týsdagur 13. desember 2005síða 2

2 Nr. 239 - 13. desember 2005 Upplestur, ein nýggj orðabók og áhugavert kjak um korini hjá bókaútgávu í Føroyum settu dám á árliga bókadagin, sum rithøvundafelagið og Norðurlandahúsið skipaðu fyri í gjár Bókadagur 2005 Anna V. Ellingsgaard anna@sosialurin.fo Árligi bókadagurin, sum var hildin í Norðurlandahúsinum í gjár, var enn einaferð dømi um, at tað er idealisma heldur enn vanligt vit og skil, sum fær fólk at orka at fáast við at geva bøkur út í Føroyum. Á pallborðsfundinum var breið semja um, at umstøðurnar hjá bókaútgávu í Føroyum ofta eru ósømiliga trongar, men kortini hava útgávurnar í ár verið bæði nógvar og fjøl­ broyttar. Harumframt sá eitt megnar orðabókaverk eisini dagsins ljós hetta bókaárið. Trong kor Á pallborðsfundinum um kor­ ini hjá bókaútgávu í Føroyum stóðst kjakið mest um, hvørt bókaútgáva skal verða al­ ment stuðlað, og í hvønn mun stuðulin, sum verður latin, er kappingaravlagandi. Helena Dam á Neystabø, sum umboðaði Føroya skúla­ bókagrunn, legði á­herðslu á, at heldur enn at ill­neit­ast inn á hvørt annað, áttu bóka­­for­ løg í Føroy­um í fe­lag roynt at arbeitt fyri, at bóka­út­gáva sum heild fekk størri peninga­ upp­hæddir at arbeiða við. Í løtuni sær tað út til, at tað bert eru barna- ungdóms- og skúlabókaútgávur, sum so dánt hóra undan fíggjarliga, meðan fagurfrøðiliga økið til vaksin er við skerdan lut. Ein orsøk kann vera, helt Justinus Eidesgaard, at ein grunnur sum Mentanar­ grunnur Landsins hevur alt ov nógv ymisk øki at varða av. Hann sá fyri sær ein muna­góðan grunn, sum hevði til uppgávu at fíggja bókaútgávur og onki annað. Í sama viðfangi nevndi hann, at í staðin fyri at tøva í sama gamla grenjinum um, at før­ oyski bókamarknaðurin er so lítil, áttu vit eisini at vent eyguni úteftir og lagt okkum eftir at stuðla týðingum fyri á tann hátt at víðka um markn­aðin. Ótroyttiligt arbeiði At bókaútgávur í Føroyum ofta eru úrslit av óvanligum eldhuga heldur enn um­­støð­ um, var nýggja Íslendska- Før­oyska eitt gott dømi um. Eftir meir enn 10 ára ar­beiði og mest at kalla utt­ an fíggjarligan stuðul, var løtan umsíðir komin í gjár, tá hetta stóra verkið kundi leggjast fram alment. Tað er íslendingurin og føroya­ vinurin Jón Hilmar Magnus­ sen, sum hevur gjørt bókina, men uttan ótroyttiliga ar­beiðið hjá vinmanninum Dáva Jacobsen at fáa hana rættlisna, hevði hon neyvan verðið veruleiki. Trong kor hjá bókaútgávu Tað var ein sera fegin Dávur Jacobsen, sum í gjár legði fram nýggju íslendsku- føroysku orðabókina eftir íslendingin og føroyavinin Jón Hilmar Magnussen Í steðginum á bókadegnum spældu Petur Pólson og vinmenn løg av fløguni “Koma”, sum Petur gav út herfyri Við pallborðið var breið semja um, at tað ofta er idealisma heldur enn umstøðurnar, sum ger, at føroysk bókaútgáva ikki heilt er dottin niðurfyri