mikudagur 21. desember 2005síða 2

2 Nr. 245 - 21. desember 2005 Í fleiri enn 40 ár hava nakrir mans í Havn hitst til morgunkaffi hvønn einasta ger­and­ is­morgun. At kalla øll hesi árini hevur kaffið verið drukkið á Kondittarínum, men nú hava teir flutt oman á Sjó­ mans­heimið, har teir trívast stak væl Kaffiprát Terji Nielsen terji@sosialurin.fo Teir hava longu funnið sær sess við morgunmatarborðið í Galluni á Sjómansheiminum, tá ið vit klokkan gott níggju mikumorgunin leita okkum yvir um Tórsgøtu at fáa eitt prát við hesar menninar, sum nú í ein mansaldur dagliga hava hitst til morgunkaffi. Tá ið vit koma, eru teir átta í tali, men løtu seinni koma tveir afturat, og so er við at verða fult. Kondittaríið misti sína sjarmu Men hvussu ber tað til, at teir fluttu oman á Sjómansheimið, aftaná at hava hildið til á Kondittaríinum í ein mansaldur? - Har komu nýggir eigarar til, og tá misti Kondittaríið full­komiliga sítt innihald, og tað segði okkum einki til síðst. Broytingarnar vóru alt ov stórar, og tænastan var alt ov vánalig. Mangan var eingin viðskeri til rund­ stykkini, og reinførið var heldur ikki í lagi, so vit kendu okkum ikki heima har longur, siga kaffimenninir. Leiðin gekk síðani oman á Sjómansheimið, og har hava teir kent seg vælkomnar frá fyrsta degi av, og tænastan er framúr góð. - Her er gott at verða. Vit eru framvegis mitt í býn­ um, og her eru góð park­ eringsviðurskifti. Í mun til Kondittaríið er her eisini eitt sindur luftigari, og vit síggja bátar og skip, sum eru á Havnarvág, sigur Jør­­ leif Kúrberg, ein av vet­er­ anunum. Hildu veitslu fyri damunum á Kondittaríinum Flestu havnarborgarar minn­­ast damurnar, sum í ein mansaldur arbeiddu á Kondittaríinum, og seinni yvirtóku raksturin av kaffi­ staðnum. Tá ið hesar løgdu frá sær, avgjørdu trúfastu kaffigestirnir at halda eina sonevnda „avskeðsveitslu“ fyri teimum. - Vit bjóðaðu teimum á veitslu á Hotel Vágum. Vit leigaðu ein buss vestur í Vág­ ar, har vit hildu eina veitslu. Minnist meg rætt, so vóru vit ikki færri enn 29 fólk, greiðir Baldvin Baldvinsson frá. Hann heldur, at tá ið hes­ ar damur góvust, var andin á Kondittaríinum ikki tann sami. Onkur av kaffimonnunum heldur skemtandi fyr, at Tórs­ havnar Býráð heldur skuldi keypt Kondittaríið ístaðin fyri Degnshús. Pláss fyri øllum Tað eru ongar upptøku­ treyt­ir fyri at verða við til morgunkaffi á Sjó­ mansheiminum. Kaffi­menn­ inir greiða frá, at pláss er fyri øll, óansæð politiska sann­ føring, um tað er B36’ari ella HB’ari, ella átrúnaðarliga sannføring. - Her eru bæði sosialistar og kapitalistar, og tað er eingin forðing. Tá ið fót­ bólturin er í gongd, verður til dømis nógv tosað um tað, og tað er ikki frítt, at man prikar hvønnannan. Vit kjakast um øll møgulig mál, bæði stór og smá, og óansæð um vit hava skil fyri tí ella ikki. Onkuntíð gongur tað eitt sindur harð­ liga fyri seg. Kjakið kann verða bæði seriøst, men sanniliga eisini óseriøst, siga kaffimenninir. Hendan morgunin vit vitja, hevur kjakast verið um útvarpið, ið teir als ikki eru nøgdir við, og onkur røvarasøga er eisini fortald. Longsul í frítiðini Sum øll onnur leita hesir kaffi­menninir sær av og á av landinum, og tá er longsulin eftir hugnaløtunum stórur. - Ert tú burturstaddur, so kennir tú beinan vegin ein longsul eftir prátinum við kaffiborðið. Tað er nakað heilt serligt, og vit høvdu als ikki klárað at verið tað fyriuttan. Vit hava havt hesa siðvenju í ein mansaldur, og hon fer ikki at detta niðurfyri, siga teir. Alt bendir eisini á, at teir eru komnir oman á Sjó­ mansheimið fyri at verða, og teir rýma neyvan, fyrr enn teir á ellisárum møguliga fara at flyta stutta teinin yvir í Undirhúsið í Vágsbotni, har nógvir eldri havnarmenn dagliga hittast til eitt prát og kortspæl. Her trívast vit væl Átta av monnunum, sum hvønn morgun hittast til morgunkaffi á Sjómansheiminum. Frá vinstru eru tað Heðin Hammer, Jan Christiansen, Niels Pauli Hjaltalin, Andrias Rein, Jørleif Kúrberg, Baldvin Baldvinsson, Høgni Mikkelsen og Ingi Mohr Mynd: Jens Kr. Vang