mánadagur 19. juni 2006síða 15

Nr. 115 - 19. juni 2006 15 Eyðun Lisberg er settur í starv á deildini hjá Føroya Banka í Kollafirði frá 15. mai 2006. Eyðun er 39 ára gamal og ættaður úr Hvalba, nú búsitandi í Kvívík. Eyðun er útbúgvin bil­mekanikari og hevur síð­ani tikið HH-prógv, merkonomprógv í markn­aðarføring og fyrsta part av HD. Hann starvaðist frá 1984 til 2002 á søludeildini hjá Reyni-Service og síðan hjá VR-Bilum í Havn. Nýggj í starvi í Føroya Banka Poula Michelsen Kass er sett í starv sum bólkaleiðari á marknaðardeildini hjá Føroya Banka. Hon tekur við starv­ inum 1. juli 2006. Poula Michelsen Kass er 30 ára gomul, fødd og upp­vaksin í Hann. Poula hevur í summar tikið HD-prógv í organisatión og leiðslu av Handilsháskúlanum í År­hus. Frammanundan hev­ur hon prógv sum markn­aðarøkonom og starvsroyndir frá P/F Poul Michelsen og DER. Elsa Jóhanna Høgenni er sett í starv á marknaðardeildini hjá Føroya Banka. Elsa Jóhanna er 43 ár og bachelor í vinnulívsløgfrøði av Handilsháskúlanum í Keypmannahavn. Í løtuni er hon í ferð við Master of Management á Robert Gordon University í Aberdeen. Seinnu árini hevur Elsa Jóhanna starvast sum lærari á Føroya Handilsháskúla og verið leiðari á Vestnorden Tourist Board, sum skipar fyri Vestnorden Travel Mart. Hon byrjar í Føroya Banka 15. august 2006. John Rajani er settur í starv sum leiðari fyri nýggja Corporate Finance-virkisøkinum hjá Føroya Banka. Corporate Finance er ráðgeving í sambandi við keyp og sølu av fyritøkum. Hann tekur við 15. august 2006. John hevur HA-prógv av Copenhagen Business School í Keypmannahavn og MBA-prógv av University of Lancaster í Bretlandi. Hann hevur verið deildarstjóri í Tinganesi síðan september 2005. Áðrenn tað var hann í trý ár sendimaður Føroya í London, og frá 1999 til 2002 var hann løgmansritari í landsstýrinum. Bárður Kass Nielsen er settur í starv á stjórnarumsitingini hjá Føroya Banka frá 1. august 2006. Bárður er 29 ára gamal og ættaður av Nesi á Toftum. Hann hevur seinastu fimm árini lisið á Handilsháskúlanum í Århus og verður liðugur sum cand.merc. í fíggjarstýring í summar. NØVN Stríðið móti ólóg­ ligum innflutn­ingi av rúsandi evnum verður nú hert. Bárður Nielsen, landsstýrismaður í fíggjarmálum, leggur í næstum fram uppskot um broytingar í toll­ lógini, sum hava við sær, at tolleftirlitið gerst munadyggari Politikkur Sum liður í altjóða stríðnum móti narkotika er ætlanin at herða tolleftirlitið. – Ábendingar eru um, at ikki bert hash, men eisini sterkari evni sum amfetamin og ecstasy, gerast alt meira vanlig millum ung í Føroyum. Tí mugu vit gera meira fyri at forða fyri, at evnini sleppa inn í landið, sigur Bárður Nielsen, landsstýrismaður í fíggjarmálum. Hann leggur upp til nakrar broytingar í toll­ lógini, og endamálið er at herða eftirlitið. Frameftir skal tolleftirlitið hava ele­ ktroniska atgongd til upp­ lýsingar um ferðafólk og góðs. Tollvaldið skal eisini hava heimild at skráseta upp­lýsingar um fólk, ið verða tikin fyri ólógligan innflutning. Talan er um upplýsingar, ið bert skulu nýtast til toll­ eftirlitið, og endamálið er í samsvari við altjóða atlitini um at berjast móti rúsevnum og ólógligum innflutningi av góðsi. Í triðja lagi er ætlanin, at tollvaldið skal hava ein servandan narkotikahund afturat hundinum, sum frammanundan arbeiðir fyri tollvaldið. – Frameftir skal tollvaldið hava møguleika at arbeiða meira málrættað og munadygt. Broytingarnar í tolllógini eru liður í roynd­um okkara at avdúka smugling – serliga við rús­evnum, sigur Bárður Nielsen, landsstýrismaður í fíggjarmálum. Herða stríðið móti narkotika Sosialurin Tíðindi Ítróttur Viðmerkingar Nøvn Skráir Tiltøk Sosialurin Lýsingar Bilar Veðrið