fríggjadagur 6. oktober 2006síða 53

54 Nr. 193 - 6. oktober 2006 FAROESE EARTH AND ENERGY DIRECTORATE Lýst verður eftir tveimum jarðfrøðingum at byrja skjótast gjørligt. Annað starvið er knýtt at landgrunsverkætlanini, har Jarðfeingi í samstarvi við onnur fær til vegar og fyrireikar próvførsluna, sum skal leggjast fyri landgrunsnevnd ST í tilknýti til áseting av ytra markinum á landgrunsrondini uttan fyri 200 fjórðingamarkið. Arbeiðið fevnir um ymiskar greinar av havjarðfrøði, einamest um at tulka og í aðrar mátar viðgera seismiskar og aðrar jarðalisfrøðiligar dátur og at skipa tær í ein dátugrunn. Starvstíðin er treytað av serligari játtan til hesa verkætlan, sum væntandi tekur nøkur ár. Hitt starvið er tengt at uppgávum, sum Jarðfeingi ger í sambandi við t.d. tunnilsverkætlanir, jarðvandakanningar og vatnkanningar. Hetta arbeiðið fevnir um m.a. jarðfrøðiliga kortlegging, lýsing av borikjarnum, kanning av landslagnum umframt um ráðgeving í jarðfrøðiligum spurningum og uppsøkjandi virksemi í sambandi við nýggjar verkætlanir. Starvstíðin er m.a. treytað av uppgávunum, sum Jarðfeingi ger fyri onnur, og tað røkkur í fyrsta lagi fram til árslok 2007. Krøv til umsøkjarar Setanin krevur eina vísindaliga útbúgving innan jarðfrøði. Dentur verður lagdur á, at umsøkjarar hava førleika og royndir innan nýtslu av teldutøkni í samband við greining av jarðfrøðiligum spurningum, umframt góð evni at samstarva í einum tvørfakligum umhvørvi. Setanarviðurskifti Størvini verða sett sambært sáttmála millum avvarandi fakfelag og Fíggjarmálaráðið. Umsókn Umsóknir skulu vera Jarðfeingi í hendi í seinasta lagi 20. okt. 2006. Adressan er: Jarðfeingi, postsmoga 3059, 110 Tórshavn. Nærri upplýsingar um starvið fáast við at venda sær til Martin V. Heinesen (martin.v.heinesen@jardfeingi.fo) ella Lis E. Mortensen (lis.mortensen@jardfeingi.fo) Jarðfeingi - Brekkutún 1 - Postsmoga 3059 - FO 110 Tórshavn Tel: +298 357000 - Fax: +298 357001 - jardfeingi@jardfeingi.fo Jarðfrøðingar til Jarðfeingi Starvsfólk til Roknskapardeildina Atlantic Airways er ein altjóða fyritøka við heimstaði í Sørvági. Umleið 180 fólk starvast í føroyska tjóðarflogfelagnum, og árligi umsetningurin var 378 milliónir krónur í 2005. Atlantic Airways hevur seks flogfør og tvær tyrlur undir sínum veingjabreiði. Flogførini røkja rutusamband úr Føroyum til ymsar býir í Danmark og grannalondunum Onglandi, Skotlandi, Hetlandi, Íslandi, Grønlandi og Noregi. Virksemið veksur í øðrum londum, og umleið ein triðingur av inntøkunum kemur úr útlondum. Tyrludeildin røkir ferðasam- band til útoyggjarnar, leiti- og bjargingartænastu og off-shore flúgving í Norðurhøvum. www.flyfaroe.com Søkt verður eftir starvsfólki til Roknskapardeildina hjá Atlantic Airways. Starvið er eitt avloysarastarv, og er tíðaravmarkað til eitt ár. Arbeiðið fevnir um: Alt vanligt bókhaldsarbeiði. Krøv Tað er ein fyrimunur, um umsøkjarin: • hevur kunnleika til bókhald • hevur evni at samstarva og er ágrýtin • kann arbeiða sjálvstøðugt • hevur góðan røkjuskap • hevur kunnleika til at arbeiða við teldu Vit bjóða eitt áhugavert starv við nógvum avbjóð- ingum, og møguleika fyri fakligari og persónligari menning í einum góðum og dynamiskum umhvørvi. Avloysarin skal setast skjótast gjørligt, og setanar- treytir verða avtalaðar nærri við setan. Skrivlig umsókn við møguligum prógvum og við- mælum skal vera okkum í hendi í seinasta lagi hósdagin 19. oktober 2006. Nærri upplýsingar kunnu fáast um starvið hjá Tórhalli Halgaklett, roknskapar- leiðara á tlf. 34 10 35 ella e-mail: torhallur@atlantic.fo. Umsóknin skal sendast til: Atlantic Airways, Steinbjørn Hardlei, starvsfólka- leiðari, Vága floghavn, 380 Sørvágur, ella til steinbjorn@atlantic.fo. Atlantic Airways ger tað stuttligari at liva í Føroyum