hósdagur 15. mars 2007síða 4

4 tíðindi Nr. 53 - 15. mars 2007 Tónleikur við tilknýti til Ungverjalands Næstu dagarnar verða tríggjar konsertir við Tórshavnar Klavertrio, har tónleikur við tilknýti til Ungverjalands verður á skránni. Trioin er mannað við Sámali Petersen, fiólleikara, Tóra Restorff Jacobsen, selloleikara og Jóhannesi Andreasen, klaverleikara. Á konsertunum fer trioin at spæla verk eftir Joseph Haydn, Zoltán Kodaly og Johannes Brahms. Fyrsta konsertin verður í Fríðrikskirkjuni á Toftum nú fríggjakvøldið 16. mars kl. 19.30. Síðan verður ein konsert í Sandavágs kirkju, sum júst hevur fingið nýtt klaver. Tann konsertin verður mikukvøldið 21. mars kl. 19.30. Og tann seinasta konsertin verður so í Læraraskúlahøllini í Havn hóskvøldið 22. mars kl. 19.30. Somu møguleikar Meginfelag teirra brekaðu, Ráðið fyri brekað, Arbeiðsgevarafelagið, Arkitektafelagið, Hand­ verkmeistarafelagið og tey bæði komm­unu­ feløgini hava heitt á lmyndugleikarnar um at gera eina landsbyggireglugerð, sum skal tryggja fólki við skerdum førleika somu møgu­ leikar, sum onnur hava. Laila Solmunde, for­ kvinna í MBF, sigur við Útvarpið, at tað er ein sjálvfylgja, at tey við skerdum førleika skulu hava somu møguleikar sum hini. Enn er óvist, nær Smyril fær stabilisa­ torararnar aftur Smyril Áki Bertholdsen aki@sosialurin.fo Enn ber ikki til at siga, nær stabilisatorarnir á Smyrli fara at virka aftur. Niels Juel Arge, stjóri á Strandferðsluni, sigur, at ein serfrøðingurin frá verk­smiðjuni, sum ger stabilisatorarnar, er á veg til Føroyar at kanna brek­ ið. Hann kemur vónandi hesa vikuna og tá ið hann hevur kannað brekið, ber til at staðfesta um tað kann umvælast, ímeðan Smyril er í sjónum, ella um tað er neyðugt at fáa hann í dokk til umvæl­ing­ ar. Verður neyðugt at fáa Smyril dokk, verður kann­ að eftir, um tað ber til at fáa hann í dokk beinan­ vegin. Men stjórin í Strand­ ferðsluni sigur, at verður neyðugt at fáa hann í dokk, er talan um eina nýggja støðu, tí so væntar hann, at miðjað verður eftir at gera alt eftirlitið, sum skal gerast, fyri at sleppa undan at senda hann í dokk aftur í sep­ tember, sum ætlanin ann­ ars hevur verið. Niels Juel Arge sigur, at tað er í bæði borð, at stabilisatorarnir eru farn­ ir. Talan er um ein flansi, sum heldur einum pakn­ ingsringi niðri, sum er farin. Sostatt lekur olja út ímillum og fyri at bøta um heilan fingur, varð av­gjørt at taka stabilisa­ torarnir inn til serkønur frá verksmiðjuni hevur kann­að brekið. Sáttmáli um bygg­ing­ ina verður undir­ skrivaður fyrsta dagin og so verður farið undir sjálva bygg­ingina Skúladepil Áki Bertholdsen aki@sosialurin.fo Nú er loksins klárt at fara undir ætlanin at byggja skúla­depilin í Hovi. Í morgun hevur Løgtingið endaliga avgreitt málið um at játta seinastu pengarnar til ætlanina og nú skal enda­ ligur sáttmáli gerast við MT Højgaard, sum skal byggja skúlan. Kristian Rasmussen á Landsverki, sigur, at tað verður fyrsta dagin, at byggi­sáttmálin verður undir­ skrivaður og so verður farið undir byggingina. Ætlanin var, at skúlin skuldi kosta 60 milliónir krón­ur, men tá ið lýst var eftir byggifeløgum, sum vóru áhugað at bjóða upp á arbeiðið, var tað bara MT Høj­gaard, sum gjørdi vart við seg. Síðani varð gjørt av, at Landsverk skuldi fara undir samráðingar við byggi­felag­ ið um eina partalagsavtalu. Tær samráðingarnar vístu, at skúlin fer at kosta 74 milliónir, ella 14 milli­ ónir meir enn Løgtingið hevur játtað. Tí bað Jógvan á Lakjuni, landsstýrismaður í Menta­ málum, Løgtingið játta 14 milliónir afturat. Og tað gjørdi Løgtingið endaliga í morgun og sostatt er klárt at fara undir bygg­ ingina. Royndi til tað síðsta Tjóðveldisflokkurin royndi annars til tað allar seinasta, at forða fyri at hendan ætl­ anin verður sett í verk, so­leiðis, sum tað nú liggur í kortunum. Tá ið Løgtingið viðgjørdi málið týsdagin, skeyt Tjóð­ veldisflokkurin upp, at skúladepilin verður bygdur í Vági, at hann ikki skal kosta meiri enn 60 milliónir og at arbeiðið verður boðið út. Hetta uppskotið feldi Løg­ tingið. Og nú Løgtingið viðgjørdi málið fyri seinastu ferð í morgun, skeyt flokkurin eina­ferð enn upp, at skúla­ depilin verður boðin út. Men hesuferð var kravið slept um, at hann ikki mátti kosta meiri enn 60 milliónir krónur og kravið varð eisini slept um, at hann skuldi byggj­ast í Vági. Men heldur ikki hesum fekk Tjóðveldisflokkurin und­irtøku fyri. Sostatt hevur Løgtingið samtykt, at Landsverk skal gera byggisáttmála við MT Højgaard um at byggja skúla­depilin í Hovi fyri 74 milliónir krónur. Sett út av spælinum Tjóðveldisflokkurin tvíheld­ ur um, at skúlin skal bjóðast út einaferð enn, tí annars verða marknaðarkreftirnar skúgvaðar til viks og sostatt fáa vit ikki at vita, hvar tann rætti prísurin er. Flokkurin vísti eisini á, at høvdu byggifeløgini vita, at skúlin kundi kosta 74 milli­ ónir, høvdu tey eisini kunna bjóða seg fram. Men Kristian Rasmussen á Landsverki tvíheldur um, at tað er meiningsleyst at bjóða skúlan út aftur. - Vit hava lýst eftir fyri­ tøk­um sum vóru áhugaðar at byggja skúlan og hava fing­ið at vita, at ongin áhugi var. Tí er ongin mein­ ing í at bjóða út aftur. - Vit halda tvørturímóti, at verður skúlin bjóðaður út­aftur, gevur tað byggi­fyri­ tøkunum ein trumf at tær sjálvar áseta byggikostn­að­ in. Høvdu fleiri fyritøkur ikki havt áhugað, vissi tey vistu, at hann kostaði 74 milli­ónir í staðin fyri 60? - Hatta eru eftirrationali­ seringar, sum ikki geva nakra meining. Fyri tað, um 60 milliónir vóru játtaðar, er tað ikki eitt prógv um, at skúlin veruliga kostar 60 milliónir, tí hetta er eitt gamalt tal. Vóru fyritøkur áhugaðar, høvdu tær meldað seg til og høvdu biðið um útbjóðingartilfar, akkurát, sum MT Højgaard gjørdi. - Men tað var ongin, sum bjóðaði seg fram. At so ná­greiningar vístu, at skúlin verður dýrari er so nakað ann­að, sigur Kristian Ras­ mussen. - Ístaðin hava vit samráðst okkum fram til tann lægst møguliga prísin. Sostatt er ongin ivi um, at 74 milliónir er tann rætti prísurin. Fáa fult innlit Í eini partalagsavtalu liggur eisini í tí, at Landsverk fær innlit í øll skjøl í sambandi við byggingina og eisini inn­lit í tilboðini frá undir­ veitarum hjá MT Højgaard, sum í allarflestu førum eru føroyingar – og í stóran mun eisini fyritøkur í Suður­ oy. - Og kostar skúlin minni enn 74 milliónir, býta byggi­ felagið og Landið vinning­ in. - Verður skúlin dýrari, be­talir MT Højgaard tað mesta av meirkostnaðinum. Men hvussu býtið er ímill­ um byggifelag og Landið, vil Kristian Rasmussen ikki siga, tí tað er innanhýsis ímill­um partarnar. Í Løgtinginum vísti Tjóð­ veldisflokkurin á, at bygg­ ingin kann verða steðgað, tí at spurningurin um vatn og kloakk er ikki avgreiddur. - Tað er vanligt, at tann parturin, sum liggur uttan­ fyri matrikulnummarið, er ikki við í prísinum, tí tað eru kommunalir spurning­ ar. - Tað sigur seg sjálvt, at onki er avgreitt, fyrrenn vit eru farin at byggja. Men tað er ein kommunalur spurn­ ingur og vit samráðast við Hovs Kommunu um spurn­ ingin. - Hovs kommuna hevur ætlanir um at leggja nýggja vatnveiting til bygdina fram­ við stykkinum, skúlin skal byggjast á og vit samráðast nú um uppíbinding. - Og tað verður eitt mál, sum tað ongin trupulleiki er at loysa í byggitíðini, sigur Kristian Rasmussen. Tað, sum liggur í kortun­ um, er, at skúladepilin skal vera liðugur at taka í nýtslu eftir summarfrítíðina í 2008. Nú er klárt at fara undir skúladepilin í Suðuroynni Smyril fer at rulla í eina tíð afturat Serfrøðingur er á veg til Føroyar at kanna brekið í stabilisatorunum á Smyrli og tá fæst at vita um tað ber til at umvæla brekið ímeðan Smyril er í sjónum, ella um hann skal í dokk Nú verður fyrsta dagin farið undir at byggja skúladepilin í Hovi, tí í morgun fingust teir seinastu pengarnar í rættlag