mikudagur 2. mai 2007síða 22

22 tíðindi Nr. 84 - 2. mai 2007 Í 1. maidags tiltaki­ num, sum Javnaðar­ flokkurin skipaði fyri í Grasagarði, vísti Jóannes Ejdesgaard, løgmaður, í røðu síni á, at úrslit so sanniiga eru rokkin hetta valskeiðið, sum javnaðarfólk kunnu fegnast um MAIDAGSHALD Leo Poulsen leo@sosialurin.fo Í 1. maidagshaldinum, sum Javnaðarflokkurin skipaði fyri í Grasagarði seinna­part­ in í gjár, var løgmaður høv­ uðsrøðari. Hann legði fyri við at greiða frá upprunanum til 1. maidags haldini, sum byrj­aðu við einari arbeið­ara­ kongress í París í 1889. Har varð samtykt, at 1. mai skuldi verða dagurin, har ar­beiðararørslan um allan heim setti síni krøv fram. Síðani hevur 1. mai hvørt ár í 118 ár verið hildin við røðum og sangi – við krøv­ um um batar og við fagnaði um vunnin framstig. Nógvir glæsiligir sigrar eru úrslit av stríðnum hjá arbeið­ara­ rørsluni, sum tæna arbeið­ ararørsluni til miklan sóma eisini her heima hjá okkum, segði løgmaður. Hetta var orsøkin til, at Jóannes Ejdesgaard fyri tveimum árum síðani førdi fram, at klassiska stætta­ stríðið var av og heitti á fak­ felagsrørsluna um at seta sær nýggj mál. Tí fegnist eg ómetaliga nógv um í dag, at Samtak, sum er ein samanrenning av Føroya Arbeiðarafelag, Havnar Arbeiðsmannafelag og Fiskimannafelagnum, vón­andi við einari rødd tek­ ur til orðanna í øllum sam­ felagsins viðurskiftum, segði løgmaður. Nógv komið av skafti Jóannes Ejdesgaard segði, at síðani Javnaðarflokkurin fyri trimum árum síðani tók við landsins leiðslu, hevur gingið støðugt framá. Hann nevndi ein sterkan búskap, metlágt arbeiðsloyvi, stabil politisk viðurskifti og nógva optimismu í vinn­ uni. Løgmaður vísti á, at tað altíð í einum samstarvi er so, at tú mást geva nakað fyri at fáa nakað. Og at tað bert finst eitt alternativ til at vera í samgondu – og tað er at vera í andstøðu. Síðani nevndi Jóannes Ejdesgaard eina rúgvu av málum, ið eru gjøgnumførd hetta valskeiðið, og sum javnaðarfólk kunnu fegnast um. Fastan gerðarrætt, lóg um semjing, arbeiðs­skaða­ tryggingarlóg, gott sam­ skifti við fakfeløgini um eftirlønarskipan, hækking av samhaldsfasta og av fólkapensjónini, 337 nýggj starvsfólk innan almanna- og heilsuøkið, búskapar­ gongd­in vend rætta vegin og altjóðagerðin er sett á dagsskrá. Hesi vóru nøkur av punktunum, løgmaður nevndi. So komið ikki og sigið, at einki sæst til javnaðar­poli­ tikk, legði Jóannes Ejdes­ gaard dent á. Samhaldsfasti kostaði skattalætta Einskiljingar pðlagdu ikki at vera gott latín í javn­aðar­ flokkinum fyrr, men tíðin stendur ikki í stað. Løgmað­ ur vísti á, at tað er ikki upp­ gávan hjá tí almenna at reka partafeløg. Tað gevur held­ ur onga meining av binda milliardir í hesi partafeløg. Peningurin eigur heldur at nýtast til at niðurgjalda skuld, so fíggjarligir møgu­ leikar verða at styrkja um kjarnutænasturnar í landi­ num, helt løgmaður. Hann kom eisini inn á skattalættan, sum ofta fær ákoyringar frá fakfeløgu­ num. Men hetta var ein prís­ ur, sum Javnaðarflokkurin mátti gjalda fyri at fáa hækkað Samhaldsfasta. Og annars helt løgmaður ikki, at skattalættin bara var av tí ringa, tí loftið fyri toppskatti var hækkað úr 170 túsuns upp í 270 túsund við tí upp­ skotinum. Eisini vísti Jóannes Ejd­ esgaard á, at 180 milliónir av teimum 236, sum eru lætnar í skattalætta, eru komnar inn í Samhaldsfasta í staðin. Løgmaður nevndi eisini visjón 2015, ein visjón um einar Føroyar, har samhalds­ festi styrkir um tær tænastur, sum vit í Norðurlondum halda vera so sjálvsagdar. Jóannes Ejdesgaard end­ aði við at ynskja, at Javn­ aðarflokkurin og fakfelags­ rørslan halda góða sam­ starvi við líka og røkja tað eisini frameftir. Aycan vitjar føroyska dansigólvið Komandi vikuskiftið hevur Aycan, ið er best umtókti danski bólkurin innan dance/trance-tónleik, tvær konsertir í Føroyum. Talan verður um tvær konsertir. Fyrra konsertin verður fríggjakvøldið í Eclipse. Dagin eftir spælir bólkurin, ið er mannaður av eggiligu songverskuni Mette av kilverskum uppruna umframt dananum ‘Crapman’, ið stendur fyri rútmunum, í Mentanarhúsinum í Fuglafirði, sum samstundis er karmur um eitt stórt tónleikatiltak, ið byin.fo skipar fyri. Aycan, ið hevur sín uppruna úr jútlendska býnum Ålborg, er eitt kent tónlistarligt navn í Danmark og Týsklandi. Serliga er tað endurútgávan av legendariska lagnum ‘Lambada’, ið hevur gjørt, at Aycan nærum hevur verið fastur gestur á donsku hittlistunum seinastu tvey árini. Jóannes Ejdesgaard, løgmaður: Stór stig tikin á javnaðarleið Javnaðarflokkurin skip­að Gaman Fitt av fólki var ta einu løtuna í Grasagarði, har Javnaðarflokkurin hevði skipað fyri 1. Maidags haldi. Jazztónleikur og undirhald fyri børnum settu sín dám á tiltakið Jóannes Ejdesgaard, løgmaður, var høvuðstalari í Grasagarði á 1. maidagshaldinum há Javnaðarflokkinum. Mynd: Leo Poulsen Dánjal á Neystabø og Búi Dam undirhildu børnunum. Men tey vaksnu hugnaðu sær minst líka nógv sum tey smáu. Mynd: Leo Poulsen