týsdagur 2. januar 2007síða 13

Nr. 1 - 2. januar 2007 13 Jóhanna Bjørgheim Torp, fødd Dam, ættað úr Tórshavn, búsitandi í Reykjavík, andaðist 23. des. 92 ára gomul. Jarðarferðin verður í Reykjavík 3. januar. Solok Mikkelsen, Sørvágur, andaðist á Lands­ sjúkrahúsinum leygardagin 30. desember, 85 ára gamal. Kistan fer úr landssjúkrahúskapellinum týskvøldið kl. 18. Jarðarferðin verður úr Sørvágs kirkju mikudagin klokkan 14. Sungið verður úr sálmabókini. Tey, ið vilja minnast Solok kunnu lata Missiónshúsinum í Sørvági eina gávu. Magdalena Weihe, ættað úr Mykinesi, búsitandi á Bispebjerg í Keypmannahavn, andaðist jóladag, 91 ára gomul. Jarðarferðin verdur týsdagin 9. januar kl. 13 úr Grundtvigskirkjuni á Bispebjerg. Jóhannes Jul Pólsen, vanliga nevndur snikkarin á Skála, andaðist nýggjársmorgun á Klaksvíkar sjúkrahúsi, 85 ára gamal. Kistan fer úr kapellinum á Klaksvíkar sjúkrahúsi mikukvøldið kl. 18. Jarðarferðin verður úr Skála kirkju hósdagin kl. 13.30. Tey, ið vilja minnast Jóhannus, kunnu lata Eldrasambýlinum á Skála eina gávu; konta í peningastovnum. Dagny Hellisdal fer til gravar úr Vesturkirkjuni hósdagin klokkan 13. Tey, ið ynskja at minnast Dagny, kunna lata eina gávu til giktafelagið; konto í peningastovnunum. Hans Debes, Oyri, andaðist sunnudagin 31, des., 83 ára gamal. Bønarhald verður á Lands­sjúkra­hús­ kapellinum í dag kl. 16. Jarðarferðin verður úr Norð­ skála kirkju mikudagin 3. jan kl. 13. Andlát og jarðarferðir Tøkk Hjartaliga takka vit øllum, sum sýndu samkenslu og hjálpsemi, tá kæri maður mín, pápi, verpápi, abbi og langabbi okkara Martin J. Nielsen andaðist og varð jarðaður Tøkk til Bjarna Bæk, prest, kirkjutænarar og sangarar. Ein serstøk tøkk til heimarøktina. Tøkk fyri blómur, kransar og peningagávu til Føroyafelag móti krabbameini. Fyri tey avvarðandi Ida Tøkk Hjartaliga takki eg øllum tykkum, sum mintust meg á 85 ára føðingardegnum. Eg ynski tykkum eitt gott nýttár. Heilsan Gerda Einarsson Leygardagin 30. desember 2006 var fyrsta brúðarvígslan á hildin í Klingruni hjá Føroya Tele í Hoyvík. Tað vóru Annbritt Brynj­ olvsdóttir í Hoyvík og Alex Jacobsen úr Klaks­vík, sum vórðu vígd av Jógv­ani Zachariassen, sam­komu­ leiðara í Lívdini í Hoyvík. Umframt at Jógvan Zachariassen helt eina talu fyri brúðarparinum vóru eisini solo- og felagssangur og fiól- og tvørfloytuspæl. Umleið 250 fólk vóru komin saman í hølunum, sum vístu seg at vera sera væl egnað til hetta endamál. Veitslan varð fyri inn­ bodnum í samkomu­húsinum Oas­uni í Hoyvík. Fyrsta brúðarvígslan í Klingruni Fyrsta brúðarvígslan í Klingruni hjá Føroya Tele í Hoyvík, f.v.: brúðurin Annbritt Brynjolvsdóttir, Jógvan Zachariassen, samkomuleiðari, og brúðgómurin Alex Jacobsen Mynd: Photo Care Mikukvøldið 3. januar 2007 kl. 20 verður útgávukonsert í Miðlahúsinum í Vágsbotni í sambandi við at leirvíkingurin Allan Ellingsgaard, búsitandi í Norðurírlandi, gevur út fløguna “allan ellingsgaard going Home”. Umframt at Allan Ellings­ gaard syngur og spælir klaver, spælir Bjarni Jøkladal bassgittara og John Ellingsgaard kassagittara. Fløgan verður eisini at fáa á útgávukonsertini. Konsertin er ókeypis. Brot úr fløguni eru at hoyra á heimasíðuni: www. allanellingsgaard.com. Allan Ellingsgaard í Miðlahúsinum Allan Ellingsgaard hevur útgávukonsert í sambandi við fløguna “allan ellingsgaard going Home” í Miðlahúsinum mikukvøldið 3. januar Mynd: Magnus Gunnarsson