mánadagur 29. mai 2006síða 35

Nr. 101 - 29. mai 2006 41 Puntur nr. 1 Á Atlantic Airways ivaðust tey ikki í valinum, tá ein eyka støð skuldi leggjast afturat Billund í flúgvingini til Jútlands Flogferðsla Jákup Mørk jakup@sosialurin.fo Ikki færri enn 11 ferðir um vikuna flýgur Atlantic Airways í summar til Jútland. Rutan til Billund telur nú níggju fráferðir um vikuna, og hartil er flúgvingin til Aalborg nú víðkað, soleiðis at flogið verður tvær ferðir um vik­ una til býin. Aalborg flúgvingin varð eisini roynd í fjør, og marknaðarstjórin hjá flog­ felagnum, Kent L. Christ­ ensen, sigur eisini, at talan var um eitt ógvuliga tilvitað val, sum tá varð gjørt. – Fyrst og fremst, so hevur Aalborg eitt rættiliga stórt uppland av føroyingum, og tí var tað sera nærliggjandi, at rutunetið varð víðkað. Hartil, so høvdu vit tann positiva trupulleika, at kapasi­teturin á Billund-rut­ uni var ov lítil, og tí var neyð­ugt við nýggjari rutu. – Hugsar tú so eisini um ferðavinnuna, so liggur Aal­­ borg sera væl fyri. Norð­­­ur­ jútland hevur hópin av frítíð­ ar­støðum, sum før­­­oy­­­ing­­ar vanliga vitja, og í so máta er hendan rutan hampuliga uppløgd. Og hetta er eisini orsøkin til, at vit hava leygardag sum fastan flúgvidag til býin. Hetta er sonevndi skiftidagurin á flestu frítíðarstøðunum, og tí er tað best, um flúgvingin er í samsvar við hetta, sigur Kent. – Hartil, so liggur eisini væl fyri, at keypa sonevndar flúgv/sigl pakkar, tá vit hava Aalborg sum støð. Teinurin upp til Hanstholm er ikki tann heilt stóri, og tí kunnu vit og Smyril Line í stóran mun supplera hvønn annan á hesum økinum. Væl móttikin Spurdur, hvussu móttøkan av nýggju rutuni hevur ver­ ið millum manna, er Kent skjótur at svara, at hon hevur verið framúr. – Sjálvur hevði eg ikki ímyndað mær, at so nógv fólk longu nú gjørdu nýtslu av rutuni. Hetta er jú bara næsta árið, at flogið verður á rutuni, og tí er tað sera hugaligt at staðfesta, hvussu góð undirtøkan hev­ ur verið. Er hon somikið góð, at tit eisini umhugsa at flúgva fast upp á Aalborg um vet­ urin? – Tað er nokk dekan ov tíðliga at siga. Flúgvingin hjá okkum til Jútlands er ógvu­liga nær tengd at ferða­vinnuni. Um veturin hava vit bara tvær ferðir til Billund um vikuna, meðan hetta um summarið er níggju – umframt tær báðar ferðirnar til Aalborg. So í verandi løtu vil eg ikki siga, at talan verður um fasta flúgving. 9 Marknaðarstjórin á Atlantic Airways tykist ovurfegin um góðu undirtøkuna, sum rutan til Aalborg longu nú hevur fingið Ein sentralur partur av Norðurjútlandi