hósdagur 2. mars 2006síða 7

Nr. 44 - 2. mars 2006 7 Higartil í ár er talið av ferðafólki, sum hava ferðast um flogvøllin í Vágum, økt við 15,2% í mun til somu mánaðir í fjør Ferðing Vilmund Jacobsen vilmund@sosialurin.fo Talið av ferðandi um Vága Floghavn er rættiliga nógv størri higartil í ár enn somu tíð í fjør. Sambært hagtølum hjá Vága Floghavn ferðaðust til­samans 9.597 fólk um flogvøllin í Vágum í februar í mun til 7.994 í februar mán­aði í fjør. Hetta svarar til ein vøkst­ ur upp á heili 20,1%. Vága Floghavn sigur, at framgongd hevur verið á øllum farleiðum undantikið við tyrluni, har flutningurin hevur verið nakað minni í februar í ár enn í fjør. Hyggja vit at teimum báð­um fyrstu mánaðunum í ár undir einum, er ferða­ fólkatalið um floghavnina tilsamans 20.801, sum er 15,2% fleiri enn sama tíðarskeið í fjør. Higartil í ár eru tilsamans 744 flogfør komin og farin um floghavnina, og hetta er 16,1% fleiri enn somu tíð í fjør. Í februar var talið av flog­ førum, sum komu og fóru, 352, og tað er 13,9% fleiri enn í februar í fjør. Leygardagin 4. mars skipa Bóndafelagið og Meginfelag Búnaðarmanna fyri marknaðardegi í Sjónleikarhúsinum, har bøndur og onnur fara at vísa fram, hvat fæst burtur úr landbúnaðinum í Føroyum. Á tiltak­ inum fara MBM, Tøting og Sirri eisini at sýna fram sínar vørur Marknaðardagur Vilmund Jacobsen vilmund@sosialurin.fo Klokkan 10 leygarmorgunin komandi letur Sjón­leik­ar­­hús­ ið í Havn upp til áhugaverd­ an og forvitnisligan markn­ að­ardag, har høvið verður at síggja – og smakka – hvat er at fáa á gørðunum runt um í Føroyum. Á marknaðardegnum, sum varar frá klokkan 10- 18, verður eisini kunnað um landbúnað, skanning av seyði, føroysku ullina og um vinnuligan landbúnað í Før­ oyum í 2015. Til undirhalds verður eis­­ini vísusangur, eins og MBM, Tøting og Sirri fara at sýna fram sínar vørur. Ongum nýtist at gagna svangur í Havn leygardagin, tí gjøgnum dagin kunnu fólk eisini keypa smyrjibreyð við føroyskum viðskera í Sjón­ leikarhúsinum. Fjølbroytt skrá Dyrnar verða latnar upp kl. 10, og klokkan 11 fer Heðin Mortensen, borg­arstjóri í Tórshavnar kommunu, at tosa um vinnu­ligan land­ búnað í Tórs­havn. Klokkan 12 og klokkan 15 fer Eyðstein Jensen at skanna seyð, og hetta eru sonevndar fosturskanningar. Mótasýning verður klokk­ an 13 og klokkan 17, og tá fara MBM, Tøting og Sirri at sýna fram sínar vørur. Klokkan 14 fer Nicolina Beder at tosa um føroysku ullina, og klokkan 16 verður vísusangur. Aftrat vanligu skránni, fara Bjarni Djurholm, lands­ stýrismaður og Hendrik Old, løgtingsmaður, at hugleiða um vinnuligan landbúnað í Føroyum í 2015. Aðrir luttakarar Aðrir luttakarar á mark­n­að­ ardegnum í Sjón­leikar­hús­ inum verða Búnaðarstovan, Búnaðargrunnurin og Roynd­ arstøðin. Á marknaðardegnum verð­ur eisini høvi at síggja, meðan arbeitt verður við hornum og roði. Tað hevur gingið væl hjá Atlantic Navigator at fiska hendan túrin, og alt bendir á, at fram­leiðslan umborð eisini hevur gingið rættiliga væl Fiskivinna Vilmund Jacobsen vilmund@sosialurin.fo Um fáar dagar kemur At­lantic Navigator væntandi aftur til lands við fullari last av surimi og mjøli. Hetta hevur verið ein stutt­ ur túrur hjá skipinum. Væl hevur gingist at fiska, og alt bendir á, at framleiðslan umborð eisini hevur gingið rættiliga væl. – Vit hava 1200 tons inni, og ætlanin er at fiska tveir dagar aftrat. Hesi vóru tíðindini, sum frættust av skipinum týs­ dagin. Sum skilst, hevur mann­ ingin, tá ið best hevur ligið fyri, fingið heilt upp í 100 tons av lidnari vøru í lastina um samdøgnið. Og tað er óført! Mangt bendir á, at verk­ætl­ anin við flaggskipi norð­ oyinga, Atlantic Navigator, rættiliga er farin at síggja spennandi út. Marknaðardagur: Kjøt og ull í Sjónleikar­ húsinum Á forvitnisligum marknaðardegi í Sjónleikarhúsinum leygardagin verður høvið at síggja, hvat er at fáa á gørðunum kring landið Mynd: Vilmund Jacobsen Atlantic aftur fullur Væntandi verður Atlantic Navigator aftur at síggja í Ánunum um fáar dagar Mynd: Vilmund Jacobsen Nógv fleiri ferðast um Vága Floghavn Fleiri og fleiri ferðast um flogvøllin í Vágum Mynd: Vilmund Jacobsen