hósdagur 12. apríl 2007síða 3

Nr. 70 - 12. apríl 2007 3 tíðindi Ert tú sjónlig? Skráset teg nú á Kveik.fo Kveik.fo er ein nýggjur portalur, ið ger tað lætt at fi nna kvinnur við røttu førleikunum. “Rætti maðurin” er jú ofta ein kvinna! Vilt tú gera mun? Ver sjónlig - við tínari vitan, tínum royndum og hjartamálum! kveik.fo sansir.fo Nýggja fløgan hjá Eyðuni Nolsøe, sum hevur fingið heitið So Nógvar Røddir, er komin út í dag Útgáva Eyðun Klakstein eydun@sosialurin.fo Hittmakarin Eyðun Nolsøe hevur í dag givið nýggja fløga út. Hetta er onnur solofløgan hjá Eyðuni Nolsøe, eftir at hann í nógv ár skrivaði og spældi sínar sangir í Frændum. - Eg havi skrivað sangirnar á nýggju útgávuni leypandi. Onkrir sangir eru skrivaðir til hesa útgávuna, meðan aðrir sangir eru eitt sindur eldri. Tann elsti sangurin á útgávuni er 19 ára gamal. Við hvørt liggur okkurt og bíðar leingi, áðrenn tað verður gjørt heilt liðugt, sigur Eyðun Nolsøe. Fyrra solofløgan hjá Eyðuni Nolsøe kom út í 1996, men síðani hevur hann eisini givið tónleik út saman við Terja Rasmussen. - Tað eru liðin meira enn 10 ár, síðani eg gav fyrstu solofløguna hjá mær, so nú er tað eitt sindur upp á tíðina, at eg gevi eina nýggja fløgu út, sigur Eyðun. 10 nýggir sangir Á fløguni So Nógvar Røddir eru 10 nýggj føroysk løg, sum Eyðun hevur skrivað. Eina lagið er gjørt í samstarvi við Terja Rasmussen. Eyðun hevur arbeitt við fløguni síðani januar 2006 saman við Hans Poulsen, sum hevur produserað tónleikin. Tónleikarnir á útgávuni eru Hans Poulsen, Eyðun Nolsøe, Óli Poulsen, James Olsen, Jákup Zachariassen, Pætur við Keldu, Hans Petur í Brekkunum og Tróndur Enni. Í sambandi við útgávuna fer Eyðun Nolsøe Band á konsertferð í apríl og mai mánaði, og tá verða sangirnir av nýggju útgávuni spældir live. Talan er um konsert og dans í Føroyahúsinum 28. apríl, konsert í Norður­ landahúsinum 5. mai, konsert í Atlantis í Klaksvík 11. maj og konsert/dans í Ment­ anarhúsinum í Fuglafirði 12. mai. Tað ber eisini til at hoyra tveir sangir av fløguni á myspace profilinum hjá Eyð­ uni, sum er at finna á www. myspace.com/eydunnolsoe. Eyðun Nolsøe við nýggjari fløgu - Tað eru liðin meira enn 10 ár, síðani eg gav fyrstu solofløguna hjá mær, so nú er tað eitt sindur upp á tíðina, at eg gevi eina nýggja fløgu út, sigur Eyðun Nolsøe