mánadagur 3. apríl 2006síða 2

2 Nr. 66 - 3. apríl 2006 Vikuskiftið hevur verið friðarligt, sigur løgreglan, men hóast hetta er listin langur yvir hendingar, har løgreglan er boðsend: Rúsdrekkakoyring í Suðuroynni og Vest­ manna, motorsúkkla útav og útflýgjan av tablettum er nakað av tí, ið løgreglan hevur at arbeiða við Løgreglutíðindi Dagfinn Olsen dagfinn@sosialurin.fo Vakthavandi á politistøðini sigur seg ikki hava nakað yvir tað vanliga, tá hann skal greiða frá vikuskiftinum, men tó er listin langur. Her er nakað av tí, ið løgeglan hevur at arbeiða við eftir vikuskiftið: Fríggjakvøldið hendi her­verk í Havn og smærri ferðsluóhapp vóru í J. C. Svabosgøtu í Havn, í Runa­ vík, í Vágum og millum Vest­ mann og Kvívík koyrdi ein 111 km. um tíman og missir koyrikortið við treytaðum dómi. Við Áir fór ein motor­ súkkla útav og mað­ur­in fekk álvarsligan skaða. Hann endaði á Lands­sjúkra­hús­ inum og er nú sendur niður til Danmarkar til kanningar í beinum og ryggi, men hann er ikki í lívsvanda. Blóðroynd er tikin av manninum. Annars eru smálutir á list­anum hjá løgregluni, so sum fullir menn, ið gera eitt sindur um seg, prutl til ampa í Sumba og í Guttormsgøtu í Havn kom eldur í eina grytu, men stórvegis meira hendi ikki. Leygardagin Á morgni varð boðað frá minni ferðasluóhapi í Klaks­ vík og í Havn var sagt frá eitt sindur av fullamannalótum í býnum og ein maður spark­ aði ein hýruvogn og varð tikin á støðina. Ein maður, ið ikki var rús­ aður, varð tveittur út av dansi­ stað, tí hann varð mettur at vera ómøgu­ligur. Løg­reglan tók mannin og okk­urt hevur eftir øllum at døma verið um meting­ar­nar hjá durða­ vørunum, tí hann er nú ákærdur fyri ólag í almenn­ um reglulag, sum tað eitur. Leygardagin varð boðað frá gróti á Tjørnuvíkarvegnum og varð hetta burturbeint. Um dagin komu fólk á politi­støðina í Havn við tablett­um, sum tey høvdu fingið frá einum útlendingi náttina fyri á einum dansistað í Havn. Løgreglan kannar málið og ávarar ímóti at taka ímóti slíkum, tí ein veit ikki hvat slag slíkt kann vera. Klokkan 4 sunnunáttina varð ein bilførari tikin við kenning í Vági. Klokkan 9 sunnumorgun tók løgreglan ein á støðina, ið lá og svav við Vesturkirkjuna í Havn. Klokkan 15 sunnudagin tók løgreglan ein bilførara við kenning í Vestmanna. Arbeiðseftirlitið gjørdi eina óhugna­ liga uppdaging á Eystaru bryggju í Havn fríggjadagin, visti ÚF at siga Spreingievni Dagfinn Olsen dagfinn@sosialurin.fo Í eini bingju mitt á havnar­ lagnum fann eftirlitið 16 tons av spreingievni, sum hevur staðið á havnarlagnum í tveir mánaðir. Hetta er bein­leiðis brot á reglunar um innflutning og goymslu av spreingievni, sum siga at spreingievni skulu goymast á góðkendari goymslu langt burtur frá fólki og bygdum øki. Bingjan við teimum 16 tonsunum av spreingievnum stendur nú á tryggum stað á Glyvursnesi, men sambært stjóran á Arbeiðseftirlitinum kundi hetta fingið álvarsamar avleiðingar. – Um hesi spreingi­evnini fóru í luftina, so var eingin Havn longur, sigur Karl Joensen. Sambært reglurnar eig­ur spreingievnið at verða flutt burtur, so skjótt tað kemur til landið. Og tað eig­ur síðani at vera goymt á serligari goymslu, sum Ar­beiðs­eftir­ litið hevur góðkent. Tað var ein innflytari, sum átti spreingievnið, sum varð flutt til landið við Skipafelagnum. Arbeiðseftirlitið fekk meira ella minni av tilvild eitt tipp um bingjuna við tí vanda­ mikla innihaldinum, og eftir­litsfólk fóru beinanvegis á stgaðið, samstundis sum málið varð lagt fyri politiið, visti Útvarpið at siga fríggja­ dagin. Ferðsla Dagfinn Olsen dagfinn@sosialurin.fo Fríggjadagin hendi eitt minni ferðsluóhapp í Vágunum, men stórur persónsskaði stóðst ikki av óhappinum. Talan var um ein eldri mann, ið varð ákoyrdur av einum persónbili. Lækni og sjúkrabilur komu á staðið, men løgreglan sigur, at talan var um smásnuddir. Óhappi hendi við Missi­ ónshúsið í Sørvági. Vikuskiftið friðarligt hóast nógv var at gera hjá løgregluni Bingja funnin á Eystaru bryggju við 16 tonsum av spreingievni Ferðsluóhapp í Vágum