týsdagur 15. mai 2007síða 22

22 vinnusíðurnar Nr. 92 - 15. mai 2007 - Sáttmálin nærkast undirskriving, men enn er endaliga støða ikki tikin til, hvar nýggja skipið skal byggjast. Tað verður antin í Noregi ella Danmark, sigur Jákup Jacobsen, reiðari í Gøtu Nýbygging Vilmund Jacobsen vilmund@sosialurin.fo Í eitt hálvt ella so hevur P/F Vinnan í Gøtu arbeitt við at fáa í lag ein sáttmála um nýbygging av einum kombineraðum trol- og nótaskipi. Jákup Jacobsen, reiðari, sigur, at nú er næstan komið undir land við samráðingum um ein sáttmála. Hann heldur, at sum út­litini eru í løtuni nærkast ein sáttmáli undirskriving, men kortini hevur felagið í Gøtu ikki endaliga tikið støðu til, hvar skipið skal byggjast. - Tað verður antin í Noregi ella Danmark, sigur hann. Spurdur, um hugsandi er, at skrokkurin verður bygdur aðrastaðni, sigur reiðarin, at tað er nakað, sum skipa­ smiðjan, ið fer at byggja skipið, tekur støðu til, men tað er ikki óhugsandi. Felagið í Gøtu hevur heldur ikki gjørt av, hvussu flotin, sum felagið eigur, verður skipaður, tá nýggja skipið kemur í flotan. Møgulig umbygging - Samstundis, sum vit arbeiða við at fáa byggi­sátt­ málan undir land, umhugsa vit eisini onkra umbygging. Jákup vil tó ikki neyvari siga, hvør umbygging talan kann vera um, men vísir á, at Tróndur í Gøtu er vorðin stívliga 20 ára gamal og krevur meira viðlíkahald nú enn áður. - Finnur Fríði, sum er nýggj­asta skipið hjá okkum, verður sum hann er. Hann hevur riggað og roynst sera væl, og man teljast millum bestu skip í hesum skipa­ bólki. Finnur Fríði hevur tvey veiði­loyvir. Aftrat Tróndi í Gøtu og Finni Fríða, eigur felagið í Gøtu Jupiter og Saksaberg, sum eisini hevur síni veiði­ rættindi til svartkjaft um­­ framt 40% av sild og nakað av makreli. P/F Vinna eigur eisini veiðirættindini hjá Krúnuni, sum felagið keypti. - Vit skuldu tískil havt pláss fyri einum skipi aftrat í okkara flota, sigur Jákup Jacobsen. Skjótt á sild Kombineraðu nóta- og trol­ skipini eru í løtuni á svart­ kjafti, men væntandi er, at tey fara á sild nakað skjótt. - Saksaberg hevur higartil gjørt tríggjar sildatúrar, og í dag landar skipið umleið 220 tons í Kollafirði. Reiðarin í Gøtu sigur, at sildin enn er soltin eftir gýting, men sum tíðin gongur, kemur meira upp á hana, samstundis sum hon P/F Vinnan í Gøtu Nýtt oljufund Oljufelagið Altinex Oil Denmark, sum millum annað um­fatar fyrrverandi danska oljufelagið Denerco Oil, kunn­ gjørdi í gjár, at felagið hevur funnið eina nýggja oljuleið í danska partinum av Norðsjónum. Leiðin er í Rau-økinum á 2504 metra dýpi. Enn er ikki greitt, hvussu stórt fundið er, men tær kanningarvar verða gjørdar nú. Fyri at gera tað lættari at staðfesta støddina hevur Altimex Oil Denmark gjørt tríggjar síðuboringar á leiðini. Útbjóðing loysti seg Tað loysti seg hjá danska statinum at bjóða ferjusiglingina millum Samsø og Kalundborg og millum Bøjden og Fynshav út av nýggjum. Tað vísti seg, at tey somu reiðaríini, sum høvdu siglingina frammanundan, áttu eisini lægsta boð hesaferð, men tey vóru kortini so mikið lægri enn tey gomlu, at staturin sparir 60 mió. krónur í stuðuli til siglingina tey næstu fimm árini. Tað kemst av, at reiðaríini hava funnið øki, har tey kunnu spara. Saksaberg hevur higartil gjørt tríggjar túrar á sild, og í dag landaði skipið umleið 220 tons til Kollafjord Pelagic Mynd: Vilmund Jacobsen Avtala er gjørd um útbygging av VHF netinum og um uppsetan av føroyskari AIS- skipan. Eisini verður nýggj útkalliskipan keypt til sløkkiliðið WHF Vilmund Jacobsen vilmund@sosialurin.fo Tilbúgvingarstovnur Føroya hevur gjørt avtalu við fyri­ tøku úr Eysturríki um út­bygging av VHF-netinum, so betri útbreiðsla fæst mill­ um oyggjarnar. Eisini er av­tala gjørd um uppsetan av einari AIS-skipan at fylgja við skipaferðsluni. Har­umframt er avtala gjørd um keyp av eini útkalli­ skipan, sum alarm­sentral­ urin skal brúka í sambandi við útkalling av sløkki­ liðum. Í nógv ár hevur verið fýlst á, at VHF útbreiðslan mill­ um oyggjarnar ikki er nøkt­ andi. Landsstýrismaðurin í fiski­­vinnumálum, Bjørn Kalsø, fegnast um, at komið er væl ávegis at bøta um viðurskiftini. - Tá alt arbeiðið vónandi er liðugt á sumri komandi ár, eru íløgur gjørdar fyri 21,1 miljónir krónur yvir tvey ár fyri at nútímansgera radioútgerðina á Tórshavn Radio og at betra um trygd­ ina á sjónum, sigur hann. Tilbúgvingarstovnur Føroya veit at siga, at fýra nýggjar VHF-støðir verða settar upp aftrat teimum fýra verandi støðunum, sum júst eru skiftar. - Umfatandi útrokningar hava víst, at best møgulig út­breiðsla við átta VHF- støðum fæst við at hava støðir á Eiðiskolli, Slætta­ fjalli omanfyri Mikladal, Hálsinum við Klaksvík, Støðlafjalli í Eysturoy, Klubb­­anum í Fugloy, Hest­ inum í Suðuroy, Knúki í Mykinesi og á Sornfelli. Nýggj stýrisskipan er upp­ sett á Tórshavn Radio, sum er fyritreyt fyri allari út­bygg­ ingini. Tilbúgvingarstovnurin sig­ur, at avtala er gjørd um uppsetan av eini AIS-skipan við 8 basisstøðum á somu plássum. - AIS, ið stendur fyri Automatic Identification System, er ein skipan, sum veitir støðugar upplýsingar um skipaferðsluna í VHF- økinum. Skipanin kann eis­ ini nýtast til at senda ávar­ ingar og onnur boð til skip umframt at hava eftirlit við eitt nú boyum, vitum, ali­ ringum og øðrum. Eisini er avtala gjørd um keyp av alarmservara til út­kall­ing av sløkkiliðum, sum alarmsentralurin hjá løg­regluni umsitur. Tey, ið ynskja fleiri upp­ lýsingar um útbyggingarnar, kunnu venda sær til leiðaran á MRCC Tórshavn, tlf. 351302. Fleiri upplýsingar um útbreiðsluna eru eisini at finna á www.mrcc.fo. WHF-netið útbyggjast Bjørn Kalsø, landsstýrismaður, fegnast um, at WHF-netið nú verður útbygt Mynd: Vilmund Jacobsen