mikudagur 11. apríl 2007síða 33

11 Tá Eivør Pálsdóttir fer á pall í samband við AME, verða nakrir av nýggjastu sangum hennara at hoyra. Hesir sangirnir eru við á spildur nýggju fløguni hjá Eivør, sum kemur út í juni, og sum er tann dýrasta fløgan, sum Eivør enn hevur latið gera AME Dagfinn Olsen dagfinn@sosialurin.fo Eivør Pálsdóttir gleðir seg at fara á pall, tá Atlantic Music Event verður um vikuskiftið. Tað er langt síðani, at hon hevur verið á føroyskum palli, og Eivør hevur sett saman blandaða sang­skrá, har bæði nýtt og gam­alt sleppur við. - Nú er tað so, at ein skal ikki spæla so longi, men eg spæli eini 7 sangir, og harav eru eini 3, sum eru við á nýggju fløguni. Ann­ars er skráin blandað, sig­ur Eivør, sum eisini hev­ur sett ein nýggjan bólk sam­an. - Benjamin Petersen spælir gui­tar. Honum havi eg ikki spælt saman við áður, hann er sera dugnaligur gittarleik­ari, og eg gleði meg til at fáa hann við á pallin. Mikal Blak spæl­ir bass, Unn Patursson syng­ur kór, Rógvi á Rógvi spæl­ir trummur og Magnus Jo­han­ ne­sen tangentar, sigur Ei­vør, sum eisini fegnast um Norðurlandahúsið sum karm um AME, tí henni dámar væl húsið. Ikki kapping Um AME tiltakið sum heild sig­ur Eivør, at hon fegnast um, at talan nú er um eitt tón­leika­tiltak, í mun til tíð­ina við Prix Føroyar, har talan var um kapping. Í 2001 vann Eivør Prix Før­oy­ar saman við bólkinum Click­haze. - Slík tiltøk eru umráðan- di, og tað hevði veruliga nógv at siga fyri okkum tá. Men mær dámar væl, at tað nú er eitt tiltak, ístaðin fy­ri kapping. At kappast inn­an tónleik og list hevur ó­iv­að sínar dygdir og van- sar, metir Eivør, sum er væl nøgd við AME tiltakið í Ís­lan­di, og hon gleðir seg til AME í Føroyum. Tekur upp hjá Van Morrison Eivør vann sang­skriv­ara­kapp­ ing­ina, sum Norðurlandahúsið skriv­aði út undan AME. Um vinn­ara­lag­ið sigur Eivør, at tekst­in hevði hon liggjandi í umleið eitt ár. - Hetta er eitt slag av troys­tar­sangi. Íblásturin kom frá eini vinkonu, sum ik­ki hevði tað so gott júst tá, og frá vinfólki annars og frá mær sjálvari, sigur Ei­vør. Eivør vann høvuðsvinn­ingin á 75.000 krónur og peng­ar­nir koma væl við, sigur Eivør. - Eg eri í ferð við at gera nýggja fløgu lidna, sum væntandi kemur út um hálvan juni. Hetta er mín dýrasta fløga nakrantíð, og tí komu pengarnir væl við. Eg havi verið í upptøkuhølunum í eitt hálvt ár og nú er bert eftir at ljóðblanda, greiðir Eivør frá. Alt er upptikið í Írlandi og har verður eisini ljóðblandað. Talan er um upptøkuhøli, sum U2 hava átt, og sum Van Morrison nú eigur, og sambært Eivør er talan um góð upptøkuhøli, har hon trívist væl. Fyrstu smakkroyndirnar av nýggjum tilfari frá Eivør verða tó at hoyra, tá Eivør og bólkur hennara fara á pall til Atlantic Music Event um vikuskiftið. Eivør við blandaðari sangskrá