hósdagur 26. januar 2006síða 5

Nr. 19 - 26. januar 2006 5 Á samkomu á Dimma­ lætting í gjárkvøldið var avdúkað, hvør ið var kosin til ársins føroying, ársins ítróttarbragd og ársins fløga í 2005 Heiðurslønir Terji Nielsen terji@sosialurin.fo Hetta er annað árið á rað, at Dimmalætting skipar fyri einum slíkum tiltaki. Í fjør var tað songkvinnan Eivør Pálsdóttir, ið fekk heiðurin sum tann fyrsti at verða kosin til ársins føroying. Ikki ein persónur, men eini hjún Í ár var tað tó ikki ein per­són­ ur, ið fekk heiðurin, tí valið fall á eini hjún. Talan er um Sonju Klein, prest og mann hennara Holgar Arnbjerg. Tey bæði eru kosin fyri tað arbeiði, sum tey gera í KFUK jólaaftan. Í fleiri enn tíggju ár hava tey bæði hildið jólaaftan í KFUK saman við fólki, ið annars einki stað hava at halda jól, og hetta helt dómsnevndin verða eitt so mikið gott arbeiði, at tey bæði kundu kjósast til ársins føroying. Sonja Klein og Holger Arn­bjerg vóru tíverri ikki hjástødd í gjárkvøldið, tá ið avdúkingin fór fram, men dóttir teirra, Katrina, tók ímóti heiðursbrævið og blómum teirra vegna. Men á einum stórskíggja sóu tey mongu fólkini, sum vóru á Dimmalætting í gjárkvøldið, eina video­heilsan frá teimum báð­um. Tey eru í løtuni burtur­stødd. Hjún gjørdust ársins føroyingar Ingi Samuelsen, blaðstjóri á Dimmalætting, avdúkaði, hvør ið var kosin ársins føroyingur. Omanfyri sæst videoheilsanin frá Sonju Klein og Holger Arnbjerg, sum varð víst á stórskíggja. Mynd: Jens Kr. Vang Ikki óvæntað var tað unga gøtugentan, Elspa Mørkøre, ið var kosin til at hava framt ársins ítróttarbragd Ítróttarbragd Terji Nielsen terji@sosialurin.fo Elspa Mørkøre hevur um nakað gjørt vart við seg í føroyska ítróttarheiminum í farna ári, og tað var í fjør, at hon skrivaði seg inn í føroysku svimjisøguna. Ordans hál í Íslandi Longu fyrst í farna ári gjørdi Elspa av álvara vart við seg, tá ið hon saman við øðrum føroyskum svimjarum tók lut í stórari svimjikapping í Reykjavík. Tað ferðina eydnaðist tað henni at vinna ikki færri enn seks gullheiðursmerki, og hon setti heili níggju føroysk met. Eitt av hæddarpunktunum hjá Elspu Mørkøre í fjør var ivaleyst luttøkan á Oyggja­ leik­unum í Hetlandi, tí tað var fyrstu ferð, at hon var við til oyggjaleikir. Tað gekk eisini væl, tí hon vann trý heiðursmerkir, eitt av hvørjum slag. Mest óvæntaða heiðursmerkið á oyggjaleikunum var ivaleyst gull­heiðursmerki í 4x50 metr­ ar liðsvimjing. Tað, sum av álvara skrivaði Elspu í søgubøkurnar, var nýggja metið á 100 metrar frí, sum hon setti í heyst. Tíðin var 0,59.96, og harvið gjørdist hon fyrsta føroyska kvinnan nakrantíð, ið kom undir ein minutt. Elspa Mørkøre tók sjálv móti heiðursbrævi og blóm­um á Dimmalætting í gjárkvøldið, og hon var sjálvsagt ógvuliga fegin um heiðurin. Tað gjørdist havnar­ bólkurin DejaVu, ið vann heiðurin at hava gjørt ársins fløgu í 2005 Ársins fløga Terji Nielsen terji@sosialurin.fo DejaVu vóru í uppskoti fyri fløguna A place to stand­on, og hini fýra val­ evnini vóru ávíkavíst 200, Petur Pólsson, Tvey av Kamarinum og Høgni Lisberg. Fløgan hjá DejaVu er ivaleyst millum mest gjøgnumførdu fløgurnar, ið nakar føroyskur bólkur nakrantíð hevur gjørt. Framleiðslan av fløguna var óvanliga kostnarmikil sæð við føroyskum eygum. Tá ið fløgan, eftir drúgva bíðitíð, endiliga kom á markn­aðin seint í vár, fekk hon eisini óvanliga góð skoðs­mál frá ummælarum, og sølan av fløguni hevur eisini gingið stak væl. Í gjár handaði Uni L. Hansen, tónleikaummælari á Dimmu, bólkinum so heiðursbræv og blómur sum tekin um, at fløgan hjá DejaVu var kosin ársins fløga 2005. DejaVu átti ársins fløgu Limirnir í DejaVu vóru sjálvsagt sera fegnir um, at fløgan hjá teimum, A place to stand on, var kosin ársins fløga 2005 Mynd: Jens Kr. Vang Ítróttarbragd úr Gøtu Ivaleyst evna-ríkasti føroyski svimjarin leingi, 14 ára gamla Elspa Mørkøre úr Gøtu, var í gjár kosin til at hava framt ársins ítróttarbragd í 2005 Mynd: Jens Kr. Vang