mánadagur 4. september 2006síða 9

Nr. 169 - 4. september 2006 9 tíðindi Stutt sagt Um vikuskifti var ítróttarhøllin í Havn karmur um sonevnd stórmøtir við norska prædikumanninum, Anfinn Skaaheim sum talara. Íalt hava eini 2500 fólk verið til hesi møtini. Møtir Snorri Brend snorri@sosialurin.fo Havn: Møtini byrjaðu í fríggjakvøldið, tá fyrst bólk­ur­in Grace sang nakrar sangir, áðrenn høvuð­ stalarin slapp at bera fram boðskap sín um evnið hesaferð “Fylg Jesusi”. Leygarkvøldið var aftur møti, og við hetta høvið sang Magni Christiansen, áðrenn Anfinn aftur talaði. Og í gjárkvøldið var seinasta møtið á hesum sinni. Tá sang Streingjakórið á Glyvrum í full­­set­tari høll, har væl oman­fyri 1100 fólk vóru til staðar. Fyrsta møtikvøldið vóru oman­fyri 500 fólk á møti­ num og í leygarkvøldið var talið væl omanfyri 800, verður mett. Roknað var sum vera man við munandi fleiri fólkum í gjárvøldið, tí fleiri sam­kom­ ur høvdu avlýst síni vanligu møti sunnukvøld í sambandi við stór­møtini, og skipaðu eisini fyri felagskoyring til Havnar. Hetta er aðru ferð at Heima­missiónin skipar fyri slíkum fundum. Fyrstu fer var um somu tíð í fjør, og sum skilst verður hetta eitt afturvendandi tiltak eisini í framtíðini. Nógv fólk til stórmøtini Anfinn Skaaheim er høvuðstalari á stórmøtunum. Hann hevur verið her fleiri ferðir áður, og kennir nógvar føroyingar Mynd: Jens Kr. Vang Reykjavík: Týsdagin í komandi viku verður ferðavinnustevnan enn eina­ferð sett í Reykjavík. Sum ikki einaferð eru føroyingar eisini við í hesi framsýningini. Føroysku luttakararnir fara til Íslands mánadagin, og dagin eftir verður stevnan sett. Síðani verður hildið á við sam­røðum og samráðingum millum ferða­vinnufólk til middags mikudagin, tá henda stevnan endar. Fleiri føroyskar fyritøkur fara at selja og gera avtalur um ferðavinnusamstarv. Millum hesar eru bæði flog­ feløg okkara, Atlantsflog og FaroeJet, Smyril Line og annars umboð fyri hotel, ferðavinnufyritøkur og líknandi. Mikukvøldið koma føroy­ sku luttakararnir aftur til landið. sb. Føroyingar á Travel Mart í næstu viku Norðskáli: Áhugin fyri at búseta seg í Sunda kommunu, og her serliga í Norðskála hevur verið alsamt vaksandi seinnu árini. Kommunan hevur gjørt sítt til at útvega øllum hesum mongu áhugaðu fólkunum eitt øki at búseta seg á. Á fundi í bygdaráðnum í farnu viku varð tosað um prísin fyri fermeturin á hesum grundøkjum. Her hevði fíggjarnevndin fyrst gjørt eitt tilmæli um prís, og henda prísin tók bygdaráðið undir við. So tey, sum hereftir fara at byggja í Norðskála, mugu tí gjalda 135 kr. fyri fermeturin í hesum øki. Tilmælið frá fíggjar­ nevnd­ini varð einmælt samtykt. sb. Nú er klárt at selja Sundalagið er vorðið væl umtókt stað at búseta seg í. Nú stendur ein nýggj útstykking fyri framman Ferðsla: Seinastu fimm árini eru 1000 fleiri bilar um samdøgrið farnir framvið teljistaðinum í Hoydølum. Landsverk hevur stand­ andi fleiri slík teljistøð kring landið, og eitt teirra er við Hoydalsá í Hoydølum. Hyggur ein eftir gongdini í ferðsluni seinastu fimm árini, so sær ein at her er stór øking í talinum av bilum: Í 2001 koyrdi í miðal 7.192 bilar um hetta strekkið, meðan talið í fjør var komið heilt uppá 8.140. Eingin ivi man vera um, at tá gjørt verður upp fyri 2006 er talið uppaftur størri. sb. Flestu koyra um Hoydalsá Leygarkvøldið kom eldur í eini sethús í Lucas Debesargøtu í Havn. Hóast ein bilstøð við bensinsølu og ein málingahandil eru í nánd, var ongantíð vandi á ferð. Eldur Orð & mynd: Snorri Brend Havn: Leygarkvøldið kl. 20:46 boðaði eitt av starvs­ fólkunum á bilstøðini Auto løg­regluni frá hesum eldsbrunanum. Løtu seinni – tað er: kl. 20:55 – vóru menn frá sløkkiliðinum á staðnum og byrjaðu at sløkkja. Eldsløkkingin gekk skjótt fyri seg, tí longu 18 min. seinni – kl. 21:13 –var sjálvur eldurin sløktur. Síðani fóru menn undir arbeiðið við eftirsløkkingini. Tá teir komu á staðið kundu teir rættiliga skjótt staðfesta, at eingin persónur var inni í sethúsunum, sum í løtuni eru undir umbygging eftir at tey hava skift eigara. Skilaveggir og annað var í hesum sambandi skrætt niður, og tí vóru neyvan nógvir virðislutir sum so inni í húsunum. Av Politistøðini í Havn varð upplýst leygarkvøldið, at menn høvdu verið til arbeiðis í húsunum um dagin, og at seinasti maðurin fór úr húsunum um 19-tíðina. Tá vit tosaðu við løgreglu­ na í morgun var ikki gjørligt at fáa fatur á nøkrum sum hevði júst við hetta málið at gera. Men tað verður í øllum førum kannað í løtuni. Tá talan er um eldsbruna í øki við bensinsølu í nánd, verður spurning­urin um flyting av fólkinum í granna­ lagnum havdur á lofti. Men við eldsbrunan í kvøld var ikki mett at hetta gjørdist neyðugt. Vita enn ikki orsøkina Teir eru lidnir við at sløkkja eldin í ovara endanum á húsunum, sum vóru undir umbygging