hósdagur 5. januar 2006síða 8

8 Nr. 4 - 5. januar 2006 Nýggja yrkingasavnið Betwixed eftir Christian Fróða Djurhuus endur­spegl­ ar tað umskiftiliga sinnið – ein rødd, ið tosar sak teirra, ið ofta verða bólkað hinumegin “tað normala” Yrkingasavn Anna V. Ellingsgaard sosialurin.fo Beint fyri jól gav Christian Fróði Djurhuus út sítt fyrsta yrkingasavn Betwixed. Christian Fróði hevur skriv­ að yrkingar, síðani hann var heilt ungur, og fleiri av teimum hava verið at sæð á prenti í føroysku bløðunum. Yrkingarnar í Betwixed eru eitt úrval av hesum yrk­ingum, ella brotmyndir úr einum ofta truplum lívi við sálarligari órógv, sum yrkjarin sjálvur nevnir tær. Skiftandi rørsla Savnið er skipað sum ein støðugt skiftandi rørsla mill­um sinnisliga daprar og ljósar løtur. Hóast máttloysið allatíðina spøkir, tekur tað ongantíð heilt yvir. Sjálvt í myrkastu løtunum hómast altíð ein vón og ein trúgv uppá, at tað fer at bera til at fóta sær aftur. Myndamálið er í flestu førum bíbilskt sam­ antvinnað við myndum úr náttúruni, myrkri og ljósi. – Uttan mun til, hvussu myrkt alt tykist, er sólin jú altíð at finna onkustaðni. Í so máta kann Betwixed lutvíst síggjast sum ein roynd at mótprógva pástandin hjá Peturi Pólson í savninum Ongin sól er til. Hóast eg í fyrstuni ikki skilti, hvat Petur Pólson meinti, ávirkaði hansara yrkingasavn meg nógv, tá tað kom út og gjørdist íblástur til onkrar av mínum meir døpru yrkingum, sigur Christian Fróði. Javnvágin millum tað tunga og tað lættara hug­lag­ ið kemur oftast til sjónd­ar í skapi av einum aft­ur­ vendandi “tú”, eini kvinnu, sum onkursvegna altíð ber vónina um ljósið við sær. Samstundis við­gongur Christian Fróði, at fleiri av hesum yrkingum upp­ runaliga vórðu skrivaðar sum eitt slag av romantiskum ungdómsyrkingum. Í øðrum førum mani­ festerar tráanin eftir innaru javnvág seg í eini persónligari trúgv á Gud, sum skapara av øllum. Her er tað serliga myndin “at koma yvirum”, sum trínur fram í longslinum eftir einum lívi uttan órógv. Brýtur niður múrar Betwixed er ein stuðulsútgáva til arbeiðið hjá Sinnisbata, sum yrkjarin sjálvur havi fingið nógva hjálp frá. – Kanska yrkingarnar eisini kunnu verða ein rødd hjá teimum sinnisveiku, tí eg kenni jú teirra støðu innanífrá, sigur Christian Fróði og leggur afturat, at vónandi kann savnið verða við til at bróta niður múrar millum tað, vit vanliga fata sum “normalt” og “ónormalt. Tað vil so verða, at fyri tey so­kallaðu “normalu” kunnu sinnisveikleikar oftast tykjast sum nakað gátuført – okkurt, sum liggur hinumegin tað, vit megna at skilja. Í yrkingunum vísir yrkjarin, at tað sum er hinumegin ikki er so gátuført kortini og oftast nakað, tey flestu kenna til í onkran mun. Samanumtikið kunnu yrk­ ingarnar í Betwixed kanska best lýsast sum blandaðar kenslur, sigur yrkjarin og nevnir í sama viðfangi, at hetta eru yrkingar, hann bara mátti geva út. – Tað kendist næstan sum, at eg gekk við verkjum og bara mátti fáa hesar yrk­ ingarnar út. Hetta er so ein byrjan, men dreymurin er at geva eitt meir heilskapað og gjøgnumarbeitt savn út, tá eg kenni meg til reiðar til tað, sigur Christian Fróði Djurhuus. Nýtt yrkingasavn: Ein rødd hesumegin hinumegin Við yrkingasavninum Betwixed vónar yrkjarin Christian Fróði Djurhuus at bróta niður múrar millum tað sokallaða “normala” og “ónormala” Markleys Útbúgving 2005-2006 Afturvendandi kunningarátakið um lestrar­møgu­ leikar burturi og heima verður aftur 11.og 12 jan 2006 Útbúgving tíðindaskriv Tá fara umboð fyri MFS, Svøríki, Avst­ alia/­Ný­Sæland og Før­oyamálsdeildin á Fróðskaparsetrinum at greiða studentum frá lestrarmøguleikum í Føroyum og aðrastaðni. Kunningin verður á teimum trimum stóru miðnámsskúlunum og í Klaksvík. Fyrrapartin mikudagin 11. jan. 2006 kl. 10.00 verður tiltakið á Handilsskúlanum í Havn, seinnapartin kl. 12.00 í Hoydølum og fyrrapartin hósdagin 12.jan. kl. 10.00 á Kambsdali. Har­ afturat verður skipað fyri kunningarkvøldi miku­kvøldið 12. nov. kl. 19.30 á Tekniska skúla í Klaksvík. Øll tiltøkini vara uml. tveir tímar og eru ókeypis. Skráin á øllum fýra til­ tøkunum verður hendan: Svøríki: Sussi Thuré, lestrarvegleiðari - sussi@ vistas.nu Avstralia/NýSæland: Palle S. Jensen, EDU-DK psj@edu-danmark.dk MFS: Doris Bjarkhamer og Sunnuvá Vesturdal- At vera lesandi - mfs@mfs. fo“ mfs@mfs.fo Føroyamálsdeildin: Jákup Sørensen, kunn­ingarfólk á Fróð­ skaparsetrinum - www. setur.fo Spurningar til tey einstøku umboðini. Fjórða og seinasta um­farið í Markleys út­búgving 2005/2006 verður 9. og 10 . mars 2006. Við verða umboð fyri MFS, Frakland, Spania, Náttúruvísindadeildina og Føroya Sparikassa. Tað eru Menta­mála­ ráðið, Lestrar­veg­leið­ara­ felagið, MFS og Altjóða Skrivstovan, sum skipa fyri Markleys Útbúgving 2005/2006. Holger Arnbjerg á Altjóða Skrivstovuni (www.ask.fo) er samskipari. Leygarkvøldið 28. januar skipar MFS fyri áhugaverdum fyrilestri um fjøl­ miðlar ÅRHUS Tað eru tær báðar, Tórunn Ell­ingsgaard og Beinta L. Jacobsen, sum í felag fara at halda fyrilestur um teirra arbeiðsroyndir inn­ an føroyskar og danskar fjøl­miðlar, og síðan eina samanbering av føroyska og danska fjølmiðlaheimin, bæði tá tað ræður um ar­beiðsumstødur, men eis­ini góðsku av tí, ið er í fjølmiðlunum. Tórunn Ellingsgaard hev­ur m. a. arbeitt í SVF, MTV og seinast á DR. Hon er útbúgvin journalistur og hevur m. a. givið út eina bók um Peter Brixtofte. Beinta Løwe Jacobsen hevur m. a. arbeitt í ÚF og hevur skrivað fyri føroysku tíðindabløðini. Hon er eisini útbúgvin journalistur og lesur nú stjórnmálafrøði á Árhus Universitet. Fjølmiðlar á skránni á Áarstovu