fríggjadagur 7. apríl 2006síða 45

Nr. 70 - 7. apríl 2006 45 Tórshavnar kommuna Samanbygd hús í Hoyvíkshaganum – verkætlan at fullføra Tórshavnar kommuna lýsir við hesum part av matr. nr. 135fe, Hoyvík, alment til sølu. Um ognina Ognin, ið er partur av útstykkingini Hoyvíkshagin Suður, er býtt í 10 lonir, hvør lonin við millum 2 og 6 húsum. Talan er um tilsamans 43/45 samanbygd hús í 4 ymiskum sniðum við tilhoyrandi úthúsi. Lendisarbeiði og sokklar eru gjørd til øll húsini. Lendið liggur sambært almennu byggisamtyktini í A3-øki í 3. grundumráði, og sambært kap. 4, § 7, í byggisamtyktini er heildarætlan gjørd fyri byggingina í økinum. Søluprísur Ognin verður seld undir einum. Søluprísurin er settur til kr. 18.000.000,-. Sølutreytir annars Tá kommunan miðar móti at útvega borgarunum dygdargóðar bústaðir fyri ein bíligan kostnað, verður ognin seld tí keypara, ið umframt at bjóða ásetta prísin, sí omanfyri, eisini hevur lægsta søluprís at selja víðari. Projekt er gjørt fyri ein part av byggiætlanini, og keyparin skal lata gera projekt fyri restina av byggiætlanini samsvarandi hesum projektinum. Keyparin skal binda seg til at selja lidnu húsini víðari til tann prísin, ið tilboðið til kommununa er grundað á. Byggingin skal byrja innan 1 ár frá tí degi, at sáttmáli er undirskrivaður millum keypara og seljara, og øll bygging skal verða liðug innan 3 ár. Keyparin skal saman við tilboðnum lata kommununi útgreinaða tíðarætlan, har víst verður, nær einstøku húsini ætlandi verða liðug. Samanbygdu húsini kunnu bara verða seld persónum, ið standa á bíðilista hjá Tórshavnar kommunu. Innkomin tilboð Tilboð saman við útgreinaðari tíðarætlan skulu sendast kommununi í afturlatnum brævbjálva, merktur »Samanbygd hús í Hoyvíkshaganum Suður«, og verða hesi hildin í trúnaði, til avgerð er tikin í málinum. Kommunan hevur ikki skyldu at selja ognina, og tí verður gjørt vart við, at kommunan skilar sær rætt til frítt at velja millum innkomnu tilboðini ella einki at velja. Útboðstilfar og spurningar Útboðstilfar, ið nágreiniliga sýnir verkætlanina og krøvini til einstøku húsini, fæst við at venda sær til snarskivuna frá 18. apríl 2006. Fyri tilfarið verður goldið kr. 1.000,-. Eru spurningar til søluna og projektið, kunnu tilboðsgevarar venda sær til Tórshavnar kommunu ella Arkitektar 99. Freist Keypstilboð skulu vera kommununi í hendi í seinasta lagi 29. mai 2006 kl. 12.00. Alment útboð