hósdagur 1. juni 2006síða 27

Nr. 104 • hósdagur • 1. juni 2006 • 80. árgangur • www.sosialurin.fo HB fingið nýggjan dóm Kappingarnevndin hjá FSF hevur nú sjálv tikið støðu í málinum um spæliloyvið hjá Páll Mohr Joensen. Niðurstøðan er, at HB skal koyrast úr steypakappingini. Hetta var eisini niður­ støðan hjá aðalnevndini hjá FSF, sum tók støðu í málinum fyri nøkr­um vikum síðani. Dóms­ nevndin hjá FSF staðfesti tó, at aðalnevndin kundi ikki taka slíka avgerð, tað skuldi kappingarnevndin gera, og tí var dómurin ógildaður. Tað fekk Kapping­ ar­nevndina hjá FSF at taka málið upp av nýggj­um, og eftir eina nýggja viðgerð, har HB eisini hevur latið nýggja frágreiðing um máli, hevur nevndin nú sjálv tikið eina avgerð. Avgerðin er, at HB skal tapa dystin ímóti VB/Sumba, tí felagið brúkti ein spælara uttan neyð­ugt spæliloyvi. Tí skal VB/Sumba víð­ari í kappingini um Løg­ manssteypið og skal spæla fjórðingsfinalu ímóti EB/Streymi. Vinn­ arin av hesum dysti skal spæla hálvfinalu ímóti B36. HB ætlar særat royna málið enn einaferð í dóms­nevndini hjá FSF. Súni hevur fingið frí Súni Olsen er ikki við í hópinum hjá AaB, sum í kvøld skal spæla hálv­finalu í Viasat Cup. Dysturin verður spældur ímóti Esbjerg á útivølli, og nógvir av spælarunum frá 1. liðshópinum hjá AaB hava fingið frí til dystin. Tí er pláss blivin fyri heili seks spælarum, sum vanliga hoyra til 2. liðshópin hjá felagnum. Súni Olsen er ein av teim­um, sum hevur spælt nógv í Viasat Cup sein­astu vikurnar, og han hevur skorað tvey mál fyri AaB. Nú er hann ikki millum teir 15 spælararnar, sum spæla fyrru hálvfinaluna í kvøld. Sambært heimasíðuni hjá AaB verða nógvir spælarar hvíldir, tí teir hava minni skaðar. Seinna hálv­final­ an verðu spæld í Aalborg sunnudagin, og seinni fæst at vita, um Súni Olsen verður klárur til tann dystin. Stutt sagt Skúlatelvingin blómar Tað hevur gingið strúkandi við kappingini í skúlatelving higartil. Tvær innleiðandi kappingar hava verið, og báður ferðirnar hava 100 skúlabørn tikið lut. Talvsambandið fegnast um stóru undirtøkuna fyri kappingini Skúlatelving Eyðun Klakstein eydun@sosialurin.fo Tað hevur gingið sera væl við teimum báðum inn­ leiðandi kappingnum í skúlatelving fyri lið. Seinna innleiðandi kappingin var Kristi Himmalferðardag í Klaksvík, og aftur hesaferð vóru umleið 100 skúlabørn við í kappingini. Klaksvíkar Talvfelag skip­aði fyri enn einari sera væl úr hondum greiddari kapp­ing, og telvað verð­ur um FM-heitið fyri skúla­ næmingar í 5. flokki og eldri og 4. flokki og yngri. Liðini eru mannað við 4 telvarum, umframt við upp til 2 skiftistelvarum á hvørjum liði. – 20 lið møttu til kapp­ ing­ina, og tað vil siga, at aftur hesuferð vóru um­leið 100 talvungdómar savnaðir til talvkapping, og tað er sera hugaligt, sigur Talvsambandið, ið fegnast um stóru undirtøkuna fyri talvkappingini. Finalan í skúlatelvingini verður telvað í Skopun 2. Hvítusunnudag kl. 12.30. Finalan er søgulig, tí FM finala í talvi – ella FM talv­ kapping yvirhøvur – ikki hevur verið telvd á Sand­ oynni áður. Í finaluni verða liðini, sum luttikið hava innleiðandi, býtt upp í ein FM bólk og ein Opnan bólk. Lið sum ikki hava luttikið í innleiðandi kappingunum, eru somuleiðis vælkomin at luttaka í opna bólkinum. Seinasta freist at melda luttøku til finaluna er leyg­ arkvøld 3. juni. Eldri bólkurin Í bólkinum 5. flokkur og eldri, gjørdi Havnin aftur hesuferð bart – tey vunnu allar dystir – og taptu bert 2 talv av 24 møguligum. Ilt er at fáa eyga á møguleikanum fyri, at nakað av hinum lið­ unum skala teir í finaluni. Klaksvíkin sýnist eisini at hava sett seg á 2. plássið, tó í harðari kapping við Sandavág. Rókur hevur hug at blanda seg uppí stríðið um plaseringarnar, tó uttan av álvara at hava hótt hini liðini higartil. Roynda havnarliðið var aftur hesuferð mannað við: Hjalta Toftum Jógvansson, Margar Berg, Heiðriki Tind­ skarð Jacobsen og Jaspur Enghamar. Bronsuvinnararnir úr Sanda­vági høvdu forfall á liðnum og tískil varð neyðugt at læna ein av teim yngru telvarunum upp í eldra bólkin. Hetta darv­aði ikki úrtøkuna – heldur tvørturímóti. Høgni Egilstoft Nielsen, sum gongur í 2. flokki, tapti eittans talvið á 4. borði í eldra bólkinum – eitt talv hann enntá átti vunnið. Yngri bólkurin Rættiliga stórur spenningur er í yngra bólkinum og FM stríðið sýnist víðopið. Lagt er upp til eina sera spennandi FM-uppgerð, har Klaksvík, Havnin, Rókur, Skopun og Sandavágur hava gjørt um seg higartil. Og onnur lið liggja somuleiðis framvið. Sandavágur, sum vann fyrru undankappingina, var helst eitt sindur skert í 2. undankappingini, nú Høgni telvdi við teim eldru. Fleiri eftirrokningar skuldu til, til tess at finna vinnaran og tá avtornaði hevði Klaksvík eitt (1) vunnið talv meira enn Havnin og sum gjørdist avgerandi, tá liðini vóru jøvn í dystarstigum. Havnin hevði styrkt um liðið hesuferð við Sáru og Eydnu, sum luttóku í kapping fyri fyrstu ferð. Hesar báðar gjørdu rættiliga um seg – her er nógv at byggja víðari á – og saman við Rúna Jacobsen og Dánjal Hansen, er Havnin eisini hjá teim yngru, komin við í FM-stríðið. Skopuningar gjørdust aftur hesuferð júst ov stuttir og spennandi verður, um teir á heimavølli gera ein seinasta vørr í finaluni og røkka einari plasering. Vinnandi Klaksvíksliðið var aftur hesuferð manna við Gregersen-brøðrunum Einar, Heðin og Julian og (systkinabarninum) Una Gregesen. 5. flokkur og eldri – seinna innleiðandi kapping D-stig V-talv 1. Havnin 18 22 2. Klaksvík 15 19 3. Sandavágur 11 14 4. Rókur 7 8 5. Vestmanna 5 9 Kollafjørður fekk 2 dystarstig og Skopun 1 5. flokkur og eldri – úrslit fyri undankappingar D-stig V-talv 1. Havnin 42 52 2. Klaksvík 34 43 3. Sandavágur 30 35 4. Rókur a 19 21 5. Kollafjørður 17 24 Vestmanna a fekk 14 dystarstig, Vestmanna b 6, Skopun 4 og Haldarsvík 0 4. flokkur og yngri – seinna innleiðandi kapping D-stig V-talv 1. Klaksvík 11 14 2. Havnin 11 13 3. Rókur 10 13 4. Skopun a 9 13 5. Sandavágur 9 11 Kollafjørður fekk 7 dystarstig, Sandur a 7, Vestmanna 7, Sandur b 7, Skálavík 5, Sandur c 5, Sandur d 5, Skopun b 3 4. flokkur og yngri – úrslit fyri innleiðandi kappingar D-stig V-stig 1. Sandavágur 21 23 2. Klaksvík 20 24 3. Rókur 19 24 4. Skopun a 18 21 5. Havnin 16 20 Kollafjørður fekk 13 dystarstig, Vestmanna 13, Sandur a 10, Skálavík 9, Sandur c 9, Sandur b 8, Sandur d 5, Skopun b 3 FAKTA Eini 100 skúlabørn vóru við í talvkappingini í Klaksvík Kristi Himmalferðardag