mikudagur 8. februar 2006síða 20

4 Unga songkvinnan Eyð Berghamar Jacobsen býr í løtuni í Keypmannahavn. Men her verður hon ikki búgvandi leingi afturat. Hon hevur fyri kortum undirskrivað ein sáttmála við stóra svenska felagið 2entertain, og í hesum sáttmála bindur Eyð seg til at framføra tónleik og dans í einum hotelli onkrastaðni í Evropa Rókur Jákupsson Jakobsen rokur@sosialurin.fo Í hesum Planet blaðnum eru grein­ar um tvey systkin, sum eru sjónlig og vird á føroyska tón­leika pallinum. Talan er um Eyð Berghamar Jacobsen og Kára Jacobsen. Meðan Kári helst er meiri kendur fyri sítt arb­eiði í upptøkuhølinum, so er Eyð sangari og dansari. Eyð Berghamar Jacobsen gjørd­ist heimskend í Føroyum, tá ið hon luttók í stóru Nordic Un­signed kappingini, sum MTV skipaði fyri. Her megnaði Eyð at syngja seg í finaluna við vakra lagnum hjá Kára “They Did You Wrong”, sum eis­ini varð spælt heilt nógv í Før­oyum. Upprunin “Kári hevur altíð spælt nógvan tón­leik, og eg rokni við, at tað er haðani, mín áhugi er vaktur fyri tónleiki”, sigur Eyð, tá ið vit spyrja hana, hvussu hennara áhugi fyri tónleiki byrjaði. Eyð greið­ir frá, at hennara foreldur ong­antíð hava fingist við tón­ leik, so hennara áhugi og evnir eru helst ikki beinleiðis arvað frá teimum. Hóast stóribeiggin altíð hevur verið ein stór tón­ list­arlig drívmegi í húsinum, so heldur Eyð, at hennara egni alsk­ur til tónleikin er orsøkin til, at hon valdi at útbúgva seg inn­an tónleikin. Eyð er útbúgvin musical ar­tist frá Ballet Akademinum í Gøteborg í Svøríki. Hon for­telur fyri Planet, at tá ið hon gekk í studentaskúlanum í Hoydølum, varð hon greið yv­ir, at hon skuldi hava eina út­búgving innan tónleik. Men tó hevði hon ikki ætlað, at hon sam­stundis skuldi útbúgva seg inn­an dans. Men hon fór á ein há­skúla í Svøríki, har tey løgdu líka stóran dent á dans og tón­ leik, og síðani hevur Eyð ikki ver­ið í iva um, at musical artist út­búgvingin var tann rætta fyri hana. “Sangleikur er akkurát eg”, sigur Eyð. Auditions Tá ið tú skalt spæla við í einum stór­um sangleiki, er tað ikki so, at fyriskipararnir ringja til tín og bjóða tær leiklutin. Nei, tú mást lut­taka á auditions. Og hvat er ein audition fyri nakað? “Ein audition er ein roynd, har tú og onnur kappast um nøk­ur fá pláss í einum leiki. Tú vísir tíni evni fyri eini dóms­ nevnd, sum síðan velur ella vrak­ar teg”, sigur Eyð. “Áðrenn sjálva auditionina mást tú senda CV inn til felagið, sum leitar eftir sangarum og dans­arum. Í hesum CV´num skalt tú leggja myndir av tær sjálv­ari, upplýsingar um hvørja út­búgving tú hevur, og helst eis­ ini vísa á hvørjar viðkomandi roynd­ir tú hevur”, fortelur Eyð. “Um felagið metur teg vera spennandi, so verður tú inn­kall­ að til audition”. “90% av øllum auditions byrja við eini dansiroynd. Tú og nøkur onnur læra eina lítla dansi kombinatión uppá heilt stutta tíð, og so skulu tit framføra hetta fyri dóms­nevnd­ ini. Longu her verða nógv­ir umsøkjarar soldaðir frá. Tað kann tykjast órættvíst, tí summi eru betur fyri í sangi enn í dansi, men hesi verða ofta vigað ov løtt, longu til dansi­ roynd­ina”, sigur Eyð. “Men um tú ert so heppin at koma væl frá hesi royndini, so sleppur tú víðari til sang­roynd­ ina. Her ræður um at hava tínar nót­ar klárar, tí tú hevur ikki ráð til at gera nakran feil. Ofta er tað soleiðis, at fyriskipararnir framm­anundan hava avgjørt, hvønn sang tú skalt syngja, so tá mást tú bara vera so mikið væl fyrireikað, at tú klárar at fram­føra hann púra feilfrítt”. Kappingin er hørð Sostatt er kapping ein gerandi­ skostur hjá Eyð. Men er hetta ikki eitt øðiliga hart lív? “Jú”, sig­ur Eyð. “Men tú mást bara vera ísakøld og ikki lata teg sláa út, um tú fært eitt avslag ella tvey. Hetta er ein hørð vinna, men tað visti eg eisini framm­anundan”, sigur Eyð. Hon fortelur eisini, at tað er so ótrúliga týdningarmikið at hava tey røttu sambondini, tá ið tú skalt finna tær leiklutir. “Tá ið tú hevur arbeitt við onkr­um góðum leikum, hevur tú skapt tær eitt navn. Og hetta navn kenna fólkini aftur, tá ið tey vilja hava fólk til ein annan leik. So einfalt er tað. Tú mást royna at fáa fótin innum, og eft­ir tað er alt nógv lættari”, for­telur Eyð. Sáttmáli Og júst nú tykist tað, sum um Eyð hevur fingið fótin innum. Fyri kortum var Eyð til eina au­dition, og har gekk so mikið væl, at hon fekk eitt starv. Starv­ið inniber at hon og trý onn­ur skulu framføra eitt show í onkrum evropeiskum hotelli í eitt hálvt ár. “Eitt stórt svenskt felag, sum eitur 2entertain ger nøkur show, sum verða seld og fram­ førd úti í Evropa. Eg skal so lut­taka í tí eina shownum. Vit fýra, sum skulu hava showið, skulu upptraðkað hvørt kvøld frá 01.04.2006 til 01.10.2006, so hetta verður sera strævið, men samstundis sera spenn­andi”, sigur Eyð. Talan er um eitt show, sum verður upp­stillað á onkrum hotelli, og tað er fyrst og fremst ætlað ferða­fólki. Sostatt sleppur unga song­ kvinn­an veruliga at royna seg í vinn­uni. “Enn veit eg ikki so nógv um showið”, greiðir Eyð frá. “Eg veit ikki akkurát hvar tað verð­ ur, og eg veit ikki hvørjum eg skal framføra saman við”. Til Turkalands á venjingarlegu Í næstum fara tey, sum skulu fram­føra tey ymisku showini á eina venjingarlegu í Turkalandi. Her skulu tey øll læra hvønn ann­an at kenna, so hetta verður helst stuttligt, heldur Eyð. “Eg gleði meg so ótrúliga nógv til at koma út í heimin. Har sleppi eg at læra nýggj fólk at kenna, men eg má eisini við­ganga, at eg eri eitt sindur stúr­in fyri hesum. Tað er eitt sind­ur ræðandi at hugsa um, at eg skal framføra tónleik og dans í eitt hálvt ár, og eg kenni slett ikki tey trý, sum eg skal fram­føra saman við. Men hetta er tann vinnan, sum eg havi valt mær, so tað skal nokk fara at laga seg”, sigur Eyð. Lættari at fáa starv Eitt er so vist. Eftir hetta, verð­ur tað so heilt vist lættari at fáa arb­eiði. “Tá ið tú kanst vísa á, at tú hevur framført í eitt hálvt ár, so vita tey sum skipa fyri, at tú megnar at taka stórar uppgáv­ur á tínar herðar. Sostatt er hetta veruliga ein góð­ur møguleiki hjá mær, og eg vænti, at eg kann brúka hes­ ar royndir sum eina lopfjøl víð­ ari inn í mína víðari karrieru”, greiðir Eyð frá. “Hetta er akkurát tað, sum eg havi brúk fyri beint nú. Eg vil menna meg í tí veru­liga lívinum. Eg vil fegin upp­traðkað saman við einum lítl­um bólki, soleiðis at eg verið noydd at taka stórar leiklutir í showinum. Sostatt er hetta fræg­ari enn til dømis at hava ein evarska lítlan leiklut í einum sang­leiki, har ongin sær meg”, for­telur Eyð. Eyð og Kári Aftur til Nordic Unsigned. Lag­ ið “They Did You Wrong” var úrs­litið av einum samstarvið mill­um Jacobsen systkini. Vit spurdu Eyð, um hetta var eitt sam­starv, sum vit koma at hoyra meiri til í framtíðini. “Ja, tað rokni eg við. Eg og Kári skilja hvønn annan rætti­ liga væl, og tí gongur tað ofta øði­liga skjótt í upptøkuhølinum. Og so er tað eisini so super deil­igt at arbeiða saman við sín­um stórabeiggja”, sigur Eyð Berg­hamar Jacobsen at enda. Eyð –