mikudagur 2. mai 2007síða 29

17 NORTH ATLANTIC FISH FAIR 07 - Tað er ein fragd at síggja, at vit aftur eru farin undir skipasmíð í Føroyum og øll eru líka fegin um, at vit hava fingið póllendingar á Skála at sveisa, sigur stjórin á Skipasmiðjuni skipasmíð Áki Bertholdsen aki@sosialurin.fo Á skipasmiðjuni í Havn og á Skála, hava tey nógv jørn í eldi­ num. Og tað kann stjórin á skipa­smiðjunum, Gunnar Mohr, ikki annað enn fegnast um. Serstakliga at vit nú aftur eru farin at smíða skip her á landi. - Men einasta orsøkin til at tað ber til, at vit fingu eina ser­ ligu avtalu um at fáa hand­verk­ arar úr Póllandi higar at sveisa skrokkarnar. Í løtuni eru teir í ferð við ein nýbygning til Thor og tá ið hann er liðugur, verður farin undir eitt skip afturat til Thor eftir sama leisti. - At vit hava fingið póllend­ ingarnar til Føroyar at sveisa skrokkarnar, eru ein sólskins­ søga. Og eg tori at siga, at uttan undantak eru vit øll somul ómeta­liga fegin um gongdina og um, hvussu væl tað gongst póllendingunum á Skála. - Eg tori eisini at siga, at vit eru, øll sum ein, ógvuliga huga­ góð at síggja, at vit aftur eru farin at smíða skip í Føroyum, sigur Gunnar Mohr. Ein fortreyt Men samstundis ásannar hann, at fingu tey ikki hesa serligu avtaluna við pólsku sveisararnar, vórðu heldur ongi skip smíðað í Føroyum. - Við ongum póllendingum, vóru heldur ongir nýbygningar, so einfalt er tað. Hann sigur, at í fyrra lagi er kostnaðarstøðið í Føroyum ov høgt til, at tað letur seg gera at smíða skipaskrokkar í Føroyum á kappingarførum støði og tí misti skipasmiðjan ordrarnar. - Og av tí, at vit mistu ordrar­ nar, er tað so langt síðani, at vit seinast smíðaðu skip í Føroyum, at førleikin her á landi at sveisa skrokkar, er eisini fokin. - Nú er tað bara sjálv arbeiðs­ lønin fyri at sveisa skrokkarnar, sum fer av landinum. Hinvegin skapar hetta nógv arbeiði í Før­ oyum og tí eru vit ógvuliga fegin um, at fakfeløgini sóu hend­an møguleikan, sigur Gunn­ ar Mohr. Sjálvandi kunnu skrokkarnir smíðast uttanlands, men Gunnar Mohr sigur, at tað hevur stórar fyri­munir at smíða teir í Føroy­ um. - Tað gevur teimum møguleika at hava eini nógv meiri flótandi arbeiðsgongd. Tá ið skrokkurin verður smíðaður í Føroyum, ber tað til hjá okkum at sleppa í holt við okkara part av arbeiðnum, so hvørt, sum skrokkurin verð­ ur smíðaður. Tað kann vera at leggja rør og kaðalar og at inn­ rætta skipið ananrs. Verður skrokkurin smíðaður uttanlands, sleppa vit ikki í gongd við okkara, fyrrenn skrokk­­­­­urin er heilt liðugur og er kom­in til Føroya. Og at smíða skrokkar uttan­ lands, elvir viðhvørt eisini til trupulleikar. Í løtuni er skipasmiðjan í holt við ein trolara til Viðareiðis og tann skrokkurin varð smíðaður í Póllandi. - Men hann var hálvan triðja mánað seinkaður og har stóðu vit so og fingu onki gjørt. Og tað leggur so eisini eyka trýst á skipasmiðjuna í Føroyum at fáa skipið liðugt til tíðina. Nógv virksemi Annars arbeiðir skipasmiðjan alla tíðina fyri at útvega nýggjar sáttmálar og har eru ymsir møgu­leikar, sum Gunnar Mohr ikki fær sagt so nógv um. Men Skipasmiðjan hevur eisini FJM í Runavík, har tey gera rustfríar framleiðslur til skip og virki og har er eisini nógv at gera. - Í løtuni gera vit verksmiðju til nýggju bátarnar, sum Beta smíðar í Spania og vit gera eisini eina hummaralinju til ein trolara, sum verður smíðaður í Skotlandi og vit gera somuleiðis nýtt framleiðsludekk til Fuglberg. Alt hetta kastar nógv arbeiði av sær og í løtuni eru eini 300- 350 fólk í starvi hjá skipasmiðj­ u­num og á FJM. Og vónirnar fyri framtíðini eru ikki so galnar, tí tað verða nógv skip smíðað í hesum døg­ um og her hevur skipasmiðj­an í Føroyum megnað at fingið sín part. Hinvegin er tað ein avmarking, at tey kunnu ikki smíðað skip á Skála, sum eru breiðari enn 13 metrar. Men á Skála er ætlanin er gera nýggja beding. Sum er, tekur bedingin skip upp til 800 tons, men tá ið nýggja bedningin er liðug í heyst, kunnu teir taka skip upp til 1500 tons og tað gevur møguleikar fyri at fáa fleiri skip til umvælingar. Umvælingar er eisini eitt, tey hava nógv av og í løtuni eru nógv skip til umvælingar. Her er talan bæði um føroysk og út­lendsk skip, eitt nú russisk skip. Men tá ið Skipasmiðjan er um­boðað á Fish Fair, er tað fyrst og fremst fyri at hitta fólk. - Okkara viðskiftafólk vita, hvat vit standa fyri, so tað er avgjørt nummar eitt at sleppa at hitta fólk, sigur Gunnar Mohr. Sólskinssøga á Skála Á skipasmiðjuni hava tey nógv at gera og stjórin er fullur av lovorðum um avtaluna við fakfeløgini um at fáa pólskar handverkarar hendavegin at sveisa skrokkar Blika spf. · Akranesgøta 9 · Tórshavn · Telefon 35 6666 Telefax 35 6667 · T-post: blika@blika.fo · www.blika.fo Títt amboð til fult HACCP eftirlit System Sure II er ein ATP-mátari uttan líka. Við honum er reingerðareftirlit eitt spæl. Lætt og ómakaleyst kann staðfestast, um lívrunnar restir eru á tildømis borðum og tólum - og tekur hetta einans 15 sekund. Ring og hoyr nærri um reinførisloysnir okkara System Sure II