mánadagur 4. september 2006síða 6

6 Nr. 169 - 4. september 2006 tíðindi Gott 1100 fólk vóru samlað í høllini á Giljanesi í gjár­ kvøldið, tá ið FS Vágar 2004 skipaði fyri Føroya Stuttligasta borðhaldi fyri aðru ferð. Í fjør vóru ein­ ans einstaklingar á palli­ num, men í ár vóru tey uppi í bólkum á tvey. Vinnararin frá í fjør, Hilmar Jan Hansen, var ein av dómarunum í ár. Hvørt parið spældi eina sketj, og til endans skuldu dómar­ arnir gera av, hvør var stuttligast. Tá ið avtornaði, vóru tað Aksel Joensen og Leo Poulsen frá Nólsoyar sjónleikararfelag, sum vóru valdir at vera stuttligast av dómarunum Hilmari Jan Hansen, Vilhelmi Johanne­ sen og Jørgini Niclasen. Barnakjak Fyrst á pallin var eitt sjón­ leikarapar úr Gøtu. Tey spældu tvey børn, sum tosaðu um tað, sum børn vanliga tosa nógv um. – »Eg eigi meira pengar enn tú«, og so framvegis var kjakið tey bæði mill­ um. Hetta var stuttligt hjá áhoyrarunum, hóast fram­ førslan ongantíð fekk salin at kóka. Diskriminera vegna kynsligu orientering Næstir á pallin vóru tveir ungir havnamenn. Tú sá beinanvegin, at teir duga væl at spæla sjónleik. Teir tosaðu hart og klárt, og teir vendu allatíðina móti á­­­skoðarunum. Teir út­ strálaðu eisini sjálvsálit á pallinum. Skettjin snúði seg um ein nýútbúnnan mann, sum søkti arbeiði. Hann fær ikki arbeiðið, tí at hann ikki er samkyndur. Hesin hátturin at lýsa eina um­ venda diskriminering vegna kynsliga orientering var rættiliga beinrakin, og fólk hugnaðu sær óført. Eisini fekk nýggja kirurgi­ klinikkin í Klaksvík okkurt skotið. Út frá klappunum og látri­num at døma, var fram­ førslan hjá havnamonn­ unum ein tann besta. Flogvøll í Søltuvík Triðir á pallinum vóru tveir ungir menn frá sjón­leik­ara­ felagnum í Sandi. Skettjin var um, at ein fínur maður í klædningi skuldi royna at sannføra ein eldri mann um at geva loyvi til at byggja flogvøll á jørðini hjá sær í Søltuvík. Hugskotið við skettjini er gott, og tað var stuttligt at síggja, hvussu ótíðar­ hóskandi gamli maðurin var. Hann sat enn og bíðaði eftir at fáa blaðið "14. september" inn um hurðina. Hann tosaði eisini sum ein gamal føroyingur. Skettjin var veruliga eitt dømi um, hvat kann henda, tá ið tað gamla møtir tí nýggja - pengarnir møta seyðahaldi – traditiónin og mentanin møta modernitetinum. Hugskotið til skettjuna var gott, men tað var toygt ov langt, og til endans var tað ikki stuttligt longur. Ungu menninir virkaðu heldur ikki so tryggir á pallinum. Tað var í heilum, at teir vendu síðuna ella ryggin til áskoðararnar, og teir tosaðu ikki nóg klárt. Skemtiligir nólsoyingar Vinnararnir hetta kvøldið vóru nólsoyingarnir Aksel Joensen og Leo Poulsen frá Nólsoyar Sjónleikarafelag. Teir spældu tveir gamlir abbar, sum sótu á ellisheimi og tosaðu um stuttlig minnir. Teirra stílur var sera einkul og beinrakin. Teir vístu, at tú nýtist ikki at gera tær stóru rørslurnar til at fáa fólk at flenna. Teir báðir skiftust um at fortelja krønikkur fyri hvørjum øðrum. Eitt tað stuttligasta var at hoyra teirra egna látur. Sera harðmæltur og festligur látur, sum fekk øll hini at flenna. Nólsoyingarnir vóru saman við havna­monn­un­ um stuttligasta innslag á kvøldinum, og tað var ringt at taka dagar ímillum, men tá ið avtornaði, vórðu nóls­ oyingarnir valdir bestu skemtarar 2006. Tær lokalu "hittaðu" Seinastar á pallin vóru tvær lokalar kvinnur frá Sanda­ vági og Miðvági. Tær spæl­ du, eins og nógv onnur, tveir gamlir menn, sum tosaðu mestsum í ørviti. Tað var stuttligt at síggja, hvussu væl tær dugdu at spæla og skifta persón­lig­ heit. Tær dugdu veruliga at fáa tey vanligu eyðkennis­ merkini hja eldri fólki við í teirra framførslu. Ífylluorð sum "jaaaaee", "haaaa?" og "eg meini tað" vóru nýtt ímillum setningarnar, og riggaði tað sera væl. Tey fingu eisini nortið við nøk­ ur viðkomandi evni sum til dømis PISA-kanningina. Eisini fingu Marjus Dam og Torbjørn Jacobsen onkra speiska viðmerking. Góðar umstøður Høllin í Giljanesi var væl prýdd til høvið. Mestsum øll borðini vóru fullsett. Rós má gevast til fyri­ reikararnar fyri frálíku umstøðurnar. Tað sæst, at tað varð lagd stór orka í hetta tiltakið, og tað frættist har vesturi frá, at tey hava fingið nógva sjálvbodna hjálp. Skráin var rímiliga væl hildin, og tí gjørdist klokkan ikki so nógv, áðr­ enn borðhaldið var liðugt. Vinnararnir úr Nólsoy fingu hand­að ein kekk uppá 15.000 krónur frá FS Vágum 2004, sum skipaði fyri tiltaki­num. Havna­ menninir gjørdust nummar 2 og fingu 10.000 krónur. Tær lokalu úr Vágum gjørdust nummar 3 og fingu handað 5000 krón­ur. Brot úr framførslunum á Føroya Stuttligasta Borð­ haldi kunnu síggjast á www.portal.fo undir kyk­ myndir. Nólsoyingar bestu skemtarar Føroya Stuttligasta Borðhald varð hildið leygarkvøldið í høllini á Giljanesi. Fimm sjónleikarapør vóru á pallinum og spældu sketj. Tá ið avtornaði vóru tveir nólsoyingar, Aksel Joensen og Leo Poulsen, valdir bestu undirhaldarar 2006 SKEMTARAR Heini S. Kristiansen heinik@sosialurin.fo Aksel Joensen og Leo Poulsen struku avstað við vinninginum á 15.000 krónur. Dómararnir vóru samdir um, at teir eru bestu skemtarar 2006 "Lokala" innslagið var sera stuttligt, og láturin rungaði, tá ið hesar báðar kvinnurnar vísti síni sjónleikaraevni. Tær spældu tveir eldri menn, sum tosaðu um minnir og viðkomandi evni Allir sjónleikararnir komu á pallin, tá ið vinningarnir skuldu handast. Tiltakið var væl eydnað, og áskoðararnir vóru í góðum lag.