fríggjadagur 12. januar 2007síða 6

6 Nr. 9 - 12. januar 2007 tíðindi Bryan Rice, sum í fjør fekk rættiligt gjøgnumbrot í Danmark, verður við til Planet Awards, har hann fer at hava eina framførslu við sínum kendu poppsangum Ein av best umtóktu popp­ sang­arunum í Danmark kem­ur til Føroya í sambandi við Planet Awards. Føroyska virðislønartiltakið verður hildið á Hotel Føroyum tann 27. januar, og millum tey, sum skulu á pallin at framføra, verður ein danskur poppsangari. Tað er Bryan Rice, sum hevði eitt risahitt við sang­ inum No Promises í fjør. Hann fekk rættiligt gjøgn­ um­ brot í Danmark, og útgávan Confessional stóð seg so væl, at Bryan Rice er í uppskoti til eina Zulu virðisløn sum besti sangari í 2006. Rice hevur alt Bryan Rice hevur eina fram­ úr góða rødd, og hann setir rættiligan dám á sín popp­ tónleik við sterku røddini hjá sær. Hann fær fólk bæði at smílast og tára, tá ið hann syngur antin lættar popp­ sangir ella vakrar balladur. Sagt verður, at Bryan Rice onkursvegna líkist sangarum sum John Legend, Gavin DeGraw og James Blunt, men tað er tó okkurt serstakt við danska sangaranum. Sangurin No Promises bleiv gjørdur til filmin Nynnes Dagbog, og hann gjørdist stóra gjøgnumbrotið hjá Rice. – Eg gjørdi sáttmála við Bryan Rice uttan at hava hitt hann. Eg kendi hann ikki, men eg hoyrdi hann syngja, og eg helt, at hann hevði so framúr góða rædd, at eg kundi ikki standa ímóti honum. Hann hevur altjóða format – bæði við røddini og síni útstráling, sigur Remee, sum í 2005 gjørdi soun­ trackið til Nynnes Dagbog. Og tað er okkurt, sum bendir á, at Remee hevur rætt, tí tað hevur gingið strúkandi hjá Bryan Rice, síðani fløgan hjá honum kom út í Danmark í fjørvár, og nú er hann í uppskoti til eina Zulu virðisløn. Røddin var til meira enn kór Áðrenn gjøgnumbrotið sum solistur, var Brian Risbjerg Clausen, sum hansara kristn­ að navn er, virkin í donskum tónleiki. Hann syngur millum annað kór á sanginum From Paris To Berlin hjá Infernal, og hann legg ur eisini rødd til Jukebox hjá Bent Febricius- Bjerre. Men flott røddin hjá Bryan Rice var til meira enn bert kórsang, og seinasta árið hevur hann rættiliga roynt flogið sum solistur. Nú kemur hann so til Føroya á fyrsta sinni, og hann fer at hava eina framførslu til Planet Awards. Atgongumerki til stór­ fingna tiltakið Planet Awards fáast til keyps í Telebúðunum í Havn, Klaksvík og Runa­ vík. Tey kunnu eisini keyp­ ast umvegis teleshop.fo og í Miðlahúsinum í Vágs­ botni. Avmarkað nøgd av at­gongumerkjum verða seld. Donsk poppstjørna á Planet Awards Bryan Rice hevur eina framúr góða rødd, og hann syngur bæði lættan popptónleik og vakrar balladur Havtaska ferðast Tey flestu, sum hava sæð ein náttúrufilm av havsins botni, munnu uppfata havtaskuna sum ein fisk, ið ligg ur í sandinum á botni og gloypir tí, sum fyri kjaftin rekur. Men kanningar hjá íslendsku fiskirannsóknarstovuni vísa, at havtaskan men kann ferðast langan veg. Í einum føri varð ein merkt havtaska fingin aftur heilar 343 fjórðingar frá tí staðnum, har hon var vorðin merkt. Hon hevði tá ferðast hálvan fjórða fjórðing um dagin. Lógarrit heimasíðu Føroyskt Lógarrit, vanliga stytt FLR, hevur fingið nýgg ja heimasíðu, har fólk kunnu fáa upplýsingar um virksemið hjá Føroyskum Lógarriti. FLR er eitt løgfrøðiligt/ stjórnmálafrøðiligt tíðarrit, og FLR skipar fyri at geva út tilfar, sum lýsir og greinar mál av týdningi fyri føroyska løgdømið. Bæði føroyskir og útlendskir frøðingar skriva í tíðarritið. Á nýgg ju heimasíðuni, sum eitur www.flr.fo kunnu fólk tekna seg sum haldara.