mikudagur 17. januar 2007síða 4

4 Nr. 12 - 17. januar 2007 tíðindi Hóskvøldið klokkan 19.30 verður for­kunn­ ugt tiltak í Miðla­ húsinum, har ser­frøð­ ingar innan bindi­ maskinur fara at vísa tað nýggjasta innan binding við maskinu   Handarbeiði Rigmor Dam rigmor@sosialurin.fo Myndir: Jens Kristian Vang Handarbeiðið fløvar um myrku tíðina, og nú bindi­ maskinurnar gerast alt meira vælumtóktar og van­­ligar, er lagamanni at nema sær kunning um tað nýggjasta innan hesa hand­ arbeiðsgrein. Gisleyg Dahl Bonde, sum eigur Hondarbeiðsbúðina Dr. Jacobsens gøtu, hevur tikið stig til tiltakið. Enda­ málið er, at øll, sum hava hug, kunnu koma oman í Miðlahúsið at fáa íblástur til nýggjar arbeiðshættir og øðrvísi tilfar, ein kann brúka til bindimaskinuna. Serfrøðingur vitjar Gisleyg Dalh Bonde sigur, at tey hava gjørt av at bjóða donsku Conny Rasmussen, sum selur Silver Reed bindi­maskinurnar, heim til Føroyar. Her fer hon at greiða frá um tað nýgg­ jasta, tey hava at bjóða. Millum annað fara fólk at fáa høvi at síggja nýggja millumbindaran, sum hev­ ur 150 nálir, og tí kann binda bæði rættiliga fínt og grovari tógv. - Eitt nú tekur hendan maskinan eisini trítráðað føroyskt tógv, og er tað millum annað tað, sum ger hana øðrvísi enn vanligu maskinurnar, sigur Gisleyg Dahl Bonde. Hon skoytir uppí, at, eins og hinar Silver Reed maskinurnar, fæst hon bæði elektronisk og til holkort. Harumframt fæst eisini sonevnda DesignaKnit til maskinuna, so til ber at skapa pløggini í tilgongdini, og ikki bara at binda langar banar. Seinni verður skeið Á bindimaskinukvøldinum í Miðlahúsinum hevur eisini høvi at síggja pløgg og annað, sum eru bundin, tøvd og seymað úr ymiskum tilfari. - Tað er spennandi at seta saman ymiskt tilfar og ymiskar hættir. Til ber eisini at brúka tað ein hevur liggjandi, sigur Gisleyg Dahl Bonde. Hon leggur afturat, at tey eisini fara at vísa, hvussu ein brúkar tær vælumtóktu mynstur- fløgurnar, har tú kanst seyma pløgg eftir tínum egnu mátum. - Seinni er ætlanin at skipa fyri skeiðum í at binda á Silver Reed maskinu, tí fólk brúka maskinurnar til so nógv ymiskt. Tá er gott at fáa íblástur frá hvørjum øðrum, sigur Gisleyg Dahl Bonde, sum skundar sær at skoyta uppí, at tiltakið er alment og ókeypis. Bókakvøld Týskvøldið í næstu viku, tann 23. januar, verður bókakvøld á Klaksvíkar Bókasavni. Har fer Bergtóra Hanusardóttir at siga frá nýggju skaldsøgu síni ”Burtur”, ið er um tvey ung, ið fara til Keypmannahavnar í lestrarørindum. Eisini fara hjúnini Hanus og Helena Samuelsen at siga frá bókini ”Jana - eitt hjartabarn”, sum Tórun Ellingsgaard hevur skrivað um menningartarnaðu dóttur teirra og støðuna hjá teimum menningartarnaðu í Føroyum. Bíligasta heilivágin Landsstýrið arbeiðir við at broyta reglurnar um tilskot til heilivág, og broytingin fer millum annað at hava við sær, at sjúklingurin skal altíð fáa tann bíligasta heilivágin, sigur Hans Pauli Strøm, landsstýrismaður mí almanna- og heilsumálum, við Útvarpið. Landsstýrismaðurin avsannar, at broytingin hevur nakað samband við, at ein læknaavloysari í Klaksvík hevur gjørt vart við, at sjúklingar har ofta fáa dýrari heilivág enn neyðugt. FØRARASETRIÐ Jekaragøta 10 • Tórshavn John A. Christiansen koyrilærari tel 21 47 75 Stanley A. Olsen koyrilærari tel 21 10 99 Koyri- kort? Teoriskeiðið til persónbil, byrjar mánadagin 22. januar kl. 17.00 Teoriskeiðið til lastbil og trailara byrjar mánadagin 22. januar kl. 19.30 Bindimaskinufepurin herjar Nýggi millumbindarin hevur 150 nálir og tekur bæði fínt og grovt tógv Pløggini verða gjørd til við hond – alt annað verður gjørt á maskin Gisleyg Dahl Bonde, sum eigur Hondarbeiðsbúðina í Dr. Jacobsens gøtu, skipar fyri tiltakinum um bindimaskinur í Miðlahúsinum hóskvøldið kl. 19.30 Danska Conny Rasmussen og Gisleyg Dahl Bonde vísa nøkur av pløggunum, sum Conny hevur bundið á bindimaskinu og broderað við einari teldustýrdari seymimaskinu. Bindimaskinan er sett til telduna, har mynstrið er forritað frammanundan