mánadagur 2. apríl 2007síða 4

4 Nr. 65 - 2. apríl 2007 Fyrsti vinnarin í kappingini hjá G! og eg.fo er funnin. Ann Reynstind Jøkladal vann fyrsta umfar við tekstinum ”Og so segði man”, har hon fortelur um sína uppliving av G! Festivalinum Niels Uni Dam nielsuni@sosialurin.fo Eg.fo skipar í samstarvi við G!Festival fyri at kapping við evninum: Lýs G!, tú skal lýsa hvussu tú upplivur at vera á G!? Ongi mørk eru fyri, hvussu tú sigur frá. Um tað er við mynd, grafikki, teksti, ljóði. Tey, ið duga at lýsa sínar G!-upplivingar upp á besta mátan, vinna eitt festival pláss. Originali­ tetur og stuttligur hugsunar­ háttur eru leiðbeiningarnar frá eg.fo og G!, restin er upp til tey luttakandi sjálvi.  Ann Reynstind Jøkladal vann fyrsta umfar av kapp­ ingini fyri at skriva stuttligt og erligt um sínar G!-upp­ livingar, við orðingum, sum nú verða brúktar til íblástur í marknaðarføringini hjá G! Øll innkomin uppskot verða mett, og tað allarbesta kann enda í lýsingum og kunning hjá G! Tað eru fýra undanumfør yvir tveir mánaðar, og tann besta, flottasta, stuttligasta og/ella mest kreativa lýs­ing­ in verður kunngjørd aðru hvørja viku. Vinningur er eitt vikuskiftispass til G! Festi­val, ið er galdandi fyri allar festivaldagarnar. Ann­ ika skal seinni í finaluni kapp­ast við hinar tríggjar final­istarnar um tjaldingar­ pláss, merchandise og eina fløgu við G! bólki  Um tað er hóskandi, verð­ ur lýsingin løgd út á G! heimasíðuna . 2. kappingarumfar er nú byrjað, og vilt tú vera við í tí, skal lýsingin sendast inn á eg@gfestival.fo í seinasta lagi fríggjadag 6. apríl.   Tað ber eisini til at senda lýsingina við postinum á: G! Festival Att: Kapping á eg.fo Við Ánna 72 FO-512 Norðragøta Ann vann fyri bestu lýsing av G! Pet Shop Boys spæla í Bergen TÓNLEIKUR OG FERÐING Tíðindaskriv Seinastu tíðina hevur tað eydnast at fingið nógv stór nøvn til Bergen. Seinasta stóra navnið, sum nú fer at vitja Berg­ en, eru popplegendurnar Pet Shop Boys. Teir báðir Neil Tennant og Chris Lowe góvu mitt í 80´unum út slagarin West End Girls, og síðan hava teir, við sínum heilt serliga stíli, framleitt slagara eftir slagara. Tey flestu munnu kenna sangirnar Go West, Rent, Heart, It´s a Sin og ikki minst Elvis- nummarið Always On My Mind. Nógv eru á einum málið um, at Pet Shop Boys út­gávan av Always on My Mind er tann besta útgávan av sanginum nakrantíð. Í heimlandinum Ongland hava teir ikki havt færri enn 20 sangir á topp 10 listanum seinastu 20 árini. Teir hava eisini framleitt sangir fyri eitt nú Blur, David Bowie, Robbie Williams og Tinu Turner. Í samband við at Pet Shop Boys tann 27. apríl trínur á pallin í Bergen skipar Smyril Line fyri konsertferð til Bergen við Norrønu. Farið verður úr Føroyum hóskvøldið tann 26. apríl og koma til Bergen fríggjadagin tann 27. apríl. Fríggjakvøldið kl. 21.00 trína Pet Shop Boys á pallin í Grieghallen, sum liggur miðskeiðis í Bergen. Norrøna siglur av Bergen sunnumorgun tann 29. apríl og er á Havnini mánamorgun 30. apríl.