týsdagur 7. februar 2006síða 6

6 Nr. 27 - 7. februar 2006 Eitt uppskot um at stytta skúlatíðina hjá næmingum vann ikki frama á fundi í ungdómstinginum í morgun. – Tímatalið er nóg gott sum er, segði eitt av ungu ting­ fólkunum Ungdómsting Snorri Brend Myndir: Álvur Haraldsen Løgtingið: Tað valdar frið­ ur inni í tingsalinum fyrra­ partin í dag. Øll tey 32 ungu tingfólkini sita og lurta við áhuga. Á áhoyraraplássunum er fullsett av ungum fólki við áhuga fyri málunum sum eru til viðgerðar. Hesa løtuna er eitt uppskot til viðgerðar um styttri skúla­ dag. Eftir uppskotinum skal hann byrja kl. 9 og enda kl. 13. Samstundis við hetta verð­ ur skotið upp, at lærararnir verða lærdir betur, soleiðis at næmingarnir kunnu fáa meira burtur úr tímunum. Uppskotið varð lagt fram í gjár, og var so til 2. viðgerð í dag, eftir at ment­ anarnevndin hevur havt mál­ ið til viðgerðar. Lítil ivi er um, at uppskotið vinnur ikki frama, tí ein samd mentanarnevnd tekur ikki undir við tí. Nóg nógvir tímar Tað er Rannvá Jarnskor sum fyrst biðjur um orðið. Hon sigur við fáum orðum greitt frá síni hugsan – tað var kanska nakað av tí, sum onnur tingfólk kundu lært av! – Eg taki ikki undir við upp­skotinum. Eg haldi, at tímatalið er nóg gott sum er, sigur hon. Hon setur seg niður aft­ ur, og løtu seinni er næsta kvinnan á tingsins røðara­ palli – Mathilda Follend. Og Mathilda er samd við uppskotsstillaranum: – Eg taki undir við hesum uppskotinum. Eg haldi ikki at tað er rætt at fara í skúla kl.8. – Tað hevði verið munandi betri at farið í skúla ein hálv­ an tíma seinni – tað vil siga kl. 8:30. Ein er ofta so illa fyri og móð í tímunum so tíðliga, sigur Mathilda. Hennara tilmæli er tí at tey ungu fáa ein hálvan tíma meiri at sova í um morg­ unin. – So fáa skúlarnir fleiri frísk­ar næmingar, sigur hon. Fall Longu meðan Mathilda er á røðarapallinum, hevur næsti talarin biðið um orðið. – Eg haldi so avgjørt ikki at ein hálvur tími hevði gjørt nakran mun. – Ein hálvur tími ger hvørki til ella frá, sigur Karina Joen­ sen, sum ikki tekur undir við uppskotinum. Hon fær eisini stuðul frá Høgna Djurhuus, sum kemur inn á ein heilt annan vinkul í hesum máli. – Eg haldi, at hvør ein­ stakur næmingur hevur ábyrgd fyri at fáa nóg nógva hvíld, sigur hann. Tingformaðurin, Edmund Joensen boðar nú frá, at eing­in annar hevur biðið um orðið. Málið um minni skúlagongd skal til at­kvøðu­ greiðslu. Atkvøðugreiðslan vísir, at tey ungu tingfólkini ikki eru samd í hesum máli: Sjey teirra atkvøða ja, 20 nei og trý atkvøða blankt. So frameftir mugu næm­ ingarnir møta sum vanligt í skúlunum kl. 8 á morgni. Uppskot til samtyktar um minni skúlagongd Ár 2006, 6. februar legði Pætur Askildsen frá 9. d í Eysturskúlanum í Havn fram soljóðandi Uppskot til samtyktar Heitt verður á landsstýrið um at kanna møguleikan fyri, at føroyskur skúlaungdómur fær styttri skúladagar, og at lærararnir verða lærdir betur, so næmingarnir fáa meira burtur úr tímunum. Viðmerkingar: Ov nógv tíð hjá tí unga fer til at ganga í skúla. Skúlin byrjar kl. 8.00 til og endar kl. 15.00. Eg haldi at hetta er ov long tíð at ganga í skúla. Skúlin skuldi byrja kl. 9.00 og enda kl. 13.00. Eg haldi eisini, at lærarar skulu lærast betur, so næmingarnir fáa meira burtur úr tímunum. 1. viðgerð 06.02.2006. Málið beint í mentanarnevndina, sum tann 7. februar 2006 legði fram soljóðandi Álit Hóri Ranason undir Kletti, 9.d í Eysturskúlanum, hevur lagt málið fram tann 6. februar 2006, og eftir 1. viðgerð er tað beint mentanarnevndini. Nevndin hevur viðgjørt málið á fundi tann 6. februar 2006. Ein samd nevnd mælir Ungdómstinginum frá at samtykkja uppskotið, tí nevndin heldur, at tímatalið, sum næmingar í fólkaskúlanum hava í dag, er nóg gott. 2. viðgerð 7. februar 2006. Uppskotið fall 7-3-20. Uppskotið sostatt fallið. Málið avgreitt. Næmingar halda fast um tímatalið Tey ungu hugna sær í tingsalinum, eisini meðan álvarsmál eru til viðgerðar Mathilda Follend hevur orðið. Hon heldur, at næmingarnir fyrst eiga at fara í skúla kl. 8:30 um morgunin