mikudagur 15. mars 2006síða 30

Herfyri víðkaði bowlinghøllin á Hálsi um virksemi hjá sær. Fýra nýggjar breytir eru komnir, og harafturat er ein snotulig og dygdargóð matstova latin upp í víðkaðu hølunum Býarlív Terji Nielsen terji@sosialurin.fo Síðani bowlinghøllin á Hálsi lat upp fyri nøkrum árum síðani, er áhug­in fyri hesi ítróttargrein vaksin mun­andi her á landi. Bowlinghøllin byrj­aði við seks breytum, men nú eru fýra gjørdar afturat, soleiðis at tær nú eru tíggju í tali. Somuleiðis hava eigararnir latið upp eina snotu­ liga matstovu í høllini, og tað gevur nógv­ar nýggjar møguleikar. Familjuvinarligt Tey, sum ferðast nógv í Danmark, kenna ivaleyst væl donsku mat­ stovu­ketuna Jensen Bøfhus, og tað er ikki frítt, at nýggja matstovan á Hálsi líkist hesum matstovunum. Eyð­kenni fyri hesar matstovur er, at matarlepin fyrst og fremst bjóð­ar búffar og eitt stórt salatborð, sam­ stund­is sum at nógv verður gjørt fyri børnini og harvið familjurnar. So­leiðis er eisini í Hat-trick, sum nýggja matstovan í bowlinghøllini eitur. Hølini eru spildurnýggj, og nógv er gjørt burturúr at fáa tey so hugna­lig sum gjørligt. Tað sæst eisini týðuligani, at tað hev­ur verið hugsað um børnini, tá ið matstovan er gjørd. Beint inn frá sjálvari matstovuni er nevnliga gjørt eitt serligt barnarúm. Í hesum rúmi er ein sjónvarpsskíggi, har teknifilmar eru at síggja, og har­ umframt eru nógv ymisk sløg av lego annað, ið børnini kunnu spæla við, meðan foreldrini hugna sær við einum betri bita. Tað tykist eis­ini sum um, at eigararnir hava lagt stóran dent á at ljóðbjálva spæli­ rúm­ið, so at møguligur larmur frá spæl­andi børnum ikki skal órógva gest­irnar í matstovuni. Nýggir møguleikar Eigararnir av Bowlinghøllini og mat­ stovuni Hat-trick eru ikki í iva um, at nýggja matstovan í bowlinghøllini gev­ur teimum heilt nýggjar møgu­ leik­ar. Nú ber til dømis til at bjóða við­skiftafólkunum eina pakkaloysn við bowling og einum betri bita í sam­bandi við eitt nú føðingardagar, pol­terabend og líknandi. Matarlepin hjá Hat-trick er so mik­ ið fjølbroytt, at tað er okkurt til øll, og eigararnir hava eisini lagt stóran dent á, at góðskan skal verða góð. Matstovan er ikki bert opin um kvøldarnar, tí eisini á miðdegi eru serlig døgurðatilboð at fáa. Utt­anlands eru matstovur, ið eru upp­bygdar á sama hátt sum nýggja mat­stovan á Hálsi, ógvuliga væl um­tóktar, og eigararnir av Hat-trick vóna eisini, at tað sama fer at verða gald­andi í Føroyum. Umframt nýggju matstovuna er eisini ein ítróttarkafé komin í bow­linghøllini. Kaféin hevur fingið navn­ið Kafé Hat-trick, og har verða ítróttarhendingar vístar á stór­skíggja, soleiðis sum vit eisini kenna tað aðrastaðnis frá. í B ý i n Nýggj hugnalig matstova Nýggja matstovan er ógvuliga snotulig, og nógv er gjørt burtur úr bæði innbúgvi og innrættan. Mynd: Jens Kr. Vang Enn er ikki verulig gongd komin á ítróttarkaféina, men hølini eru liðug, og pláss er fyri nógvum fólk til eitt nú Champions League dystir á stórskíggja. Mynd: Jens Kr. Vang