fríggjadagur 5. januar 2007síða 31

Nr. 3 - 4. januar 2007 31 Sernámsdepilin og Økispsykiatriin skipa fyri skeiði 13. og 14. mars 07 um Menningarórógv v. Christopher Gillberg, professara Í mars mánaði komandi ár fer Sernámsdepilin saman við Økispsykiatriini at skipa fyri skeiði. Tá fer Christopher Gillberg, barna- og ungdómspsykiatari og heimskendur granskari við Universitetssjúkrahúsið í Gøteborg, at hava skeið, sum er ætlað lærarum, pedagogum, heilsurøktarfrøðingum, læknum, sálarfrøðingum og øðrum, sum hava við børn og ung at gera. Skeiðið fer at snúgva seg um autismu, Asperger Syndrom, ADHD/DAMP og líknandi menningartrupulleikar, ið vanliga hava við sær vantandi sosialt innlit. Men tað eru ikki bert børn og ung við omanfyri nevndu trupulleikum, ið kunnu hava ilt við at skilja og duga sosialt samskifti. Hesi evni mennast ymiskt hjá ymiskum børnum, og vantandi innlivingarevni í tankar og kenslur hjá øðrum kann gera, at samspælið við umhvørvið miseydnast – børnini/tey ungu kunnu t.d. gerast atferðartrupul. Fyri at kunna stuðla barnsins menning og fyribyrgja miseydnaðum samskifti, hevur tað stóran týdning at hava vitan um hesi viðurskifti, og Christopher Gillberg er serkønur á økinum. Skeiðið verður týsdagin og mikudagin 13. og 14. mars 2007, kl. 9 – 16, í hølunum hjá Havnar Róðrarfelag í Álakeri. Tilmelding fer fram á www.ser-dep.com ella við at ringja til Sernámsdepilin, tlf. 314522 (Eleina Mikkelsen, skrivari). Tá meldað verður til og goldið verður fyri 1. februar, er gjaldið fyri skeiðið 1.000 kr. Kaffi, te og middagsverður eru íroknað. Eftir 1. februar er skeiðsgjaldið 1.200 kr. Seinasta freist at melda til er 1. mars. Goldið verður á girokonto nr. 61891. Um avboð verður givið eftir 1. mars, verður skeiðsgjaldið ikki afturgoldið. Vegna Økispsykiatriina Vegna Sernámsdepilin Æna Reinert, Hanna Kampmann og Ása Ellefsen, sjúkrarøktarfrøðingur sálarfrøðingar Sernámsdepilin Byggifrøðingur, verkfrøðingur ella arkitektur til Tilbúgvingarstovn Føroya Starv sum byggifrøðingur, verkfrøðingur ella arkitektur á Tilbúgvingarstovni Føroya, innan virkisøkið brunaumsjón, er leyst at søkja. Til rætta fólkið er talan um eitt áhugavert, fakliga krevjandi og persónliga mennandi starv. Arbeiðsuppgávur Arbeiðsuppgávur hjá Brunaumsjón landsins eru m.a. hesar: • Eftirlit við sløkkiliðum, sløkkiútgerð og tilkallingarskipanum • Ráðgeving, vegleiðing og undirvísing í brunatrygdarligum viðurskiftum sambært brunalóggávuni • Brunatøknilig málsviðgerð av fjøltáttaðum byggimálum o.t. • Rakstrareftirlit við bygningum o.t. • Loyvisgevandi myndugleiki í sambandi við stovnseting, flutning, goymslu og nýtslu av eldfimum og spreingikvæmum evnum • Gera uppskot til kunngerðir og vegleiðingar innan brunatrygdarliga økið o.a. Roknast má við nakað av ferðing millum oyggjarnar og uttanlanda. Fakligur førleiki Sóknast verður eftir byggifrøðingi, verkfrøðingi ella arkitekti. Ynskiligt er, at umsøkjarar harumframt hava kunnleika til ella royndir innan sløkkilið, brunatøkniliga byggimáls­ viðgerð ella hægri serútbúgving innan brunatøkni. Tann, ið settur verður, má rokna við eftirútbúgving innan­ og uttanlands á serøkjum sum brunatrygd, sløkking og bjarging. Dentur verður lagdur á góðar persónligar eginleikar, at setti persónurin er fyrikomandi, hevur góð samstarvsevni, dugir at skipa sítt arbeiðsøki og at taka sjálvstøðugar avgerðir. Setanarviðurskifti Løn og setanartreytir annars verða sambært sáttmála millum Fíggjarmalaráðið og avvarðandi yrkisfelag. Tænastustaðurin er á skrivstovuni í Tórshavn. Umsóknir Umsóknir við prógvum og lívsgongdarlýsing (cv) verða at senda til Tilbúgvingarstovn Føroya, Tinghúsvegi 64 Tórshavn og skulu vera skrivstovuni í hendi innan 5. februar 2007. Brævbjálvin eigur at merkjast »starv á Brunaumsjón landsins«. Nærri upplýsningar um starvið kunnu fáast frá Peturi Olsen, deildarstjóra á tlf. 35 66 10 ella 21 50 46. Teldupostur: plo@brl.fo lýsingar