var á veg úr Bergen til Reykajvíkar, lendi skírisdag á Sørvágsvatni, tí brek var við lend­ing­ arhjólunum, so flog­ far­ið ikki fekk sett seg á flogvøllinum í Vág­um Stutt eftir middag skírisdag fekk bjargingarliðið á flog­ vølli­num boð um, at eitt flogfar hevði trupulleikar við lendingarhjólunum og fór at seta seg á Vatni­ num. Bjargingarliðið sleip­aði flogfarið á flúgv­arabedingina, har mekanikarar hjá Atlantsflog umvældu brekið, og flogfarið helt fram til Íslands dagin eftir. Flogskiparin, Alex Haynes úr Seattle í USA, ið var einsa­ mall­ur við flogfarinum, segði, tá Sosialurin hitti hann seinna­partin skírisdag, at hann var á veg úr Finnlandi til USA við flogfarinum. Á vegnum hevði hann verið í Bergen og skuldi úr Vágum til Reykjavíkar. Tá hann skuldi lenda í Vág­ um, varnaðist hann, at hann ikki fekk hjólini niður. Men av tí, at talan er um flogfar, sum bæði kann lenda á vatni og á landi, var eingin vandi á ferð yvirhøvur, og hann gjørdi av at seta seg á Vatninum. Áður verið í Føroyum Lotið gjørdi tó, at hann ikki metti, at hann fekk vent flogfarinum, og tí var skilabest at sleipa tað at landi, greiddi hann frá. Tað gjørdi bjargingarliðið á flogvøllinum so, og flog­farið varð tikið upp á flúgvarabedingina, har mekanikarar hjá Atlants­flog umvældu brekið. Alex Haynes greiddi frá, At hann fyrr hevur verið í Før­oyum. Tað mundi vera eina­ferð í áttatiárunum, helt hann seg minnast. Tá ætlaðu før­oyingar at fara undir flúgv­ing millum Tórshavn og Suðuroy, segði hann. Men tað gjørdist ikki til nakað, so hansara »karriera « sum inn­anlands flogskipari í Før­oyum mundi fara at av­marka seg til at flúgva hetta flogfarið av Vatninum nið­an á flogvøllin at bunkra, tá brekið við hjólunum var um­vælt, væntaði hann. Tá flogfarið var komið upp á turt, vórðu hjólini vundin nið­ur við handamegi, og mekan­ikarar hjá Atlantsflogi um­vældu brekið. Amerikanskt flogfar lendi á vatninum Flogskiparin segði, at eingin vandi var á ferð, hóast hann ikki fekk lent á flogvøllinum í Vágum sum ætlað. Mynd: Edvard Joensen