fríggjadagur 9. juni 2006síða 19

19 [ Nr. 109 - 9. juni 2006 ] Ein tjóð gjørdist til 15 Tá Sovjetsamveldið av álvara skrædnaði í 1991, segði fótbóltsheimurin samstundis farvæl til eina sera sterka fótbóltstjóð. Umframt Russland gjørdist talan nú um 14 ymiskar fótbótlstjóðir, og tað hevur sett síni merki á fótbóltskortið. Ikki minst á undankappingarnar til HM og EM og til UEFA-kappingarnar fyri feløg. Russland er í dag á 37 plássi á FIFA-styrkislistanum. Ukraina verður roknað sum sterkasta av fyrrverandi lýðveldunum hjá Russlandi. Sheva & co. eru at finna sum nummar 41. -mørk Bara gullið telur Frank Lampard ivast ikki í, at hann og Ongland hava góðar møguleikar at vinna HM-heitið fyri fyrstu ferð í 40 ár. – Fólk tosa um, at tað er flott, um vit røkka hálvfinaluni, men soleiðis hugsi eg ikki. Veruleikin er, at alt annað enn sjálvt HM-heitið er eitt stórt vónbrot fyri okkum. Vit hava nógvar spælarar í altjóða topp-klassa, og vit hava sterkar persónligheitir. So vit eiga at hava dygdirnar, sum skulu til, heldur miðvallarmotorurin hjá Chelsea og landsliðnum. -mørk Ukraina vann sann­ førandi í ein­um sterkum undan­ kappingarbólki. Spurningurin er nú, hvussu langt landið kann røkka í fyrstu HM-luttøkuni. Ein spurningur, sum eisini er nær tengdur at Andriy Shevchenko HM Bólkur H Jákup Mørk jakup@sosialurin.fo Talan var kanska um ársins handil, tá Chelsea fyri stuttum kundi boða frá, at teir fyri góðar 300 mió kr. hava keypt Andriy Shevchenko úr AC Milan. Talan er um nógvar pengar fyri ein fótbóltsspælara, og sjálvt ikki Roman Abra­ movich er vanur við at leggja slíkar upphæddir á borðið. Men tað gjørdi hann tó gleði­liga. Tí í Andriy Shevchenko fær Chelsea ein álopsspælara, sum ikki bara er í heimsflokki. Teir fáa eisini ein spælara, sum gjøgnum fleiri ár hevur sýnt seg sum ein tann sterkasta í krevjandi italsku Seriu A. Skúgvaðu alt til viks Og skal tosast um HM, so eru ukrainsku vónirnar sera nær tengdar at Sheva. Í undankappingini, har Dan­mark, Grikkaland og Turka­land so ruddiliga vórðu skúgvað til viks, var uppskriftin hjá liðnum hampuliga einføld. Snøgt sagt, so ráddi um at standa sera sterkir í verjuni, har kynisnman oftani var í há­sæt­inum, og so skuldi skjót­leikin hjá Shevchenko brúkast sum hvast álops­ svørð. Hóast royndirnar tær báð­ ar seinastu ferðirnar vóru miseydnaðar, so var eingin ivi hesaferð. Við seks mál­um var Shevchenko toppskjútti, tá Ukraina trygt endaði framman fyri Turkaland, og so kundi landið sum hitt fyrsta europeiska fegnast um HM-atgongumerkið. Og tað er eingin orsøk at halda, at uppskriftin verður stórt øðrvísi hesaferð. Við Oleg Blokhin hevur Ukraina ein venjara, sum í síni tíð hevði nógvar av teimum dygdum, sum í dag eyðkenna Sheva. Og við Vrobey og Voronin hevur nýggi Chelsea-spælarin eisini nakrar álopsfelagar, sum kunnu stuðla í kontra­ spælinum. Eyðmjúk stjørna – Vit mugu seta okkum nøkur realistisk mál, og síðani arbeiða eftir hesum. Eg veit væl, at Blokhin segði, at nú ætla vit at vinna HM, men tað mundi nú vera til stuttleikar. Bara tað, at vit eru her, er nakað stórt fyri okkum, og hóast vit ikki koma víðari, so vil talan vera um eina væl eydnaða kapping fyri okk­ ara viðkomandi. Soleiðis sigur Sheva sjálv­ ur, og tað er kanska eisini eyðkennandi fyri eyðmjúka spælaran. Skúlaður í Dynamo Kiev undir legendariska Valerij Lobanovski, er Sheva vanur við, at kollektivið altíð kemur fram um einstaka spælaran. At bæði venjarin og flestu av liðfeløgunum eisini hava gingið í sama skúla, ber við sær, at liðið ikki er heilt so viðbrekið fyri skaðum, og tí hava teir eisini havt ráð til, at ein spælari sum Rebrov als ikki longur vísir tað, sum hann gjørdi fyri tveimum- trimum árum síðani. Men mannin við sjey- talinum á rygginum fáa teir kortini ikki verið fyriuttan. Um hann vil tað ella ikki, so er Shevchenko fólksins hetja í Ukraina. Fátæka og mangan eyðrænda landið, sum við HM-luttøkuni røkk­ ur einum av stoltastu løt­ unum í søguni. Andriy Shevchenko er júst seldur til Chelsea fyri triðings milliard. Ein ófatulig upphædd í fátæka Ukraina, har skjóti og kaldi framherjin í fleiri ár hevur verið roknaður sum landsins ítróttahetja Mynd: Scanpix Sheva er stóra vónin