mikudagur 7. desember 2005síða 41

Partur 5 Stampi – hvat er tað, sum er hent, og hvør er tað, sum liggur undir hasum tak­ plátunum? - Eg veit ikki Anthonio, fær tú og vita. - Nei, eg tori ikki einsa­ mallur, men lat okkum báðir fara at hyggja. Sjálvt um teir eru sera ræddir, so fara teir spakuliga yvir móti takplátunum. Tá teir lyfta teirri fyrstu plátuni, síggja teir eina reyða húgvu. - Hvør, hvør, hvør er tað, sum liggur undir her? spyr Anthonio, skelvandi á røddini. - Eg veit ikki, svarar ein líka bangin Stampi. - Flyt eisini hasa plátuna. Tá teir hava flutt plátu nummar tvey, síggja teir tvey bein. Buksurnar eru eis­ ini reyðar, og stilvarnir eru svartir. - Hvør hvør er tað sum liggur undir her? spyr An­thoni aftur. - Eg veit ikki, vit mugu flyta tað síðstu plátuna, sum liggur oman á búkinum og sum fjalir andliti. Sera spakuliga flyta teir triðju og síðstu plátuna. Teir flyta hana, men eru um at detta afturav, tá teir síggja, hvør tað er sum liggur har. - JÓLAMAÐURIN!!! rópa teir báðir. Teir leypa um hálsin á hvørj­um øðrum og fáa ikki orðið fram. Mitt á gólvinum liggur jóla­ maðurin svímaður. Á veg nið­ur gjøgnum takið sló hann høvdið í. Hann bløðir ikki, men slagið var so mik­ ið hart, at hann svímaði. Stampi og Anthonio standa sum Kanus, men til endans letur úr Anthonio. - Eg visti tað altíð, at jólamaðurin er til – eg visti tað altíð. - Jú, men tað er ikki lætt hjá mær at vita tað. Hetta er fyrstu ferð, eg síggi ein jóla­ mann. Men Anthonio - um hetta er jólamaðurin, hvat man so verða í hasum stóra posanum? Teir fara nú spakuliga yvir til jólamannin. Sjálvt um jóla­­maðurin er svímaður, so heldur hann fast um pos­­an. Teir opna spakuliga hond­ina hjá jólamanninum, men fylgja væl við um jóla­ maðurin vaknar. Sjálvt um teir eru sera bangnir, so fáa teir lirkað posan úr hondini á jólamanninum. Teir eru sera spentir at hyggja niður í. - Lova mær fyrst, sigur Stampi og flytur Anthonio so harðliga, at Anthonio er um at detta út yvir jóla­ mannin. Stampi opnar varis­ liga bandið á posanum og hyggur niður í. - HURRA – HURRA – HURRA. Her eru fleiri túsund jólagávur. Hygg Anthonio. Anthonio fer næstan heilt niður í posan, so spentur er hann. Teir dansa nú av gleði rundan um posan. Teir hava næstan gloymt, at jólamaðurin liggur svímaður beint við síðuna av teimum. - Kom lat okkum opna nakrar gávur fyri at vita hvat er í. Teir taka nakrar gávur burtur úr og skræða pappírið av teimum. - Waw waw waw. Hetta er alt nýggjar og flottar leikur. Hetta er fantastiskt. Nú nýtist okkum ikki at stjala leikur meira. Vit eiga mest leikur í allari verðini. So hoppa teir runt av gleði og flenna so har teir orka. Ha ha ha ha. Niðri í bygdini er alt í ferð við at verða klárt. Trølla Pætur og Trølla Omman standa millum øll hini fólkini. Um eina løtu fer borgarstjórin at bjóða øllum vælkomin, so fer eitt barnakór at syngja tveir sangir, og at enda kem­ ur jólamaðurin at tendra jóla­træið. Sjálvt um Jógvan nú hevur fingið eina kúlu á høvdið og hevur rættiliga ilt, so fylgjast hann og Erling. Jógvan er enn óður inn á Erling, men fyri at teir kunnu arbeiða saman, so mugu teir samstarva. Øll børnini í Hvannadali eru sera spent til jóla, og hava tey glett seg til hesa høgtíð í langa tíð. Tey eru øll spent at síggja jólamannin tendra jólatræið í kvøld, men tey eru eisini spent at vakna í morgin. Tí í nátt fer jólamaðurin at leggja gáv­ur undir jólatræið, og hesar gávur sleppa tey at pakka upp, tá tey hava etið døgurða í morgin. Puntur 7 til jólakalendaran Jólini í Hvannadali