fríggjadagur 13. januar 2006síða 2

2 Nr. 10 - 13. januar 2006 Áður var tað skúli ella universitet í Norð­ depli. Nú er ætlanin at gamli skúlin skal verða eitt savn fyri gamlar bátamotorar. – Tað hevði verið harmiligt um hesir gomlu motorarnir fóru fyri einki og bara blivu vekk, sigur ein av stigtakarunum, Hans Jørgen Nysted í Hvannasundi Savn Snorri Brend snorri@sosialurin.fo Norðdepil: – Ja, tað hevði verið stórt spell um teir ikki vórðu savnaðir á einum staði, sigur Hans Jørgen. Saman við tveimum øðrum sundamonnum – Sím­ un Sivertsen og Absalon Lydersen – hevur hann sett sær fyri at fara undir eitt motorsavn. Her er ætlanin at fólk skulu kunnu síggja nakrar av teimum gomlu bensin- motorunum. Hóast onkur teirra er um 70 ár, so er ætlanin at teir skulu kunna setast í gongd. Teir arbeiða í løtuni við at rigga til og mála stovuna í gamla skúlanum til eitt slíkt savn. Og gongur sum teir ætla og vóna, so er ikki óhugsandi at fólk sleppa at síggja ein part av savninum longu í summar. Tá vit vitjaðu á savninum seinnapartin í gjár stóðu tveir teir fyrstu motorarnir í savninum. Men tá alt verður liðugt er ætlanin at enn fleiri motorar skulu standa her, eins og greitt skal verða frá søguni hjá hesum motorunum. Spennandi arbeiði Hesir motorarnir, sum teir hava savnað higartil eru bensin­motor. Hesir motorarnir høvdu sína gulltíð áðrenn og aftaná seinna heimsbardaga og fram til nakað út í fimmti- árini. Men tá dieselmotorarnir byrjaðu at koma fram, fækk­ aðist talið av hesum bensin- motorum. Vandi var nú fyri, at hesir og søga teirra skuldi hvørva. Men hesir tríggir menninir í Hvannasundi vilja tað øðr­ vísi. Teirra ynski er at savna fleiri av hesum motorum í einum savni. Her skal so almenningurin fáa møgu­ leika at síggja hesar motorar, fáa søgu teirra at vita og eisini kunna hoyra, hvussu væl teir gingu. Ein av hesum báðum fyrstu motorunum í savninum er bláur á liti. Hann stavar heilt afturi frá 1938. – Tað sært tú her á skelt­ inum. Við síðuna av árs­ talinum standa so tvey onnur tøl, sum helst vísa dag og mánað, nær motorurin var liðugur, tá fyri 66 árum síð­ ani. – So tú skilir, at hetta er eitt spennandi arbeiði, sigur Hans Jørgen. Við liðina á hesum bláa motorinum stendur ein grøn­ur motorur. Og eftir tí sum skilst, so er hann nakað eldri enn tann blái – helst í tíðarskeiðnum millum 1932 og 1938. Stórt arbeiði Teir tríggir – Símin, Hans Jørgen og Absalon – hava allir havt áhuga fyri motorum í fyrstu syftu, men eisini gomlum bilum. Einaferð teir tosaðu sam­an um hetta kom hug­ skotið at gera eitt slíkt motor­savn í heimbygdini. Teir søktu so Hvannasunds kommunu um eitt høli, og tað var beinanvegin at teir fingu ávíst gamla skúlan í Norðdepli. Her eru teir nú so smátt byrjaðir at innrætta ta ein­ astu skúlastovuna til motor­ savn. Ætlanin er, at fólk skulu kunna síggja eitt av­markað tal av motorum longu í summar. Teir liggja longu inni við fleiri motorum, og nú verður so arbeitt við at fáa fleiri teirra lidnar til summarið. Tað sær kanska ikki nógv út, tá ein motorur stendur her sum nýggjur, vakurt mál­aður og har alt skínur. Men tað er eitt sera drúgt arbeiði at rigga ein slíkan motor til. – Tak bara henda bláa motor­in her – vit byrjaðu uppá hann seinasta summar, og fyrst í vetur er hann vorð­ in liðugur, greiðir Hans Jørgen frá. Sovítt teir vita, er einki annað savn av slíkum slagi í landinum, men í granna­ londum okkara finnast fleiri slík. Eitt savn fyri teir gomlu motorarnar – Tað er eitt drúgt, men kortini spennandi arbeiði at rigga hesar gomlu motorarnar til, sigur Hans Jørgen Nysted í Hvannasundi. Tann blái motorurin er frá 1938, meðan tann grøni er uppaftur eldri Mynd: Snorri Brend