fríggjadagur 16. desember 2005síða 6

6 Nr. 242 - 16. desember 2005 – Tað harmar meg almikið at noyðast at klaga mítt egna býráð fyri landsstýrinum, men her er onki at gera, sigur Jan Christiansen Tórshavnar Býráð Áki Bertholdsen aki@sosialurin.fo Meirilutin í Býráðnum í Havn verður nú klagaður fyri kommunala eftirlitinum hjá landsstýrinum. Tað hendir í kjalarvørrinum á býráðsfundinum í gjár­ kvøldið. – Tað harmar meg almikið, at vit skulu vera noydd at klaga okkara egna býráð. Men eftir tað, sum hendi í gjárkvøldið, hava vit rætt og slætt onki val, sigur Jan Christiansen, býráðslimur úr minnilutanum, sum eisini hevur verið borgarstjóri í Havn – Vit kunnu ikki lata slíkt fara afturvið borðinum. At uppliva tað, at 14 vanligir borgarar, sum høvdu bein­ leiðis áhugað í einum máli, vóru kunnað um, hvat skuldi viðgerðast í býráðnm, áðrenn fleiri býráðslimir vistu tað, var so stór provokatión, at tað hevði verið at hildið allar okkara veljarar fyri gjøldur at latið sum einki. – Hetta var so stór skerjing av møguleikanum hjá einum parti av býráðslimunum at vera við í eini viðgerð, at vit noyðast at gera vart við okkum. – Heðin Mortensen er for­maður fyri alt býráðið, eisini fyri minnilutan. Men tá ið hann ger so stóran mun á meirilutanum og minni­ lutanum í býráðnum, sum hetta málið er prógv um, er tað ein stórur spurningur um hann ser skikkaður til starvið. – Tað, sum fór fram í gjár­ kvøldið, er so álvarsligt, at hann eigur at fáa eina ávaring frá komunala eftirlitinum um, at endurtekur slíkt seg, verður hann koyrdur frá- um tað ber til, sigur Jan Christiansen. Borgarstjórin í Havn góðtekur ikki, at býráðslimir rýma av fundi, tí tað er ólógligt Tórshavnar Býráð Áki Bertholdsen aki@sosialurin.fo Heðin Mortensen fer nú at klaga tríggjar býráðslimir í Havn fyri kommunala eftir­litinum hjá Tórshavnar Býráð. Tað hendir í kjalarvørrinum á býráðsfundinum í Havn í gjár. Tá rýmdu teir tríggir bý­ráðs­limirnir, Jan Christ­ iansen, Sjúrður Olsen og Høgni Mikkelsen av fundi, tí teir góðtóku ikki, at eitt mál um atkomuveg til Havnar, varð tikið til viðgerðar uttan fyri fráboðaðu skránna fyri fundin. – Tað er ólógligt hjá bý­ráðs­ lim­um at rýma av fundi, segði Heðin Mortensen, borg­arstjóri, tá ið vit fingu orðið á hann beint áðrenn blaðið fór til prentingar. Hann góðtekur tí ikki fram­ ferðina og fer tí at klaga teir tríggjar. Hann sigur annars at bý­ráðsfrmaðurin hevur rætt at fáa eykamál til viðgerðar, bara býráðið samtykkir tað og tað gjørdi býráðið í hes­ um føri – Ætlanin var ikki at taka nakra ítøkiliga avgerð. Ætlanin var bara at senda eitt signal til løgtingið um, hvat býráðið heldur og tað gjørdu vit. Samstundis var málið beint í teknisku nevnd til víðari viðgerð. Vit hava meiri um málið mánadagin. – Hetta er størsta vanvirðing og størsta svínarí, vit vita um í býráðnum í Havn, siga býráðslimir Býráðsfundur Áki Bertholdsen aki@sosialurin.fo – Hetta er størsta vanvirðing, eg havi verið úti fyri øll míni 20 ár sum býráðslimur í Havn. So bersøgin er Jan Christ­ iansen, býráðslimur um bý­ráðs­fundin í Havn í gjár­ kvøldið. Ein annar býráðslimur, Høgni Mikkelsen er minst líka harður í sínum dómi. – Hetta er størsta svínarí eg nakrantíð havi verið úti fyri í býráðnum, segði hann. Býráðsfundurin í Havni gjárkvøldið endaði í rætti­ ligum roki og tá ið av­torn­ aði, gjørdu teir trígg­ir bý­ráðs­ limir, Jan Christ­iansen, Sjúrður Olsen og Høgni Mikkelsen, bart, og rýmdu av fundinum. – Eg veit, at tað er skeivt at rýma av fundi, men vit føldu okkum so niðurgjørdar og traðkaðar á, at vit høvdu onki væl, sigur býráðsliurin, Jan Christiansen, sum eisini hevur verið borgarstjóri í Havn Hann vísir á, at eftir fund­ ar­skipanini hjá Tórshavnar Býráð skulu býráðslimir hava skránna fyri ein bý­ráðs­ fund minst fýra dagar fyri fundin. – Tað fingu vit eisini hesu­ ferð. Men eftir døgverða í gjár, fýra, fimm tímar áðrenn fundurin skuldi vera, fekk eg eini sms boð á fartelefonina, sum stutt og greitt segði: Eykamál - Ytri ringvegur. – Aðrir býráðslimir lósu boðini so við og við seinna­ partin, men onkur sá tey ongantíð. Jan Christiansen helt, at hetta var løgið, men hann helt, at talan mundi vera um okkurt smámál. Men so mikið stórur var skelkurin, tá ið hann kom á býráðsfund og fekk at vita, at tað snúði seg um eitt stór­mál, sum snýr seg um tíggjutals milliónir krónur. – Og tað fáa vit eini sms boð um at viðgerða á bý­ráðs­ fundi nakrar fáar tímar undan fundinum. Ikki verið úti fyri slíkum Jan Christiansen sigur, at van­ liga plaga ongir áhoyrarar at vera á býráðsfundi. Tí stúrsaði hann við at síggja heili 14 fólk sita á áhoyraraplássunum á hesum býráðsfundinum. – Upp aftur meiri merki­lig­ ari føldi eg meg, tá ið eg eisini ans­aði eftir, at øll 14 fólkini búðu við Villingadalsvegin. Men tá ið býráðsfundurin varð settur, fall fimmoyrað. Tá ið skráin varð løgd fram, nevndist hetta eyka­ málið ikki longur Ytri Ring­vegur. Nú nevndist tað knappliga: Atkomuvegur til Havnar. – Hetta er eitt mál, sum snýr seg um at gera ein veg inn í Havnina, sum kann taka ímóti allari ferðsl­uni, sum er og sum vænt­ast at koma. Tosað hev­ur verið um at gera ein ring­veg frá Oyggjarvegnum, und­ir Krákugjógv fram­við trað­ unum við Vill­ingar­dals­veg­ in. – Hetta er eitt mál, sum kanska kostar einar 70 milliónir krónur, men hetta er bara eitt leyst skot. – Hetta sigur mær so mikið sum tað, at hesi 14 fólkini á Villingadalsvegnum, sum hava beinleiðis áhugað í máli­ num, hava fingið fundarboð til Tórshavnar býráð áðrenn nógvir býráðslimir og tey hava eisini fingið at vita, hvat málið snýr seg um. – Sostatt hava vanligir borg­ arar fingið kunning um eitt mál, áðrenn vit býráðslimir, sum skulu viðgerða tað, vita, hvat tað snýr seg um yvirhøvur og tað er so langt úti, at eg havi ikki verið úti fyri slíkum áður. Samstundis var tað týði­ ligt, at meirlutin í býráðnum hevði viðgjørt málið væl og virðiliga. Hinvegin leggur Jan Christiansen dent á, at hann skilir sera væl, at íbúgvarnir við Villingardalsvegin hava størsta áhuga í málinum, tí eftir ætlanini, sum er stungin út í kortið um atkomuvegin til Havnar, koma summi av teimum at missa av trað­ unum, tey eiga og hjá øðrum kemur ætlaði vegurin at ganga at kalla ígjøgnum tún­ið. – Men hetta snýr seg ikki um, at vit ikki vilja viðgerða málið um atkomuvegin til Havnar av nýggjum fyri at royna at bjarga traðun­um. Men tað er ikki hetta, sum hetta snýr seg um. Tað, sum hetta snýr seg um, er fram­ferðin hjá bý­ráðs­ meirlutanum ímóti einum parti í býráðnum og eg skilji rætt og slætt ikki, hvat hetta skuldi til, tí málið hevur als ikki skund. Hetta kundi tí ikki skiljast øðrvísi enn at tað var ein rein provokatión. Ein onkisigandi svada Jan Christiansen sigur, at spurningurin um at­komu­ vegin til Havnar, er eitt mál, sum hevur verið til viðgerðar í eini 20 ár, men at tað er ongantíð loyst. – Skjølini í hesum málum fylla fleiri favnar. Gamli borgarstjórin í Havn sigur, at tá ið eitt mál er á skrá til býráðsfund, eigur ein frágreiðing at fylgja við, saman við einum tilmæli. – Ì hesum máli lá bara ein lítil frágreiðing, men hon kann ikki sigast at vera objektiv. Hetta var ein svada, sum var so litað, at tað er skelkandi, at eitt slíkt skjal, verður lagt fyri býráðið. Jan Christiansen sigur, at minnilutin í Býráðnum vildi hava at vita, hví málið so brádliga varð sett á skrá sum eitt eykamál, tí hetta kundi ikki sigast at hava skund. Vit fingu heldur ikki at vita, um vit skuldu taka støðu til nakað, ella um vit skuldu atkvøða um málið ella ikki. – Tað mugu tit bíða eftir, til málið kemur fyri, var svarið frá borgarstjóranum. Allur minnilutin atkvøddi tí ímóti, at málið kom til við­ gerðar. Men allur meiri­lutin atkvøddi fyri og so kom mál­ ið fyri. – Tað, sum fór fram, er so mannminkandi fyri okk­ um sum býráðslimir, at vit gjørdu av at vit tríggir, Høgni Mikkelsen, Sjúrður Olsen og eg, boykottaðu fund­in og rýmdu, sigur Jan Christiansen. Rokfundur í býráðnum í Havn: Býráðslimir rýmdu Heðin Mortensen klagar býráðs­limir í Havn Noyðast at klaga fyri landsstýrinum At borgarstjórin ger so stóran mun á meirilutanum og minnilutanum í býráðnum fær meg at spyrja um hann yvirhøvur er skikkaður til starvið, sigur Jan Christiansen Høgni Mikkelsen var ikki blíður á býráðsfundi í Havn í gjar og tað sæst á honum. hetta er størsta svínarí, eg havi verið úti fyri, segði hann