mikudagur 2. mai 2007síða 15

35 NORTH ATLANTIC FISH FAIR 07 vinnuframi Tíðindaskriv Menningarstovan fór í søguna, tá stovnurin legði saman við Ferðaráði Føroya í ár. Men endamálið við stovninum – at menna og fremja bestu umstøður fyri føroyskt vinnulív – livir enn í øllum góðum í nýggja vinnu­framastovninum, sum júst hevur fingið nýtt navn. Tá henda grein er komin á prent, hevur Menningarstovan – saman við Ferðaráði Føroya – fingið nýtt navn, almanna­ kunn­gjørt á móttøku á farnu Menningarstovuni tann 2. mai.  »Menningarstovan er tó ikki farin í søguna meir enn so, at allar tær tænastur, sum stovnurin higartil hevur veitt vinnuni, verða tær somu og væntandi enn betri í nýggjum og størri stovni«, sigur Elin Heine­ sen, stjóri. Víðari sigur hon, at stovnurin aftur í ár fer at luttaka á North Atlantic Fish Fair, tí hetta er eitt frálíkt høvi at hitta føroysku vinnuna og at røkja útlendsk sambond.   Nýggjur verk­ ætlanarleiðari Unn Poulsen er nýsettur verk­ ætlanarleiðari á millum­landa­ deildini og hevur ábyrgdina av básluttøkuni á NAFF. Unn er útbúgvin cand.ling.merc. í ensk­ um máli og hevur altjóða royndir m.a. við patentvirksemi og ráðgeving. Unn sigur, at stovnurin við síni luttøku á NAFF ynskir at vísa á sítt fjølbroytta tænastu­ virksemi til føroysku vinnuna. Serliga verð­ur dentur lagdur á fylgjandi tænastur: Vinnuferðir, fram­sýn­ingarluttøka uttanlands, kunn­ing­ar- og ráðgevingar­tæn­ asta og føroyska "Export Direc­ tory", har allar føroyskar út­flutn­ ingsfyritøkur kunnu gerast sjón­ ligar.   Vinnuferðir Fleiri føroyskar útflutnings­fyri­ tøkur hava luttikið á ymsum vinnu­ferðum saman við Menn­ ingarstovuni seinastu árini. Leið­in hevur gingið til m.a. Spania, Russlands og Estlands. Løgmaður stóð á odda fyri seinastu handilsferðini, sum var til Íslands fyrr í ár. 20 føroyskar fyritøkur vóru við, og var hetta ein handilsferð, har fyritøkurnar fingu bjóðað ein samlaðan pakka við felags vinnufundum, B2B fundum, ráðstevnu og mót­ tøku. Elin Heinesen sigur, at av tí at stovnurin hevur eitt stórt mill­ umlandanetverk við líknandi stovnar í øðrum londum, so er gjør­ligt at standa fyri sera mál­ rættaðum vinnuferðum, har tørv­urin hjá einstøku fyritøkuni verð­ur nøktaður.   Offshore Europe - Deadline! Menningarstovan hevur verið upprunin til felags føroyska framsýningarluttøku á mongum altjóða framsýningum. Nú er tað nýggi stovnurin, ið stendur fyri yvirskipaðu ábyrgdini av eini røð av framsýningum. Nevnast kunnu European Seafood Exposition, heimsins størsta fiskavøruframsýning, sum er í Brússel á hvørjum ári. Icelandic Fisheries Exhibition og oljuframsýningunum Off­ shore Europe og ONS - Offshore Northern Seas, sum annaðhvørt ár eru í Aberdeen og í Sta­vang­ er. "Ein væleydnað ESE-lut­ tøka er júst farin afturum, og vit eru farin undir fyrireik­ingar­ arbeiði til Offshore Europe, ið verður í Aberdeen í døgunum 4. – 7. september. Seinasta freist at melda seg til føroyska landa­ básin í Aberdeen er 15. mai. Og tað ber til at fáa tilmeldingina avgreidda á NAFF við at venda sær til okkum á bási nr. A- 115" greiðir Unn Poulsen frá.   Hentir upplýsingar á www.trade.fo Saman við altjóða netverki uttan­ lands og einum vælútbygdum úrvali av dátugrunnum fáa út­flutn­ingsfyritøkur eina røð av upp­lýsingum um marknaðir, fyri­tøkur uttanlands, tollupp­lýs­ ing­ar og aðrar útflutnings­tekn­ iskar spurningar. Ein ørgrynna av upplýsingum liggur á heimasíduni www. trade.fo undir Útflutnings­hond­ bók, og fleiri upplýsingar fáast við at venda sær til stovnin ant­ in við at ringja, senda teldupost ella við at støkka inn á gólvið. Av dátugrunnum kunnu nevnast útflutningshondbøkur hjá granna­londum okkara, Kom­ pass, Euromonitor, landa­upp­ lýsingar frá danska útflutnings­ ráðnum og World Tariff.   Export Directory Á ensku útgávuni á heimasíduni www.trade.fo er ein knøttur, sum eitur Export Directory. Her eru útflutningsfyritøkur væl­ komn­ar – móti einum lítlum gjaldi - at skráseta seg við upp­ lýsingum um fyritøkuna, og hvørj­ar vørur og tænastur fyri­ tøkan selir.  Unn Poulsen sigur, at hon, sam­an við einum starvs­fólka­ toymi á nýggja stovninum, gleð­ ir seg til at hitta føroysku vinnuna á bási nr. A-115 til eitt gott prát um framtíðarsamstarv. Eisini vil hon sera fegin hoyra um hugskot frá vinnuni til áhuga­verdar verkætlanir, nú stovn­urin er vorðin størri, og harvið møguleikarnir eru betri til enn størri og fjølbroyttari virksemi. Nýggj andlit - nýtt tíðarskeið Elin Heinesen, stjóri á nýggja stovninum, gleðir seg til at hitta føroysku vinnuna á NAFF.