mikudagur 31. mai 2006síða 27

Nr. 103 - 31. mai 2006 25 Puntur nr. 3 Lalandia er størsti frítíðardepilin í Dan­ mark, og væl­umtókta feriustaðið bjóðar alt frá baðilandi, ítrótti og matstøðum til undirhald, spælipláss og handlar. Tíðin rýkur avstað í tí familjuvinarliga feriustaðnum har suðuri í Danmark Túsundatals fólk vitja á hvørj­um ári feriustaðið La­landia, sum liggur við Rødby har suðuri í Dan­ mark. Lalandia bjóðar eina ørgrynnu av ymsum aktivi­ tetum, og hugnaliga og inn­ bjóðandi umhvørvi hevur gjørt Lalandia til eitt tað best umtókta feriustaðið av sínum slagi í Norðurlondum. Tað var í 1980’unum, at arbeiðstakarin Ejnar Jen­sen fekk hugskotið at byggja Lalandia, og eftir miðvíst arbeiði í fleiri ár, lat Lalandia upp í desember mánaði 1988. Síðani er nógv hent í Lalandia. Útbyggingar hava verið fleiri ferðir, og ikki minst seinastu árini er nógv gjørt fyri at betra og menna feriustaðið. Nú liggja 25.000 fermetrar av Lalandia undir taki, og tað er næstan óhoyrt í einum slíkum feriustaði. Matstøð, handlar, gongugøtur, ítróttar­ fasilitetir, aktivitetir til børnini og mangt annað er innandura, og eingin klárar at keða seg í Lalandia. Har er nakað at gera fyri øll, um umstøðurnar eru sum heild av teimum allarbestu. Baðilandið dregur Eitt tað besta agnið hjá Lalandia er tað ovurhonds stora baðilandið, sum er eitt slag miðdepli í feriu­ staðnum. Baðilandið er 7.400 fermetrar til stødd­ar, og har eru alskyns svimji­ hyljar, spa-baðikør, sauna, skeiðibreytir og annað at royna. Baðilandið í Lalandia verð­ur roknað sum besta baðilandið í Danmark, og tað er ikki av ongum. Nógv er gjørt við fasilitetirnar, og har er rúmligt, hóast tað kunnu verða upp í 1500 fólk inni samstundis. Vatnið í baðilandinum er 28 hitastig, og luftin er 30 stig. Her er tí talan um rættiligt tropiskt hitalag. Tað eru ikki minst tær fýra skreiðibreytirnar í baði­ landinum, sum veruliga lokka fólk til baðilandið. Skreiði­breyt­irnar eru upp í hundrað metrar til longdar, og tað er framúr stuttligt upplivilsi at lata seg skreiða avstað við nógvari ferð og enda úti í einum hylja eina góða løtu seinni. Fyri tey, sum búgva á Lalandia, er baðilandið ókeypis at brúka, og eingin keðir seg í baðilandinum, hóast tað verður vitjað í nakrar tímar um dagin. Feriuparadís í Lalandia Vatnið í baðilandinum er 28 hitastig, og luftin er 30 stig. Tað er tí talan um rættiligt tropiskt hitalag í tí risastóra baðilandinum í Lalandia