mikudagur 25. apríl 2007síða 15

Nr. 79 - 25. apríl 2007 15 nøvn Kórini fara at syngja á konsertum í Norður­ landahúsinum 1. mai og í Christians­kirkj­ uni 2. mai Kórvitjan Hvør kennir ikki finska tóna­skaldið Jean Sibelius og vakra lag hansara Fin­ landia. Nú verður so møgu­ leiki at hoyra sangin á upp­ runamálinum, tí eitt finsk kór er á veg til Føroya at hava konsertir. Dreingjakórið undir Brúnni verður vertur, og før­oysku dreingirnir hava vant dúliga fyri at kunna syngja Finlandia á finskum saman við finska kórinum. Finski føroyingurin Thorolf Björklund hevur eisini verið uppi í leikinum og hjálpt til at fáa úttaluna upp á pláss. Finska dreingjakórið “Tavastehus Gosskør” er kór í evangelisk-luthersku kirkjuni í Tavastehus, 100 kilometrar sunnanfyri høvuðs­staðin Helsinki. Og tá talan er um eitt kirkjukór, ávirkar tað sjálvsagt sang­úr­valið. Breitt má tað tó sig­ast at vera, tá spennið er frá greorianskum til gospel og frá fólkatónleiki til sangleikir umframt sang­ir úr filmslistini og popp­tónleikinum. Tað er eisini galdandi fyri konsertirnar í Norður­ landahúsinum og í Christians­ kirkjuni, at talan er um eina breiða skrá – frá tí klassiska til gospel og frá fólkatónum til nútímans sang. Kórskúli fyri børn og ung Kórið byrjaði í 2000 og leiðari er Ismo Savimaki. Hann er útbúgvin á Sibelius- akademinum og virkar sum kantor, tvs. organistur og kór­ leiðari í evangelisk-luthersku Tavastehus-Vånå kirkjuni. Har hevur hann fýra kór, ið samstundis kunnu sigast at vera kórskúli fyri børn og ung. Saman við dreingja­kór­inum á ferðini til Før­oya eru eisini nøkur úr ungdomskórinum, Vånå Ungdomskør, ið byrj­­aði longu í 1996. Tað er van­­ligt at kórini læna sang­­ar­­ar hvør frá øðrum, alt eft­­ir hvat er á skránni. Kór­ini hava verið fleiri uttan­landsferðir, og á heysti í 2008 skal ungdómskórið um­boða ungdómskórini í finsku kirkjuni á kirkju­tón­­ leikasymposium í Stav­anger. Fyri Dreingjakórið undir Brúnni er tað stórur heiður at fáa so forkunnuga vitjan. Føroysku dreingirnir eru bodnir at syngja Finlandia saman við finska kórinum, og Dreingjakórið undir Brúnni fer fer eisini at syngja nakrar sangir, áðrenn finska kórið trínur fram. Dreingjakórið undir Brúnni hevur verið virkið í fleiri ár, og teir sum nú syngja, eru triðja ættarlið, kunnu vit siga. Kórið hevur sungið í bæði útvarpi og sjónvarpi og var fyri nøkrum árum síðani væleydnað konsertvikuskifti í Reykjavík. Nakrir av teim­ um, sum áður hava verið uppi í, eru nú komnir aftur at hjálpa teimum yngru at syngja fleirraddað saman við finska kórinum. Dreingjakór eru for­kunn­ ug­ir gestir í Føroyum, og Dreingjakórið undir Brúnni vónar, at fólk møta fjølment til konsertirnar, nú finsku dreingirnir koma allan vegin úr Finnlandi til Føroya at syngja fyri okkum. Tað hevði serliga glett kórini, um nógv børn og ung vórðu at síggja millum áhoyrararnar. Konsertirnar verða í Norð­urlandahúsinum týs­ dagin 1. mai kl. 16 og í Christianskirkjuni miku­ dagin 2. mai kl. 19. Finskt dreingjakór vitjar kórið undir Brúnni Dreingjakórið undir Brúnni Dreingjakórið úr Finnlandi, „Tavastehus Gosskør“ Finski kórleiðarin