hósdagur 23. mars 2006síða 3

Nr. 59 - 23. mars 2006  [2] Hvussu man gangast í Japan? Nógv gjørdust ov sein, tá Føroya Banki fyrr í ár beyð viðskiftafólkum at gera íløgur fyri 100 milliónir krónur í lánsbræv við trygd ímóti at missa ílagda peningin. Men nú kunnu íleggjarar aftur halda seg framat í Føroya Banka. Frá 20. mars til 7. apríl 2006 ber til at gera íløgur í nýtt lánsbræv, sum fylgir gongdini á japanska partabræva- marknaðinum. Íleggjarar fáa við vissu 1% í rentu um árið. Í mesta lagi kann rentan gerast heili 30% árliga í fimm ára gildistíðini. Kommuninvest í Svøríki útgevur nýggja lánsbrævið, og Føroya Banki samstarvar við Nordea um útgávuna. Teknast kunnu 200 milliónir krónur hesaferð. Vilt tú vita meira um nýggja lánsbrævið, set teg so í samband við íløguráðgevarar bankans. Atlantic Airways hev­ ur gjørt leigu­avtalu um eitt BA 146-200 flogfar. Magni Arge, stjóri, sigur, at við fimm flogførunum í støðugari flúgving, er tørvur á at hava eitt eyka flogfar at taka til Flogferðsla Jákup Mørk jakup@sosialurin.fo – Hetta flogfarið er fyrst og fremst roknað sum eitt back- up hjá okkum. Flúgvingin hjá okkum kemur í summar at fevna um fimm flogfør, og tí er neyðugt at hava ta trygd, sum eitt eyka flogfar kann geva okkum. Bæði at seta inn, um talan verður um seinkanir ella avlýsingar. Og sjálvandi eisini, um okkurt av hinum flogførunum ikki er tøkt av einhvørjari orsøk. Soleiðis sigur Magni Arge, stjóri í Atlantic Airways, nú felagið hevur gjørt avtalu um at leiga eitt flogfar í summarhálvuni. Við hesum telur flotin hjá føroyska flogfelagnum nú seks flogfør. Eins og við hinum fimm, so er talan um eitt flogfar av slagnum, British Aerospace. Flogfarið, sum í løtuni stendur á Prince Edward Island, er 20 ára gamalt. Í løtuni verður flogfarið málað og riggað til í aðrar mátar, og síðani verður kósin sett móti flogvøllinum í Vágum. Sætta flogfarið í flotan Atlantic Airways fær nú sætta flogfarið í flotan. Leiguavtala er gjørd um enn eitt BA 146-200 flogfar Mánadagin 27. mars 06 kl. 16 letur upp ein serlig framsýning í skúlastovuni á Føroya Forn­minn­ is­savni undir heit­ in­um »... tað var jóm­f­rú Maria ... eitt dømi um samstarv millum skúla og fornminnissavn« Framsýning tíðindaskriv Í januar mánaði arbeiddu næmingar í 1., 2. og 3. flokki í Velbastaðar skúla við evninum “miðøldini”. Ein partur av arbeiðnum fataði um kirkjubøstólarnar, og í tí sambandi vitjaðu næm­ingarnir tríggjar ferð­ ir á framsýningini hjá forn­minnissavninum. Teir fingu frágreiðing um gripir úr miðøld og serliga varð hugt at kirkjubøstólunum. Hvør næmingur valdi sær sín kirkjubøstól fyrst at tekna og síðan at gera stóran málning burtur úr. Næmingarnir løgdu stóra orku og neyvleika í hetta verkætlanararbeiði, og úr­slitini vórðu eisini har eftir. Heitið á serfram­sýn­ ing­ini, ... tað var jómfrú Maria ... er fyrsta regla úr eini Mariuvísu, sum næm­i­ngarnir sungu, tá ið kvøldseta var í kirkjuni í Kirkjubø á kyndilsmessu, meðan hesar vøkru mynd­ irnar prýddu kirkjuna. Framsýningin er úrslit av samstarvi millum Vel­ba­staðar skúla og skúla­tænastuna á Føroya Fornminnissavni og fatar um 15 stórar málningar av kirkjubøstólunum, sum næmingarnir hava málað upp á brúnt pappír í stórari stødd (uml. 60x120 cm). Eisini verða frágreiðingar um mannagongdina í verk­ ætl­anararbeiðnum, upp­ lest­ur, tær miðaldarligu lykt­irnar, og ljósmyndir frá arbeiðnum, tilgongdini og myndagerðini verða sýndar á stóra løriftsskuggan. Næmingar sýna fornminni