hósdagur 29. desember 2005síða 13

2005 Nr. 251 - 30. desember 2005 13 [ November ] Vánligasti bilførarin Elin Christensen av Skála hevur ivaleyst Dan­marksmet í dump­ ing í teoriroynd. Elin Christensen var við í finaluni í sjón­varps­ send­ingini “Danmarks Værste Bilist” og gjørd­ist stóri taparin – ella vinnarin. Hon varð sostatt útrópt til vána­ligasta bilførara í Danmark. Elin fekk koyri­kort í Føroyum fyri 31 árum síðan, og tað kundi tykst sum um, hetta var eitt mistak. Í send­ingini var hon uppi í teori. Hon hevði 22 felir av 25 møguligum. – Hetta hevur verið ordi­liga stuttligt og ikki minst, eri eg ivaleyst tann, sum hevur fingið mest burtur úr við at ger­ast betri bilførari. Eg hevði uttan at blunkað valt at luttikið aftur, sig­ ur Elin. 100.000 í eina nátt Tað var vorðið sum fongur, ið Páll Højgaard og Janus Fossdalsá fingu á línuni ein miku­ dag tíðliga í november mán­aði. So nógv rúgv­ aði fiskurin upp í glastrevjabátinum, at teir vóru noyddir at biðja ein annan bát læna sær kør.Men hetta var held­ ur ikki nóg mikið til at rúma øllum fiskinum. Last­in var á tremur, fýra kør stóðu full á dekki­num, og haraftrat høvdu teir leysan fisk í bátinum. Á 35 línum høvdu teir fiskað millum 11.000 og 12.000 pund, og tað kundi seljast fyri millum 80.000 og 100.000 krónur. Bersøgin rithøvundur Nýggja skaldsøgan hjá Jóanes Nielsen, Glans­bíl­ ætasamlararnir, er uttan sam­anbering tann mest ber­søgna, sum yvirhøvur er skrivað á føroyskum. Fyri høvundan er hon ein endurspegling av lívi­num, tá tú velur at siga onkrar av sann­leik­ un­um. – Tað tykist sum, at tá tú koyrir gardinurnar frá í lívinum, líka mik­ið hjá hvørjum, so finn­ur tú oftast okkurt maðka­ reið­ur. Tá man skrivar eina bók sum hesa og róp­ar seg hartil ein realist­iskan høvund, so má man taka alt tað við, sum hoyrir tí veruliga heimi­num til. Eg kann ikki loyva mærat sita og redigera, so at eitt glans­ bílæt kemur fram, sigur Jóanes Nielsen. Sólja í Ólavsstovu verður vald til nýggjan umboðsmann hjá løgtinginum. Hon loysir Joen H. Andreassen av í starvinum. Sært tú, tað er nakað serstakt við Sumbiarhjartanum. Tað er, sum um eg ongatíð havi merkt, at eg havi nakað hjartað. Eitt slíkt hjarta úr Sumba, tað er har bara. Tað er øgiliga sterkt, slær tá tað skal og er eisini sera áhaldið og treyst, skal eg siga tær. Soleiðis er tað bara! – Emil Juul Thomsen, bókaútgevari« » Tað hevur ómetaliga stóran týdning fyri menningina av fótbóltinum, at stórar tjóðir vitja smærri tjóðir. Tá ið til dømis franska landsliðið kemur her til Føroya at spæla, er tað jú ein stórhending, ið ger so ómetaliga nógv gott fyri áhugan fyri fótbólti her á landi. - Michel Platini, fronsk fótbóltshetja vitjar í Føroyum« » Tað var tann stóri dreymurin, sum gjørdist veruleiki, tá ið ungi føroyski fótbóltsspælarin Ingi Højsted skrivaði undir sáttmála við enska felagið Birm­ing­ ham City. Nýggir lið­ felagir hjá Inga eru nú Emile Heskey, Nicky Butt og Mikael Forsell So er stóri dreymurin veru­ leiki. Ingi Højsted hevur skriv­að undir sáttmála við enska Premier League-fel­ ag­ið Birmingham City. Sjálvur var Ingi Højsted fyrsti føroyingurin, sum fekk snoddað til enska fót­ bólt, tá hann í 2001 gjørdi lærlingasáttmála við Arsenal. Ein slóð, sum Jo­han Troest Davidsen og Christ­ian Restorff Mouritsen síð­ani hava fylgt í ávíkavist Ever­ ton og Manchester City. Men hesa ferð er talan ikki um lærlingasáttmála. Ingi Høj­sted hevur nevnliga gjørt full­tíðar yrkissáttmála við Birm­ingham í ensku Premier League, og soleiðis skal hann á jøvnum føti við allar aðr­ar spælarar í felagnum dyst­ast um eitt pláss millum teir fyrstu ellivu. Lønina vil hann ikki tosa um, men sam­ bært umboðsmanni hansara, so man hon ikki vera heilt av leið. – Vit fara sjálvandi ikki at siga nøkur tøl. Men gongur tað væl hjá Inga á vøllinum, so kemur hetta øllum pørtum til góðar, ljóðar staðfestingin frá Jákupi í Stórustovu. Bíðitíðin kann vera frustrerandi Tað hevur frá nógvum síð­ um verið roknað sum giv­ ið, at tíðin hjá Inga í før­ oyskum fótbólti mest sum var upp á lænta tíð. Hetta var eisini nakað, sum Kristjan á Neystabø, stjóri í FC Tórshavn, sum rekur besta B36-liðið, ásannaði á tíð­ inda­fundinum. – Soleiðis sum Ingi hevur spælt í ár, so var tað nokk bara ein spurningur um tíð. Ikki minst eftir útidystin móti FC Midtjylland, tá flestu miðl­arnir skýrdu hann at vera besta mann á vøllinum. Tað haldi eg eisini staðfesti, hvussu stórar kvalitetir Ingi hev­ur sum spælari, og tí vistu vit av, at hann mest sannlíkt fór uttanlands aftur. Og sjálvur tykist Ingi eis­ ini vera fegin um hetta árið, sum hann nú aftur hevur havt í B36. – Tá eg kom aftur, so vildi eg fyrst og fremst sleppa at spæla dystir aftur. Eg hevði ver­ið nógv skaddur, og tí ráddi fyrst og fremst um at koma ígongd. Og at tað hev­ur gingið somikið væl, kann eg bara fegnast um. Eg havi eisini bitið meg fastan á landsliðnum, og havi at kalla einki sum helst merkt til skaðan, sum áhaldandi plág­aði meg í Arsenal. – Hinvegin hevur málið alla tíðina verið, at eg skuldi sleppa uttanlands aftur. Málið er Premier League Serliga síðani summarsteðgin hava gitingarnar um tína framtíð verið nógvar. Hevur tað ikki verið frustrerandi til tíðir? – Tað er jú altíð soleiðis, at tað tekur tíð, tá slík mál skulu avgreiðast. Men talan hev­ur verið um hampuliga nógv­ar fyrispurningar, og tí hevur tað í løtum verið held­ ur frustrerandi. Hinvegin havi eg sjálvur bara roynt at ver­ið tolin og arbeitt hart, stað­festir hann. Í fyrstu atløgu er talan um sáttmála fram til 30. juni 2006, og innan hesa tíð skal Ingi so sannføra um, at hann er ein maður, sum Birmingham kann fáa gagn av í framtíðini. Hetta kann kanska leggja eitt trýst á spælaran, men sjálvur tykist Ingi vera fullgreiðir um, hvørji mál hann ætlar sær at røkka komandi sjey mánaðirnar. – Eg ætli mær at vinna pláss á Premier League lið­ num. Sjálvandi verður tað ikki lætt, tí har eru jú nógvir um boðið. Men tað er jú tað, sum er endamálið við hes­um. Og í øllum førum skulu teir so síggja, at eg kann styrkja um hópin, sigur Ingi Højsted. Føroyskt stál í Premier League – Eg ætli mær at vinna pláss á Premier League liðnum. Sjálvandi verður tað ikki lætt, tí har eru jú nógvir um boðið. Men tað er jú tað, sum er endamálið við hesum. Og í øllum førum skulu teir so síggja, at eg kann styrkja um hópin, sigur Ingi Højsted, sum nú spælir við Birmingham City