hósdagur 2. mars 2006síða 8

8 Nr. 44 - 2. mars 2006 Nú verður høgligari hjá teim ferðandi at hava viðføri við sær umborð á Smyril. Seinnapartin í gjár vórðu nýggju landgangirnir í Havn og á Tvøroyri tiknir alment í nýtslu. Ferðafólkini fegnast um úrslitið, og sum skilst er ætlanin at menna hetta økið enn meiri í framtíðini Samferðsla Snorri Brend snorri@sosialurin.fo Tvøroyri: Fyrst skuldi tú draga viðførið umborð á Smyril. Síðani mátti tú draga tað aftur í land fram­ við persónbilum og last­ bilum. Og síðani í land eftir bilrampuni. Soleiðis hevur støðan verið hjá suðuroyingum síðani siglingin til Suðuroyar av álvara tók seg upp í sjeytiárunum. Og soleiðis hevur eisini verið við nýggja Smyrli. Inntil seinnapartin í gjár. Fyri tey ferðandi til og úr Suðuroynni var hetta dagurin, tá nýggja farstøðin og nýggi landgangurin á Krambatanga og tann í Havn skuldu takast alment í nýtslu. Hetta hendi við eitt lítið hátíðarhald á nýggju farstøðini, har fólk á fyrsta sinni sluppu inn í hesa nýggju atkomuhøllina. Góðar umstøður Tey sum fóru suður við Smyrli á middegi sluppu at ganga í land, eins og vanligt hevur verið øll hesi árini. Men tey sum fóru norðuraftur seinnapartin í gjár vórðu samstundis tey fyrstu, sum nú kundu sleppa umborð í snotuligum og góðum umstøðum. – Hetta er ein tiltrongdur bati fyri tey ferðandi til Suð­uroynna. Nú kann alt avgreiðast bæði skjótt, trygt og væl, segði Andras Jensen, sum umboðaði Strand­ ferðsluna við hátíðarhaldið. Enn er alt arbeiðið ikki liðugt, men í øllum førum er greitt, at tey ferðandi her hava fingið tær allar bestu umstøðurnar at sleppa umborð og í land. Nýggja farstøðin er slakar 170 fermetrar til støddar og hevur m.a. eitt bíðirúm til 45 fólk. Arbeiðið hevur kostað góðar 4,5 mió. kr. Eftir tørvi Hóast ein farstøð uppá 170 fermetrar kanska ikki tykist vera so stór, er kortini dentur lagdur á at gera hana so brúkiliga og kundavinarliga sum gjørligt. Á samkomuni seinnapartin í gjár varð upplýst, at hon er gjørd eftir tí tørvinum sum mettur er í dag. Men vísir tað seg, at tørv­ urin verður størri í framtíðini, so eru møguleikar at kunna útbyggja hana enn meiri. Upplýst varð, at hon er lagað soleiðis til, at eru t.d. 900 ferðandi við Smyrli, so fer at ganga ein hálvur tími frá tí tey fyrstu fara í land og til tann seinasta. Ferðaseðlar í landi Hjá teim ferðandi verður nú gjørligt at sleppa umborð á Smyril gjøgnum trappurnar. Men fyri tey sum eru illa gongd ella hava tungt viðføri ber til at nýta lyftina ístaðin. Í farstøðini fer eisini ein kunningardiskur at halda til, har tey ferðandi kunnu fáa avgreitt sínar mongu spurningar um ferð, ferðslu og annað viðvíkjandi ferða­ vinnuni í oynni. Ætlanin er somuleiðis, at fólk skulu kunna keypa ferðaseðlar sínar her, áðrenn farið verður umborð á Smyril. Júst hetta arbeiðið er ikki liðugt enn, men arbeitt verður við at finna eina loysn á hesum málinum eisini. Endamálið er stutt og greitt, at tá tey ferðandi eru komin umborð á Smyril skulu tey hava keypt ferðaseðlar sínar á farstøðini. Alt tekur tíð Hjá suðringum man henda nýggja farstøðin koma sum ein stórur lætti. Tað skiltist greitt á fólki seinnapartin í gjár, at ein loysn sum henda hevur manglað leingi. Men nú er ein so komin hetta stigið víðari. Arbeiðið við samferðslu­ havnini er kortini ikki liðugt enn. Ætlanin er at halda fram við menningini av hesi. Sum skilst, er skulu pakkhús somuleiðis byggjast á staðnum. Sum sagt varð: – Alt tekur tíð, men henda farstøðin er so avgjørt ein bati hjá fólki. Hjá Kunningarstovuni verður eisini talan um batnaðar umstøður. Ein diskur er gjørdur til hesa tænastuna, og tí er lítið at ivast í, at henda nýggja farstøðin fer at verða teim ferðandi til stóra hjálp. Bestu umstøður til tey ferðandi Ferðafólk á Suðuroyarleiðini Tøl yvir ferðafólk við Smyrli nakrar ávísar mánaðir. Vert er at leggja merki til, at nýggi Smyril varð settur í sigling í november mánaði 2005. Oktober 2003 2004 2005 12.535 12.908 10.108 November 2003 2004 2005 10.815 10.015 14.398 Desember 2003 2004 2005 10.608 10.018 13.503 Januar 2003 2004 2005 2006 8.420 8.891 10.317 12.035 (Kelda: Strandferðslan) FAKTA Ferðafólkini fegnast um nýggju farstøðina, og ikki minst um tað at tey nú sleppa undanat draga viðførið í land eftir bildekkinum Stjórin á Landsverki, Oyvindur Brimnes upplýsti, at gerst tað neyðugt, so kann nýggja farstøðan byggjast út vestureftir