hósdagur 29. desember 2005síða 6

6 Nr. 250 - 29. desember 2005 Við fleiri væl kendum og -profileraðum andlitum, hevur Føroya Banki av álvara styrkt um menningar- og samskiftisdeild sína STARVSSETANIR Í tíðindaskrivi sigur Føroya Banki, at nýggja deildini nú er fullsett og klár at taka av avbjóðingunum, sum fram­ tíðin fer at bjóða. Deildin verður umframt leiðaran, Johnny í Grótinum, mannað við fýra verkætlanarfólkum og einum samskiftisfólki. Verkætlanarfólkini eru Bri­ an Smedemark, Brynhild Høgnadóttir, Brynhild Set­ berg og Kristina Háfoss. Nýggja samskiftisfólk bank­ ans er Uni Arge. Brian Smedemark er 25 ára gamal og ættaður av Tvør­ oyri. Eftir ætlan letur hann inn sína høvuðsuppgávu í búskaparfrøði í januar 2006, soleiðis at hann sum nýklaktur cand.oecon av Århus Universiteti kann fara til verka í bankanum 1. februar. Brynhild Høgnadóttir er 37 ára gomul, ættað úr Havn og búsitandi á Velbastað sam­ an við manni sínum og teirra trimum synum. Brynhild er bankaútbúgvin og út­­búgv­in verkfrøðingur frá In­geni­ ør­højskolen í Ballerup. Hon hevur síðstu fýra árini starvast í bankanum, har hon millum annað hevur ment eitt nýtt konsept fyri virkna kundarøkt. Brynhild Setberg er 41 ára gomul og býr í Havn, haðani hon eisini er ættað. Síðani Brynhild fyri 10 árum síðani nam prógv sum cand.merc á Copenhagen Business School, hevur hon einamest starvast við virkismenning. Fyrst á donsku sjúkratrygg­ ing­arfyritøkuni IHI, har hon millum annað hevði ábyrgdina av at tryggja fyri­ tøkuni atgongd til spanska marknaðin, og síðani á Tryggingarfelagnum Før­oy­ ar, har hon síðstu árini hevur verið marknaðarleiðari. Kristina Háfoss er 30 ára gomul, ættað av Argjum og búsitandi í Hoyvík saman við manni sínum og teirra tveimum børnum. Kristina hevur embætisprógv í bæði løgfrøði og búskaparfrøði av Keypmannahavnar Uni­­versiteti. Hon hevur síðstu tvey árini starvast í Landsbanka Føroya, har hon millum annað hevur fingist við at menna føroyska virð­ isbrævamarknaðin, VMF. Uni Arge er 34 ára gamal, ættaður út Havn, har hann eisini er búsitandi saman við unnustuni og teirra tveim­um døtrum. Uni tók prógv sum journalistur í 1999 og hevur síðan tá starv­ ast sum tíðindafólk á m.a. Dimmalætting, Útvarpi Før­ oya og Sjónvarpi Føroya. Síðsta ár royndi Uni seg eis­ini sum rithøvund við bókaútgávuni ”Komin er nú onnur øld”, sum viðgjørdi viðkomandi samfelagslig viðurskifti. Nýggj­árs­hald í Runa­vík Aftur í ár skipar nýggj­ ársnevndin fyri nýggjárshaldi á kaiini í Runavík. Byrjað verð­­ur kl. 23.30 við kyndla­ gongu oman á kaiina. Kyndlagongan fer úr tveimum støðum, frá Rókini og Glyvra skúla. Bill Justinussen heldur nýggjársrøðuna á midnátt, og stóra bálið verður tendrað. Harumframt verður skip­að fyri felagssangi og fýrverkið verður skotið. Nevndin heitir á fólk um at brúka trygdarbrillur. Kl. 1 spælir orkestrið Kík­ar úr Eysturoynni til nýggjársdans í Støkk­høllini á Glyvrum. Deja Vu í Kagg­anum Dreymarokkararnir úr Deja Vu spæla í Kagg­anum í kvøld frá klokkan 21. Deja Vu góvu fyrr í ár fyrstu fløguna hjá bólkinum út. A Place To Stand On. Síðan útgávuna er gittarleikarin Rói Christiansen skiftur út við Rasmus Rasmussen, ið umframt at spæla gittar við Makrel, er kendur sum ein tann gávuríkasti ungi tónasmiðurin í Føroyum. Á AME fyrr í ár varð Rasmus kosin besti gittarleikari í Føroyum. Við einum stórum tón­leika­ navni sum Deja Vu bjóðar Kaggin enn eina­ferð til eitt frálíkt tónleikahóskvøld í kjall­ar­anum, ið spakuliga er við at gerast eitt væl­umtókt spælistað hóskvøld. nud Nýggjur superbólkur í Sørvágs Bio Sólva & Villmenn fer at spæla til dans í Sørvágs Bio gamlaárskvøld. Dans­urin verður aftaná midnáttarrøðuna hjá borgarstjóranum. Trummuspælarin hjá Villmonnum er í USA í jólafrítíð, so vanligi sang­arin Finnur Joen Jacobsen setur seg handan trummurnar. Í hansara stað kemur Sólva Ford, ið serliga er kend fyri samstarvið við Georg eystan Á, ið bólkum sum Bergmenn og Tám. Sólva er framúr kontri­ sangarinda meðan Vill­ menn sambært Finni Joen Jacobsen hata kontri, hetta kann gerast eitt stuttligt bland av kærleika og hatri. nud Samskiftisdeildin í Føroya Banka fullmannað Manningin á menningar- og samskiftisdeildini í Føroya Banka Sangskeið verður í Suðuroynni í janu­ ar 2006. Susanne Brattaberg, diplom­ lærari, undirvísir. Einsta treyt fyri at taka lut er sanggleði, og at tú dugir eitt lítið sindur av nótum og hevur hug at læra Sangur Dagfinn Olsen dagfinn@sosialurin.fo Sangskeið í Suðuroy í januar 2006. Susanne Brattaberg diplomlærari undirvísir. At syngja er stuttligt, tað er klárt. Í hvørjum einstøkum av okkum býr ein góð rødd. Nógv av okkum vita hetta væl, hjá øðrum er hetta kanska eitt sindur óvist, tey vita kanska ikki heilt enn, um teirra røtt er nakað serstakt. Tykkum, sum dáma væl sang, hava nú møguleikan at finna útav tí! Við einføldum venjingum, kunnu vit fáa røddina størri, hægri, lægri og breiðari, hetta er alt tað, sum man droymir um, tá ið ein hoyr­ ir góðan sang. Tað er at sam­anlíkna við ítrótt – við venjing kann man betra røddina sera nógv. Tær nýtist ikki serlig før­ leikakrøv fyri at luttaka í sangskeiðnum. Grundarlagið er stuttleikin at syngja og at tit duga eitt sindur at lesa nótar. Aldurin hevur einki at siga, bert hugurin at læra. Undirvísingin verður í Vágs kirkju seinnapartar millum kl.14.og 17. og mill­ um kl. 19. og 22 á kvøldið. Skeiðið byrjar mánadagin 9. januar til fríggjadagin tann 13. Undirvísingin verður í smá­um bólkum og tey, sum hava hug, kunnu eisini fáa einaundirvísing. Somuleiðis kunnu tit melda tykkum til passiva undirvísing, ið merkir, at tit tá einans eru til steðar, har onnur fáa sangfrálæru og kunnu fylgja við har. Hetta er eisni læruríkt. Sangtilfar fáa tit, tá ið tit møta til sangvenjingina, og arbeitt verður fram ímóti at hava konsert við tí, tit hava lært. Tað verður pláss fyri 15 næmingum.  Tilmelding og nærri um kostnað og annað á telefon 574006 ella teldupost Sirri@ sirri.fo innan týsdagin 3. januar. Sangskeið í Suðuroynni