týsdagur 4. apríl 2006síða 5

Nr. 67 - 4. apríl 2006 5 Norðoyingar vænta nógva ferðslu nú tunnilin undir Leirvíksfjørð letur upp. Hvannasunds kommuna fyrireika seg eisini. Ferðsla Orð/mynd: Snorri Brend snorri@sosialurin.fo Múli: Tað er sjáldan at nýggj tíðindi frættast úr Múla. Men tey sum í hesum døgum koyra teir sjey km. úr Norðdepli norður til Múla, síggja at her er broyting hend síðani seinast. Nærhendis teimum fáu sethúsunum í bygdini er nevniliga gjørt eitt parkeringspláss, sum kann rúma fleiri bilum. Óvist er, um tað er roynt til fulnar enn. Mett verður tó, at einir 6 til 7 bilar kunnu standa parkeraðir her. Nógv ferðsla Tað er Hvannasunds kommuna sum hevur staðið fyri hesum arbeiðinum. Júst Poulsen, borgarstjóri í kommununi sigur, at hetta verður gjørt í sambandi við upplatingina av Norðoyatunlinum. – Vit vænta nógva ferðslu norðureftir, og helst fara nógv eisini at koyra norður til Múla, sigur hann við Sosialin. Sum støðan er í dag ber væl til at koyra hagar. Tann fyrsti parturin av vegnum er góður og væl asfalteraður í støðum. Tá ein nærkast bygdini smalkar vegurin kortini so mikið, at her kunnu bilar ikki møtast. Út frá hesum hevur ein mett, at tørvur var á einum parkeringsøki í Múla, sum er partur av Hvannasunds kommunu. Møguleiki skal sjálvandi eisini verða hjá bilunum at kunna venda inni í sjálvari bygdini. Tað var Sjúrður Joensen av Viðareiði og hansara menn sum hava gjørt hetta snøgga arbeiðið. Arbeiðið er liðugt. Sjey bilar rúmast í Múla Serstakt møti og framsýning Nýggjan sløkkiliðsbil til økt tunnilskrøv Ætla at endurbyggja ungmannafelagshúsið Keldan, Skálafjørður: Komandi sunnukvøld verður enn eitt forvitnisligt møti í samkomuni. Limirnir í samkomuni hava hesar seinastu tíðina havt eina serstaka 40 daga ráðstevnu við heitinum “Eitt málrættað lív”. Tey eru nú farin at nærkast endanum á hesi ráðstevnuni, og sunnudagurin komandi verður tann næstseinasti sunnudagurin. Til hetta møtið er evnið tænastur og her serliga tænasturnar í samkomuni um tænastur. Í hesum sambandi verða settir upp 22 básar í kafeteri’uni í bygninginum sum ein kreativa framsýning av øllum tænastunum, sum longu nú eru í samkomuni. Eftir møtið sunnudagin tá talan er liðug verður høvið at síggja hesa framsýning, har ein fær eitt yvirblikk av breiddini í samkomuarbeiðinum hjá Kelduni. – Her kunna folk so ganga runt, hyggja og seta fram spurningar. Og kanska onkur verður vaktur upp at luttaka í onkrari tænastu, sum ein brennur fyri, sigur Pauli Høj, samkomuleiðari. Henda framsýningin kemur at standa uppi til næsta vikuskifti. sb. Leirvík: Nú Norð- oyatunnilin letur upp í næstum, setur tað samstundis økt krøv til kommununa. Leirvíkar kommuna hevur tí samtykt at keypa ein nýggjan sløkkiliðsbil, fyri at lúka brunakrøvini. Nýggi sløkkiliðsbilurin og útgerðin til hann kostar 1,7 mió. kr. Hann er av slagnum MAN og er keyptur frá sp/f Kjartan Simonsen. Samstundis hevur kommunar játtað pening til at gera aðrar íløgur í sløkkiliðið í bygdini. sb. Mykises: Hóast talið av íbúgvum í Mykinesi ikki er tað størsta í løtuni, so hevur tað kortini ikki tikið dirvið frá fólki. Á fundi í Sørvágs kommunu í farnu viku var nevniliga eitt mál til viðgerðar frá ungmannafelagnum “Súlan” í Mykinesi. Felagið søkti um stuðul frá kommununi til tess at endurbyggja ungmannafelagshúsið í bygdini. Eingin støða varð kortini tikin til hesa umsóknina, tí fíggjarnevndin hjá Sørvágs kommunu mælti til at beina málið aftur í trivnaðarnevndina. Og tað varð so samtykt av bygdaráðnum. sb. Ætlanir eru nú frammi um at endurbyggja ungmannafelagshúsið í Mykinesi – Vit vilja gera alt fyri at ferðslan skal kunna ganga lætt gjøgnum tunlarnar á Borðoynni, sigur Oyvindur Brimnes, stjóri á Landsverki. Ferðsla Snorri Brend snorri@sosialurin.fo Borðoy: Nógv er hent innan føroyska ferðslu, síðani teir báðir tunlarnir á Borðoynni vórðu skotnir ígjøgnum fyri 40 árum síðani. Nú stendur ein nýggj avbjóðing fyri teimum við teirri nýggju og øktu ferðsluni, tí bert 25 dagar eru eftir til Norðoyatunnilin letur upp. Eitt er, at fólk í Klaksvík vænta nógva ferðslu har. Men fólk norðanfyri vænta eisini at ein stórur partur av hesi ferðsluni fer at koma tann vegin. Hinvegin vita tey eisini, at ein sonevndur fløskuhálsur er á leiðini hagar – teir báðir tunlarnir á Borðoynni. Spurningurin er, um hesir báðir einsporaðu tunlarnir kunnu svølgja allari ferðsluni sum fer at ganga báðar vegir. Fólkið óttast fyri, at ferðslu- proppar fara at sermerkja gjøgnumkoyringina hjá teimum, sum ætla sær norðureftir og hjá teimum sum ætla sær aftur til Klaksvíkar, kanska á fyrsta sinni. Hetta vita teir hjá Landsverki eisini, og tí hava teir í eina tíð fyrireikað seg til hetta. – Vit ætla okkum at seta skeltir upp fyri at upplýsa bilførarar um, hvussu ein á bestan hátt kann koyra gjøgnum hesar tunlarnar, sigur Oyvindur Brimnes. Fjarstøða neyðug Tað hava verið ymisk uppskot frammi um, hvussu ein kann leiða ferðsluna gjøgnum tunlarnar á bestan hátt. Eitt uppskot kom frá Hvannasunds kommunu, sum skjeyt upp at seta ljósreguleringar upp á báðum síðum. Hetta uppskotið vann tó ikki frama hjá Landsverki, tí teir í fyrstu syftu væntaðu, at bíðitíðin kundi blíva ov long – kanska upp í hálvan tíma hvørjumegin. Hinvegin so vístu teir eisini á, at júst hetta við ljósreguleringini kundi fáa ávirkan á ferðslutrygdina: Bilførarar kunnu koma at taka óneyðugar kjansir í tunlunum og koyra alt ov skjótt. Landsverk ætlar tí ístaðin at seta skeltir upp, har kunnað verður um koyring í tunlunum. – Her fara vit serliga at leggja dent á týdningin av at halda fjarstøðu til bilin frammanfyri í tunlinum, sigur hann. Á henda hátt verður pláss fyri bilunum á møtiplássunum í tunlunum. Soleiðis kann ein í størst møguligan mun sleppa undan ferðsluproppum. Slíkir ferðsluproppar hava verið áður, m.a. í samband við grindadráp í Hvannasundi. Men vónað verður, at ein við skeltingini og kunningini kann sleppa undan hesum. Kemur proppur í, er tað uppgávan hjá løgregluni at fáa ferðsluna á glið aftur. Keldan í Skálafirði skipar fyri serstøkum møti og framsýning komandi sunnukvøld Enn er parkeringsplássið í Múla ikki roynt til fulnar. Her verður tað í øllum førum roynt av Stavni Stórar avbjóðingar vænta smáu tunlunum – Ferðslan skal fáast at ganga væl gjøgnum borðoya-tunlarnar, sigur Oyvindur Brimnes