týsdagur 28. februar 2006síða 22

22 Heimið 2006 Vert at hugsa um Nógv skal hugsast um áðrenn ein fer í gongd við at byggja hús ella at gera í stand. Her hava vit spurt sjey húsarhald, hvat tey halda er tað tydningarmesta at hugsa um. Húsfólk: Andreas Mouritsen Hvar eru húsini? Í Hoyvík Slag av húsum: Hevur sjálvur teknað tey Hvør smíðar: Nakað sjálvur og annað handverkarar Góð ráð til teirra, sum fara undir at byggja: n Ver úti um teg í góðari tíð at fáa tilboð frá handlum og handverkarum. Sum gongdin hevur verið seinastu tíðina, verður alt dýrari dag fyri dag. n Fylg væl við í byggingini og tak myndir av øllum n Hugsa um, hvussu húsini standa í mun til sólargang og ættir. Til dømis, at lívd er fyri bilinum, og hvønn veg rúmini venda. Til dømis er ikki gott, at køkur og stova venda norðureftir. Húsfólk: Andrea og John Arnfinn Reynstind og sonurin Brandur Hvar eru húsini? Í Sørvági Slag av húsum: Handverkarin hevur teknað húsini í samráð við húsfólkið Hvør smíðar? Nakað hava handverkarar gjørt og nakað hava tey gjørt sjálvi Góð ráð til teirra, sum fara undir at byggja: n Royn at halda teg væl við fólk, sum arbeiða fyri teg og sum tú keypir frá. Tað lønar seg í síðsta enda. n Rinda fólkum, sum arbeiða fyri teg, allar rokningar beinanvegin. n Brúka tíð og orku til at kanna prísir ymsastaðni, teir kunnu vera sera ymiskir. Húsfólk: Jens Marni Hansen og Nina Brockie Hansen Hvar eru húsini? Húsini standa í Kollafirði Slag av húsum: Húsini eru eini eldri føroysk hús frá 1927 í trimum hæddum á 44 fermetrar hvør. Kvistur er á húsunum Hvør smíðar? Tey byggja sjálvi, men fáa hjálp til serligar uppgávur. Góð ráð til teirra, sum fara undir at gera eldri hús meira nútíðarhóskandi: n Gerið heldur fá stór rúm, enn nógv smá. Í miðhæddini hava vit køk og stovu í einum, umframt gang. Áðrenn umvælingina vóru fýra rúm í miðhæddini. n Av tí at reisingin ikki er so høg, valdu vit, í staðin fyri brúsukliva, at fáa okkum eitt gosbað, sum tað eisini ber til at standa í, og tað eru vit sera glað fyri. n Eisini eru vit fegin um, at vit løgdu hita í gólvini í gongini og í baðirúminum. n Til tess at varðveita eitt sindur av gomlu sjarmuni við húsinum, hava vit latið bitarnar í køkinum verða verandi berar og ráðar, og síðani hava vit málað teir brúnar. Vit halda tað vera gott at varðveita okkurt av tí gamla stílinum. n Gomlu trægólvini vóru ikki nógv verd. Men áðrenn vit løgdu nýggj á, skrúvaðu vit krossvið niður á gomlu fjalarnar og omaná løgdu vit so nýggja parkettgólvið. Hetta gjørdu vit fyri at beinka gamla gólvið og fyri at sleppa undan, at gólvini ríkja so illa. n Vit hava fingið okkum plastvindeygu við sprossum. Tey líkjast akkurát trævindeygum, men krevja onki viðlíkahald. Fylg væl við í byggingini og tak myndir av øllum Gerið heldur fá stór rúm í staðin fyri nógv smá Hald teg væl við fólk sum arbeiða fyri teg Tekst: Rigmor Dam Myndir: Jens Kristian Vang, Álvur Haraldsen og tey sjálvi