hósdagur 9. mars 2006síða 2

2 Nr. 49 - 9. mars 2006 Børnini í Reynsstovu í barnagarðinum á Hamrinum á Argjum kunnu í løtuni kalla seg verulig lista­fólk. Sein­astu mán­aðarnar hava tey gjørt eina umfatandi lista­ verkæltan, ið kallast ‘Eg og vinir mínir’ LIST Lív Højsted Horsdal horsdal@sosialurin.fo Tey 19 børnini í Reyns­stovu hava síðan desembur mánað teknað, málað og klipt lista­verk í hópa­tali. Enda­ bresturin á verk­ætl­anini er í hesu vikuni, har listaverkini hjá børnunum verða sýnd fram í barnagarðinum. Endamálið við verkætl­ anini er við skapandi virk­ semi at geva børnunum av­bjóðingar og góða barlast við m.a. at menna hugflog, skapandi evni, sansir og rørslu­læru. – Børnini hava lært at greiða frá kenslum og hugs­ an­um. Í mestan mun hava tey mál­að seg sjálvan og familj­ una hjá sær. Tá tey málaðu seg, hugdu tey samstundis í spegil fyri at síggja, hvuss u tey veruliga síggja út. Síðan lærdu tey, hvuss u litirnir á klæðunum eita og at blanda røttu litirnar úr grundlitunum, sigur Malan Egilss on, ið dagliga arbeiðir í Reynss tovu. Tá børnini royndu at blanda litirnar saman, vóru viðmerkingarnar m.a.: ‘Waw, hetta er akkurát sum gandur’ og ‘Vit eru øll ymisk, men soleiðis síggi eg út’. Í samband við verkætl­ an­ina hava børnini verið í Lista­skálanum og sæð fram­ sýningina hjá Mikines. Á henda hátt hava tey somu­ leiðis fingið eina fatan av, hvat myndlist veruliga er. Í Reynss tovu lata starvs­ fólkini væl at verkætlanini, og børnini hava verið stak tolin og samstarvsfús: – Eini 10 aðrar barna­garðs­ stovur hava eisini verið og vitjað framsýningina. Og tá hava børnini sæð, at teirra listaverk eisini hava týdning og virðing fyri onnur, og hesum eru Reyns­ stovubørnini sera errin og bergtikin av. Fríggjadagin í seinastu viku høvdu børnini eina fernisering við pinnamati, víngløsum við súreplavíni o.ø., har familja, systkin, ommur og abbar komu og keyptu nøkur listaverk. Peng­arnir, ið komu inn, fara børn­ini í næstum at brúka í býnum, tá tey fara út at eta og bowla: – Vit hava ikki talt pengar­ nar enn, men hava fingið nóg mikið, leggur Malan Erlingss on at enda afturat. Sonn listafólk Forvitnisliga framsýningin hongur uppi í barnagarðinum í dag afturat Í barnagarðsstovuni hava børnini síðan desember mánað teknað, málað og klipt listaverk í hópatali Tá børnini málaðu seg sjálvan, hugdu tey samstundis í spegil fyri at síggja, hvussu tey veruliga síggja út Eins og verulig listafólk, hava listaverkini hjá børnunum í Reynsstovu verið til sølu